تورتة البطاطس

السلام عليكم
كيف عاملين الغزالات
جبتلكم اليوم واحد الشهيوة كنعملها
كل مرة
وهي ساهلة وبسيطة

ما فيهاش شي مقادير بزاف متخلعوش من الكتابة وهدي ماشي ضروري تكون مظبوطة المقادير يعني عينك ميزانك وعلى حسب الاشخاص والمول لعندك



بسم الله نبدأ على بركة الله

المقادير



حبات بطاطس
بكية الشعرية الصينية
4 بيضات
شوية المعدنوس
شوية الملح
شوية ليبزار
شوية السوداني
كويرة الكفتة( رابعة)او اقل
والفروماج للتزيين



الطريقة
ناخد البطاطس ونصلقها ونمعسها ونظيف لها شوية
ليبزار-المعدنوس -الملح-ونحطها جنب

ناخد الكفتة نشحرها في مقلاة بمعلقة الزيت ونظيف لها شوية
ليبزار الملح السوداني ونحطها جنب

ناخد الشعرية ونخوي عليها الماء غليان ونصفيها ونظف لها شوية الملح ليبزار المعدنوس ونحطها جنب



ناخد المول وندهن بالزبدة ونعمل طبقةالبطاطة هي الاولى وندير فوق منها طبقة الكفتة وعاود طبقة الشعرية
وعاد طبقة البطاطة من الفوق يعني تبدى بالبطاطس وتختم بيها وتجيب البيض مخوظ وتعمر من الجناب ومن الوجه
وتدخلها الفرن ومن بعد ما تطيب تدير لها شوية الفروماج محكوك انا هنا مكانش عندي
ومنقولكمش كيف كاتجي بالهنا والشفا ياربي للكل



وفي الاخر

تسلم الايادي

شكرا لك اختي

بس ياريت تكون الوصفات باللغة العربية لتسهيل الفهم

فالعامية المغربية ليس بالكثير من يفهمها

تقبل ارق تحية

تسلم الايادى ياقمر