حلوى باللوز للمناسبات رائعة منظر و مداق

من طرف **قلب الحب** الأربعاء 11 مايو 2011, 12:17 am

المقادير:

1 كيلو لوز مقشر و مطحون مع
500غ سكر سنيدة
الماء الزهر
شوية المسكة الحرة
قشرة برتقالة محكوكة
2 أصفر البيض
2 معالق كبار الزبدة لينة
قبيصة الملح
150غ الفواكه معسلة حمراء و خضراء مقطعة
50غ قشرة البرتقال معسلة و مقطعة

للتزيين:
500غ لوز مقشر و محمر و مهرمش

الطريقة :

نطحن اللوز مع السكر حتى نحصل على العقدة .نخلط معاه كل العناصر اللي دكرت.نخلي العقدة تشرب ليلة كاملة في الثلاجة.

نعمل منها حرابل رقاق ندوزهم في اللوز المحمر و المهرمش.نحطهم في صفيحة مغطية بالبلاستيك الغدائي .و ندخلهم للمجمد حتى يجمدو .نخرجهوم و نقطعهم لقطع متساوية و بشكل مائل.

نحطهم في صفيحة الفرن مغطية بالسولفيريزي و ندخلهم لفرن ساخن لمدة 10 دقائق على الأكثر
و نخرج الحلوى من الفرن ندهنها بالعسل أو الناباج و نحطها في الكويغطات ديال الحلوة.