شهد القلوب
 بناء عشقي الاول والاخير الاسكندريه Welcome_042

* عزيزي الزائر *
اهلا و سهلا بك
كم اسعدتنا بهذه الزيارة و شرفتنا
و يزيدنا شرف بتسجيلك معنا و تصبح قلب من قلوب
* شهد القلوب *

 بناء عشقي الاول والاخير الاسكندريه 41160_1234692989

بناء عشقي الاول والاخير الاسكندريه

اذهب الى الأسفل

 بناء عشقي الاول والاخير الاسكندريه Empty بناء عشقي الاول والاخير الاسكندريه

مُساهمة من طرف حلم الربيع في السبت 02 يوليو 2011, 10:07 pm

 بناء عشقي الاول والاخير الاسكندريه Xzw36806

بصوا يا حلوين الموضوع دا منقول من الالف الى الياء
من بنوته خريجة اداب اثار يونانيه ورومانيه
يعني بقالها اربع سنين بتدرس كل سنتي في اسكندرية عجبتنى طريقتها زى الحدوته


انا قريت الموضوع وعجبنى جدا

طبعا عشان بيحكى عن اجمل مكان فى الدنيا

هى الحكاية اتكتبت على اجزاء

بعد رد الاعضاء عليها طبعا

بس عارفه انى لو استنيت الردود

يبقى عمرها ما هتكمل

يلا ما علينا

ندخل فى الحكاية هى تعجبكم

ركزوا معايا

 بناء عشقي الاول والاخير الاسكندريه Xzw36806

الجزء الاول

خلينا نبدأ من البدايه من الاسكندر المقدوني اللي اتربي علي ايد ارسطو
واللي فرضت عليه الظروف انه يتولي الحكم وهو عنده 18 سنه....
بس هو فعلا اثبت انه جاااامد وقدر يعمل امبراطورية عظيمه من مشارق الارض لمغاربها..

وكان طبيعي ان انظاره تروح علي مصر باعتبارها اعظم حضارات العالم القديم
وخصوصا انه كان شايف ان السكه مفتوحه ادامه لان ساعتها كان الفرس محتلين مصر وكانوا مطلعيييين عينينا -قصدي عينيهم-

وقد كان
اول ما وصل مصر سلمه الفرس مفاتيح البلاد واستقبله المصريين بالاحتفالات الجامده واستقبلو استقبال الفاتح لا الغازي

والعجيب ان كهنة امون يألهوه_علي اساس يعني انه ابن امون_ مااا علينا

اخد مصر ...وقبل ما يمشي جذب نظره قرية ساحليه في الشمالاسمها راقودة_ او راكوتيس_
قبالة القرية ديه كان موجود جزيرة في البحر .... وكانت القرية بتتميز بحاجه مهمة اوي ان ليها مينائين..
ميناء شمالي وهو البحر المتوسط_ او المصري كما كان يسمي_ كااان بأه
وجنوبي علي بحيرة مريوط اللي متوصله بأدغال افريقيا عن طريق نهر النيل
يعني كده القرية بتوصل بين افيقيا وبين اوروباواسيا...

ففكر في فكرة مجنونة...عارفين عمل ايه..!!!


عمل جسر اسمه ( الهيبتاستاديوم) لانه بيتكون من 7 استاديات
وربط بيه ما بين القرية والجزيرة اللي قدامها علي الساحل!!! الجزيرة دي بأه اللي هتتسمي بعد كده فاروس علي اسم المنارة

المهم جاب مهندس اغريقي اسمه ( دينوكراتيس) واوصاه بتخطيط المدينه عاي الطراز اليوناني .....

اللي هو ايه..؟؟

التخطيط اليوناني اسمه التخطيط الهيبودامي ..
وهو ان تخطيط المدينه يكون تعامدي
يعني شوارعها متعامده زي لوحه الشطرنج بالظبط طوليا وعرضيا مع وجود شارع طولي رئيسي واخر عرضي رئيسي علي جوانبهم بيتبني المباني الهامه والرئيسه في اي مدينه يونانيه زي المعابد والمسرح والجمانزيوم والحاجات ديه

في التقاطع باه ما بين الشارعين الرئيسيين بيبقي فيه ميدان واسع موجود فيه السوق التجاري( الاجورا )
قشطة لحد هنا؟؟

ماشي نكمل..

من الحاجات الظريفه اللي حصلت اثناء تخطيط المدينه ان الجير اللي كان المهندسين بيخططو بيه الشوارع خلص..عملو اييه؟؟
كملو التخطيط من القمح..... _ شفتو العز اللي كنا فيه؟؟ ولا بلاش كلمه عز يجعل كلامنا خفيف عليه _
المهم فالحمام اللي كان بيطير فوق المدينه بدأ ينزل ياكل من القمح واتملت الشوارع بالحمام..
اعتبرو ساعتها ان الموضوع ده بشرة خييير .. يعني ان المدينه دي هتكون من اغني مدن العالم... وقد كاان

والاسكنرانية منكم عارفين انه فعلا شوارع اسكندرية متوازية مع بعضها بالطول والعرض لحد النهارده _ مش زي شوارع القاهرة اللي بتحس فيها انك جوا مغارة علي بابا في اليومين اللي قاعدهم هناك _
سوري يا مصراوية بس انا مش قادرة مكونشي عنصرية.. اعذروني

وصلنا لحد فييين؟؟

اه للحمام.. بصوا باه ايه رأيكو انا حطابق لكو الخريطه القديمه بالجديده.. بس انتو تخيلو معايا..

جزيرة فاروس ديه مكانه دلوقتي الانفةشي وراس التين..
مش انتو لما بتروحو راس التين بيبقي البحر من الجنبين؟؟ ماهو علشان هي اصلا جزيرة..
طيب احنا قلنا كان متول بيه ايه؟؟

ايوه الهيبتاستاديوم_ اصحو معايا _
طب الهيبتاستاديوم ده كان منين لفين؟؟
كان بدايته في الجنوب من قرية راقوده( اللي بيوازي دلوقتي تقاطع ش انستازي بشارع ورشة الطوبجي (العطارين)
طب ونهايته اللي عند فاروس (بتوتزي ش اسماعيل صبري) متخيلين معايا..

اما المنشيه والجمرك فدول ترسبات ترابيه اتكونت حول الهيبتاستاديوم ومع الوقت بقوا المنشية والجمرك.. هارشين..؟؟
يعني الجسر كان بالعرض مش بالطول

حدود اسكندرية من الشرق مكانتشي بتتعدي منطقه الشاطبي..وتحديدا عند رأس لوخياس _ اللي هو السلسلة عارفينها؟_

وفي العصر الروماني امتدت الحدود لغاية الابراهيمية وبعد الفتح الاسلامي اتوسعت المدينه لغااااية المعمورة..
طب الشارعين الرئيسيين كانو اييه..؟
الشارع الطولي الرئيسي اللي هو دلوقتي شارع فؤاد وامتداده ش ابو قير
والعرضي شارع النبي دانيال
لو تلاحظو يا جماعة ان فعلا الشارعين دول ماسكين المدينه من طولها وعرضها .._حسب حدودها القديمه طبعا_

ا تقسمت اسكندرية لخمس أحياء
( ألفا- بيتا - جاما - دلتا - ايبسلون )
ودول اول خمس حروف في اليونانية
من ضمنهم الحي ملكي( هنتكلم عنه بعد كده) واللي هو دلوقتي من السلسله لمحطه الرملعرضا وبينتهي من تحت عند شارع فؤاد
ومن ضمنهم الحي المصري
اللي هو دلوقتي كرموز وكوم الشقافة
ومن ضمنهم الحي الحي اليهودي .. اللي خدوا الحي الخامس_ الدلتا_


ايه تاااني؟؟؟


حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف حلم الربيع في السبت 02 يوليو 2011, 10:09 pm

الجزء التانى

احنا كنا وصلنا لحد فيييين...؟؟
اه لحد الاحياء
اهم واكبر الاحياء دي كان الحي الملكي..مساحته كانت حوالي تلت المدينه طب حدوده منين لفين؟؟
حدوده من السلسله(رأس لوخياس)شرقا لمحطة الرمل غربا ومن تحت بينتهي عند شارع فؤاد..
متخيلين المساحه..؟؟متنسوش يا جماعه ان حدود المدينه في العصر اليوناني كانت-زي ما قلنا قبل كده-بتبدأ شرقا من السلسله واللي قبل كده كله مكنشي موجود..تمام..؟؟
طب تفتكروا ليه كان الحي الملكي اهم واكبر حي في اسكندرية.؟؟

فكروا


انا اقولكو..
لما الاسكندر مات بدأ خلفاؤه يبنوا في مصر دولتهم(الدولة البطلمية) وكان من الطبيعي انهم يبذلوا كل اللي يقدرروا عليه علشان يحطوا دولتهم الوليدة علي خريطة العالم القديم..
ولان اسكندرية كانت هيا العاصمة..اهتموا بيها اهتمام خاص..الي ان اصبحت اهم مدن حوض المتوسط علي الاطلاق...وحبرهنلكوا ده بعدين..

السبب التاني..ان كل ملك كان يهمه اوي انه يخلد اسمه واسم اسرته..فيعمل ده ازاي؟
بانه يبني لنفسه القصور الفخمة والضخمة..زي ما هنشوف دلوقتي..

بصوا يا جماعه انا هعمل معاكو حاجه حلوة اوي..طبعا احنا عارفين ان الميناء كان مقسوم اتنين صح؟؟
ماهو لما وصل جزيرة فاروس بقرية راقودة عن طريق الهيبتاستاديوم قسم المينا لالتنين شرقي وغربي..هارشين ولا ايه؟؟
فاحنا هنعمل ايه..هنركب قارب وندخل من الشرق للمينا الشرقي متجهين للهيبتادستاديوم(يعني رايحين علي محطة الرمل) بس واحنا في الميه وهنشوف كل اللي هيقابلنا علي الشط ونكتشفه مع بعض
خلاص؟نبدأ..


داخلين اهه..


اول حاجه طبعا هنبدأ من عندها هيا رأس لوخياس واللي بتبتدي منه حدود المدينه وحدود الحي الملكي
اه بالمناسبة..كل ملك كان ليه 3 قصور..قصر علي رأس لوخياس وقصر علي جزيرة انتيرودس وتالت علي االشاطيء عادي..
وعلي رأس لوخياس هنلاقي مقبرة كليوبترا واللي طبعا دلوقتي مش لاقينها
هنبدأ نتحرك بالقارب..
اول حاجه هنرصدها علي علي الشط هيا القصور الملكية..
القصور دي باه يا جماعه كانت مشكلة..
غاية في الفخامة والجمال والغني..يعني مثلا خدوا عندكو..

الارضيات مغطاة بالعاج..الجدران كلها مغطاة باجود اتواع الرخام وعليها لوحات نحت وموزايكو لاشهر الفنانين الاغريق..وتتناثر حبوب الياقوت فوقها...السقوف مغطاة بالواح الذهب الخالص..الوسائد مزينة بالمجوهرات..الاكواب والكئوس مزينة بالاحجار الكريمة....
ده طبعا غير الفواصل المعمارية الرائعه زي استخدام العقود والمشكاوات المقببه والمثلثة واستخدام الكرانيش البارزة والجمالونات النصف دائرية بالتناوب مع المثلثة......ايه الكلام الكبير اللي انا بقوله ده..!!!

شفتو باه يا جماعه احنا زمان كنا جامدين ازاي؟؟
مقصدشي المصريين علي فكرة انا قصدي السكندريين..
لان اسكندرية عمليا مكنتشي جزء من مصر في نظر العالم كله..
لان اسكندرية كانت العاصمة وكان كل سكانها السكندريين من الاغريق والمقدونيين..وكانت بجد منارة للثقافة بيجيلها طلاب العلم من كل العالم القديم ومن اقاليم مصر كمان

يعني مثلا الوالي كان بيتقال عليه والي مصر والاسكندرية) فاهمين المغزي؟؟
وكان بيتقال كمان..aygepto ad alexandrous
يعني مصر اللي بجانب اسكندرية..
فعمليا اسكندرية كانت منفصلة عن مصر وكانت اغني مدن العلم القديم علي الاطلاق..اغني تجاريا واغني علميا وثقافيا..لدرجة انها كانت بتتقارن بأثينا

المهم نرجع تاني للحي الملكي..معلشي انا سرحت...

كده خلصنا منطقة القصور ومازلنا ماشيييين..
هنلاقي جنب القصور مبني اسمه البوسايدون..شايفينه؟؟
ده معبد لاله البحر الاغريقي اللي هوا (بوسايدون) بعد البوسايدون فيه المسرح..واللي كان من اهم اساسيات المدينه اليونانية..وكانو بيعتمدو في بناؤه علي ان يكون فوق تل عالي علشان يقدروا ينحتوا عليه مقاعد المشاهدين واللي بنسميها (الكافياcavea) وكان مكانه مكاتن البمستشفي الاميري..لانه حته مرتفعه نسبيا..تمام؟؟
وطبيعي بعد المسرح نلاقي معبد ديونسيوس..لييييه؟؟
علشا ديونسيوس ده اله الخمر والادب والفنون ولازم يقترن معبده بالمسرح في المدينه اليونانية..

لسه ماشيييين..شايفين المبني الضخم ده؟؟ده اسمه القيصرون..وده باه مش معبد ده حرم مقدس..خلينا نتكلم عنه بالتفصيل بعدين
بعد القيصرون بنلاقي لسان صناعي في الميه وعليه قصر ملكي..اللسان ده عمله انطونيوس بعد ما اوكتافيوس هزمه وسماها التيمونيوم..وبني فوقه قصر علشان يعيش في معزل عن الناس..ده طبعا قبل ما ينتحر
بكد بنكون وصلنا للهيبتاستاديوم..وخلصنا الميناء الشرقي..بعد الهيبتاستاديوم باه فيه الميناء الغربي واللي اسمه (Eunostos( وده الميناء اللي كان شغال من وقتها لغاية دلوقتي وهو ميناء بحري والدخيله.
اما المينا الشرقي اللي احنا كنا فيه فده مقفول ليييه؟
لان بتسده احجار ضخمة فوق وتحت مستوي البحر وده بيمنع السفن الضخمة من انها تعدي داخل الميناء..المينا ده يا جماعه بنشوفه دلوقتي فعلا من السلسله لحد المنشية..المينا المقفول ده عارفينه.؟؟؟ اهو هوا ده
اه فيه نسيتها..النقطه اللي بتربط الهيبتاستاديوم باليابسة فيها ميدان واسع معمول فيها الامبريوم او السوق التجاري للمدينه..بعدها قيه (النفاليا) اللي هيا الترسانه البحرية زمان وبعدين (الابوستاس )وهيا مخازن المينا (الغربية طبعا)

طيب احنا كده خدنا الحي الملكي من علي البحر طب باقي مكوناته لغاية ش فؤاد فيه ايه..؟؟؟؟فيه مقبرة الاسكندر..وفيه المكتبة والموسيون وفيه الجمانزيوم وفيه تفاصيل كتير اوي ...خلينا نتكلم عنها ونخلص الحي الملكي المرة الجاية باذن الله وندخل كمان في باقي الاحياء
حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف حلم الربيع في السبت 02 يوليو 2011, 10:11 pm

الجزء الثالث

اخر حاجه وصلنالها كانت ايه...؟؟؟

الحي الملكي..

ركبنا في قارب وبدانا نستكشف مكونات الحي الملكي علي الساحل لغااايه ما وصلنا الي الهيبتاستاديوم..مظبوط؟؟

وقلنا نكمل المرة الجايه باقي المنشات المهمه فيي الحي الملكي واللي مش موجوده علي الساحل..لا ..هيا ممتده جنوبا لحد شارع فؤاد..وهو الشارع اللي بيحد الحي الملكي جنوبا...صح؟؟

ايه باه المبااني ديه..؟؟
مثلا زي مقبرة الاسكندر../قبرة كليوبترا..المكتبة والوسين...الجيمانزيوم
اوك..نبدأ..؟؟

ياللا..

نبدأ بمقبرة الاسكندر..
كان شكلها عامل ازاي..موجوده فين..بيسموها ايه..؟؟؟؟؟

مقبرة الاسكندر الاكبر كانت من اهم المباني اليونانيه اللي اخدت اهميتها طوال العصر البطلمي وحتي الروماني الي ان اندثرت واختلف العلماء والاثريين في تحديد مكان المقبرة حاليا
قالوا في الاول ان مكانها بين التقاطع ما بين الشارعين R5 و L1
الللي هما شارعي النبي دانيال وشارع فؤاد

واحنا سبق وقلنا ان الشارعين الرئيسيين في اسكندرية في العصر البطلمي كانو النبي دانيال عرضا وشارع فؤاد وامتداده ش ابي قير طولا

وسبق وقلنا برضه ان الميدان اللي بينتج عن تقاطع الشارعين الرئيسيين بيبقي موجود فيه الاجورا اللي هوا السوق اليونانيه اللي موجوده في مركز كل مدينه يونانيه
فهل يعقل ان مقبرة الاسكندر تبقي موجوده في مركز المدينه..؟؟

طبعا لأ..لان جرت العاده ان المقابر بتبقي موجوده علي اطراف المدينه..
وبما ان الحدود الشرقيه للاسكندرية كانت لغاية السلسله بس..فمنطقي جدا ان المقبرة تكون موجوده عند التقاطع بين ش فؤاد وشارع قناة السويس
وده فعلا اللي اتوصلوله العلماء اخيرا

ان مقبرة الاسكندر لاكبر موجوده عند تقاطع شارعي R1 و L1
المكان اللي موجود فيه تمثال الاسكندر..عارفينه..
هو ده المكان

تمام كده؟؟
طيب كانت شكلها ايه المقبره دي..؟؟

كانت اسمها الsema او الsoma
وبنيت علي طريقه الtumulo
ودي طريقه غريبه علي المصريين ولكن معتاده عند المقدونيين
عباره عن ايه باه؟؟

عن حجرة دفن تحت الارض محفورة او مبنية
ومبني فوقيها الركام(اللي هو الرديم الناتج عن الحفر)كوم دائري ذات قبة مخروطية الشكل
ده كان التوميولو
وهيا دي المعلومات المتاحه حتي الان عن مقبرة الاسكندر

تعالو نروح لمكان تاني...برضه مهم بس مش باهمية الاسكندر

مقبره كليوبترا السابعه

دي كانت موجوده علي الساحل ..يمكن لرغبة كليوبتراالطموحه في ان يرتبط اسمها بمبني لها منفصل عن مبني مقبرة الاسكندر

اتبنت علي نفس الطراز المقدوني (tumulo) بس الفرق مابين المبنيين ان مقبرة الاسكندر كانت حجرة الدفن فيه محفورة لكن في مقبرة كليوبترا كانت مبنية

طب كانت موجوده فيييين
كانت موجوده فوق رأس لوخياس..الللي هو ايه ده..؟؟؟

ها افتكروا...

تمام..
اللي هوا السلسله حاليا
وده موقع اكيد علي فكرة

طبعا معروف الطريقه اللي ماتت بيها..بس نقولها علشان خاطر الحبايب

بعد ما اوكتافيوس دخل الاسكندرية بعد انتصاره علي انطونيوس وكليوبترا في اكتيوم..
انتحر انطونيوس ودفن في المقبرة اللي سبق وكان بناها هو وكليوبتلاا علشان يدفنوا مع بعض...شغل عشاق باه
المهم ...مكنوش لسه كملوها(كملهالهم اوكتافيانوس بعد كده بالمناسبة)

وبعدبن فضلت كليوبترا انها تحصل حبيبها وتدفن بجواره
وبالفعل في يوم راحت المقبرة بحجه انها تعمل مراسم الدفن اللائقه لانطونيوس وأمرت حارس المقبرة انه يجيب لها سلة مليانه تين ويخبئ اسفل التين التعابين
والطريقه اللي ماتت بيها الملكه بتعكس مدي تأثرها بالمصريين
لان معروف طبعا الثعابين مقدسة عند لمصريين القدماء

ايه ده ايه اللي دخلنا في المصريين القدماء دلوقتي,,
معلشي انا شتيت شوية..



نرجع لكليوبترا

عثر بعد موتها علي اثار تعابين علي الرمال البحر اللي كانت بتطل عليه المقبرة
طبعا سوااء لمقبرة الاسكندر او كليوبترا الاتنين اندثروا دلوقتي
ولم يعد لدينا سوي معلومات نستقيها من نا او هناك
حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف حلم الربيع في السبت 02 يوليو 2011, 10:14 pm

الجزء الرابع

اه احنا قلنا هنكمل المكتبة والموسيون والجمانزيوم ونخلص باه الحي الملكي ده اللي مش عايز يخلص

اوك...
ياللا نبدأ..

بعد وفاة الاسكندر كون خلفاؤه 3 أسر في 3 اماكن مختلفة..الدولة البطليمة في مصر بقيادة بطلميوس الاول والدولة السليوقية في سوريا بقيادة سليوقس والدولة اللي مش فاكره اسمها في أسيا الصغري..وطبيعي طبعا ان ينشأ صراع بين التلات دول لان كل حاكم كان عايز يثبت انه هو الاحق بخلافة الاسكندر المقدوني وخاصة البطالمة والسليوقيون كانت بينهم حروب جامدة جدا علي مر العصور..
المهم نرجع لموضوعنا...
المكتبة..
كانت فكرة عبقرية جدا من بطلميوس الاول او بطلميوس سوتير( أي المنقذ) زي ما اسموه سكان جزيرة رودس انه ينشأ دار حكمة ملحق بمكتبة ضخمة تضم نسخ اصلية من اهم المخطوطات في العالم القديم..
طب ايه هو دار الحكمة ده...؟؟؟ تعالوا نبدأ بيه..
الموسيون Museion او دار الحكمة ده كان عبارة عن مكان للبحث..حاجة كده زي جامعة ضخمة –اول جامعة في تاريخ البشرية- بيجيلها العلماء من كل حدب وصوب وبيدرسوا وبيتدارسوا فكان الموسيون بمثابة منزلا للعديد من العلماء والمفكرين والباحثين امثال "اقليدس" أبو الهندسة , و"أرشميدس" أعظم المخترعيو,,,, "هيروفيلوس" مؤسس علم الفسيولوجيا , "أريس كوس" من أعظم الفلكين , وغيرهم,
وهكذا لم يكن القصد إنشاء المكتبة لذاتها , وانما خدمة للمؤسسة الأمم وهى الموسيون
وكان به قاعة ضخمة كان يتناول فيها العلماء الطعام سويا وايضا اماكن للبحث واماكن للنوم حيث كان العلماء يقيمون اقامة كاملة
اما عن المكتبة والتي كانت تابعة للموسيون فطبعا عارفين انها من اعظم واكبر مكتبات العالم القديم وده مش كلام انشا..
المكتبة كانت بتحتوي تقريبا علي مليون من لفائف البردي وكانت تضم عشر قاعات بحث كبيرة كل منها مخصص لدراسات معينة , فكان بها غرف للتشريح , وحدائق للنباتات وأقفاص للحيوانات , إلى جانب القاعات الضخمة المخصصة للمناقشات والمحاورات
طيب كانوا بيجيبوا الكتب دي منين باه؟؟؟
كان ليهم كذا مصدر...اولا لما كانت سفينه بترسي في ميناء الاسكندرية او بتمر منه وكان بحوزتها نسخ اصلية من كتب بيصادروها فورا وبيعوضوا اصحابها عن ده بنسخ من الكتب دي بالاضافه الي التعويض المادي طبعا
بالاضافه الي انها كانت تحتوي علي كتب تخص كل الديانات القديمة
زي الديانة البوذية والزرادشتية واستقدموا 70 حبرا من احبار اليهود ليقوموا بترجمه التوراة الي اليونانية وهو ما سمي بالترجمه السبعينيه ولما المخطوطات كبرت جدا وبقت كتير علي المكتبة وباه صعب عمل الفهرسة اللازمه للكتب اتبنت مكتبة صغري ملحقه بمعبد السرابيوم في منطقة كوم الشقافة
طب مكان المكتبة الام والموسيون كان فييييين؟؟؟؟
طبعا احنا قلنا قبل كده ان المكتبة كانت بتحد الحي الملكي من الغرب يعني قبل الامبريوم والابوستاس فاكرينهم؟؟؟؟
فبكده بيكون مكان المكتبة ما بين الشارع الطولي L1 وما بين الشارعين R5 و R4 أي في القطاع الواقع بين شارع النبي دانيال وشارع صفية زغلول شمال شارع كانوب اوشارع فؤادبالقر من معبد القيصرون...اكيد فاكرينه...
ولو مش فاكرينه مش حاعيد تاني
تلاميذ فشلة
ما علينا...
بس...ده ملخص عن المكتبة العظيمة اللي ظلت مادة خصبة للبحث عن اثارها لقرون وقرون..طيب هيا فين..راحت فين المكتبة دي؟؟

للاسف تم تدمير المكتبة والموسيون وقتل ابداعهما قتلا بطيئا..كانت الكوارث بتتوالي عليهما عام بعد الاخر الي ان انتهيا ورحلا عن عالمنا تماما

ففي نهاية حكم البطامة سائت الاحوال وكان الناس غير راضيين عن الحكم وسائت الحالة الاقتصادية الكلام ده كان مع بداية القرن الاول ق.م
يعني مثلا في عهد بطلميوس الثامن قام السكندريون بثورة علي اعمال الفساد في البلاد فترك الملك جنوده يعبثون فى الأرض فساداً فقتلوا الشعب واضطهدوا العلماء وشتتوا شملهمكرد علي السكندريين
اما الكارثة العظمي فكانت عام 48ق.م لما تتبع يوليوس قيصر القائد بومبي الي ان نزل الي الاسكندرية وفي هذه الاثناء كانت هناك حرب بين كليوبترا السابعة واخيها علي الحكم فاتخذها قيصر ذريعة واخذ صف كليوبترا ضد اخيها وقاد حرب شرسه ضده كان من بشاعتها ان احتمي اهل الاسكندرية بالهيبتاستاديوم فسمم قيصر المياه العذبة الواصلة اليهم وقتل الكثيرين..وياريتها جت علي اد كده ده احرق السفن الموجودة في الترسانة البحرية ولان اسطح المباني في هذا الوقت كانت خشيبية فامتدت النيران فوق الاسطح الي ان وصلت الي الموسيون والمكتبة واكلت معظم الكتب والجدران وفر العلماء ن المدينة..تخيلوا!!!
ثم تعاقبت الأحداث بعد ذلك على المدينة ففى سنة 256 م تعرضت لنوع أخر من التدمير لكنة كان هذه المرة شديداً وخاصة فى الحرم الملكي حيث تقع المكتبة وبعد عشر سنوات كانت هناك موجة اخرى من الاضطهاد والتدمير على يد الامبراطور "اوربليانوس" أصابت الحرم الملكى بتسهير شديد لدرجة ان علماء المتحف فروا الى خارجة ولجأوا إلى معبد السرابيون ، ثم تلا ذلك الاضطهاد الاكبر ضد المسيحيين على يد الامبراطور "دقلديانوس" سنة 296 حيث قتل الناس ودمر جانبا من المدينة وأمر باحراق جميع الكتب التى اعمل فيها النار دون شفقة ،
كل الاحداث دي لم تبق من المكتبة والموسيون الي الذكريات...ولكن الافكار لا اجنحة زي ما قال شاهين...
فبعد القضاء علي المكتبة والموسيون انتقلت الحركة العلمية كلها الي مكتبة السرابيوم...فاكرينها..اللي قلنا في الاول انها داخل معبد السيرابيوم في منطقة كوم الشقافة...تم نقل البقية الباقية من المجلدات وقامت المكتبة بدور المكتبة الام بعد تدمير الاخري
بس للاسف مع بداية القرن الرابع الميلادي اشتعلت نار الثورات الدينية مع اعلان المسيحية دينا رسميا للدولة وظهر اسقف يسمي ثيوفيلون ادعي ان المكتبة والسرابيوم معقل من معلقل الوثنيوة وقام باستصدار امر من الامبراطور الروماني لتدميرهما وحرقهما
وبكل اسف نجح غفي ده بدعوي باطلة ان المكتبة بتنشر الكر الوثني بما فيها من مجلدات ترجه الي ما قبل المسيحية وقام هو ومن معه بهذم المكتبة الي اخر طوبة..ثم حولوها الي كنيسة...
وبكده...
بتكون خلصت حدوتة مكتبة الاسكندرية في القرن الرابع..الحدوتة اللي ظلت سبع قروننهلا عذبا يرتوى منة رجال العلم والفكر والثقافة. الجحدوتة اللي لسه بنتكلم علي عظمتها لحد يومنا ده احنا السكندريين بكل فخر و...وندم
عارفين يا جماعة انا اول مرة اقا فيها ازاي انتهت المكتبة دي عينيا دمعت..حسيت ان فعلا أي ابداع لازم ينمحي من الوجود ..وبالرغم اني كان لازم اكون مع الاسقف لان المسيحية كانت في الوقت ده الدين السماوي الحق..بس لاقيتني بندم علي المجد اللي راح وبزعل اوي علي العظمة اللي كنا بيها اكثر مدينة في العالم اشعاعا للعلم والثقافة وكان العلماءبعد ما اخدت الشرف ده من اثينا...اوزاي عشان تعصب ديني يستصدرالاسقف حكم بالاعدام علي نور العلم وازاي عشان مجد سياسي يخطو الامبراطور الخطوة الرهيبة دي
خلاص..كفلية كده عشان انا الكلام جوايا كتير..مش عارفه حاسين زي منا حايسه ولا لا..
حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف حلم الربيع في السبت 02 يوليو 2011, 10:15 pm

دا اخر جزء هى كتبته لو كتبت تانى هقولكم

يارب بس القصه تعجبكم

اقروا كل يوم جزء

شوفتوا مش بتقل عليكم ازاى
حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف طارق بن زياد في الأحد 03 يوليو 2011, 1:44 am


مشكورة اختي نور القلوب على الموضوع الجميل
بصراحة عودتينا على المواضيع الحلوة
تقبلي مروري
طارق بن زياد
طارق بن زياد
عضو ماسي
عضو ماسي

empty empty empty empty empty ذكر

عدد المساهمات : 1750

نقاط : 15158

تاريخ التسجيل : 12/05/2011

الموقع الموقع : المغرب الحبيب

sms منتدى شهد القلوب
empty mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف بنوته مصرية في السبت 09 يوليو 2011, 4:52 pm

 بناء عشقي الاول والاخير الاسكندريه 1185254463

بنوته مصرية
بنوته مصرية
VIP
VIP

empty empty empty empty
empty empty انثى

عدد المساهمات : 3654

نقاط : 22856

تاريخ التسجيل : 15/09/2009

الموقع الموقع : ام الدنيا

sms منتدايات شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف السنيوريتا في السبت 09 يوليو 2011, 9:19 pm

مجهووووود رااااااائع يا لومتى وتستحقى
عليه التقدير ياقمر مموضوعك قمه فى الجمال
واجزائه مرررره جميله تسلمى يا حـلـوهـ


 بناء عشقي الاول والاخير الاسكندريه 97

 بناء عشقي الاول والاخير الاسكندريه 1248372165

 بناء عشقي الاول والاخير الاسكندريه Images?q=tbn:ANd9GcQ0Z4NlKWFvVJwqXNG9_ACfWqJWrJ2w_iQM_l3NPe4D0SRaFnjdnw&t=1






      أضحك فى وش الناس مهما كان فيك همووم الدنيا دا الى علمتهونى الحياه

مبينش ضعفى لحد ممكن يفرح فيا اضحك ولوو فى عينك 10000 دمعه




 بناء عشقي الاول والاخير الاسكندريه Index
السنيوريتا
السنيوريتا
عضو ماسي
عضو ماسي

empty المراقبة المتالقة empty اوفياء المنتدى empty انثى

الجوزاء عدد المساهمات : 3372

نقاط : 27988

تاريخ التسجيل : 26/03/2011

العمر : 26
الموقع الموقع : اكتوبر سيتى

sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف حلم الربيع في الثلاثاء 12 يوليو 2011, 1:57 pm

 بناء عشقي الاول والاخير الاسكندريه 3957520273
حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف عبير الروح في السبت 20 أغسطس 2011, 8:41 am

الله عليك يا لوما

بجد روووووووعه

شوقتيني اني ازور الاسكندرية

و مصر كلها والله

بارك الله فيك يا عالية

عبير الروح
عبير الروح
عضو ماسي
عضو ماسي

empty empty empty empty empty
empty empty empty empty empty empty empty empty empty انثى

عدد المساهمات : 29839

نقاط : 109787

تاريخ التسجيل : 09/02/2010

empty empty empty empty

الرجوع الى أعلى الصفحة اذهب الى الأسفل

 بناء عشقي الاول والاخير الاسكندريه Empty رد: بناء عشقي الاول والاخير الاسكندريه

مُساهمة من طرف حلم الربيع في السبت 20 أغسطس 2011, 1:25 pm

تسلمى حبيبتى

وتنورينا يا قمر

وتنورى مصر كلها
حلم الربيع
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 33842

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى