رايحة فين و جاية منين

من طرف نسيم الحب الجمعة 04 مارس 2011, 7:35 pm

موضوع شاغلني و ياريت الاقي النقاش و الجواب لاسالتي

بدون اي مقدمات او كلام كتير

هل تحكم الشاب في حببته (رايحة فين...جاية منين..ماتتاخريش...روحي بسرعة....الخ) يعتبر خنقة للبنت زي مابيقوله.؟

و هل تقبلي على نفسك يتعمل فيك كده...؟

هل تحكم الحبيب و الخطيب و الزوج يختلف بمعني في بنات كتير بتقلك لو جوزي ماشي يتحكم بس مادامت مش عنده بالبيت مالوش اي حكم عليا...؟ايه رايك

رأيك ايه يا ادم لو قالتلك مالكش حكم عليا ..؟لما نتجوز ابقى احكم زي ماتحب..؟

ما رأيك انت يا حواء فالي يعمل كذا ؟ هل فعلا دا بيخنقك؟؟
ايه رائيكم في الموضوع هذا

من طرف **حلم الربيع** الجمعة 04 مارس 2011, 8:38 pm

موضوع جامد جداااااااااااااااااااااااا

انا بقى عن نفسى

احب ان حبيبى يبقى مشغول بأمرى طول الوقت

رايحه فين وجايه منين وكدا يعنى

اينعم مش هسكتلوه ساعتها

وهفضل اتحاور واتناقش

بس طبعا هكون مبسوطه

عشان هو مهتم بحالى وشغاله تفكيره

واكيد هو مش بيقول كدا الا عشان خايف عليا

ودا طبعا شئ يسعدنى

وميرسى يا جميل على الموضوع الحلو دا

من طرف **السندريلا** الجمعة 04 مارس 2011, 9:33 pm

اولا احييكى على موضعك
لانه حيوى جدا ومهم
وبصراحه انا احب ان يهتم حبيبى او خطيبى بتصرفاتى بس بشرط بيعمل كده حب وغيره وخوف عليا
ولا رجوله فهما غلط وسيطره وعناد
لو الاولى هكون سعيده ولكن كمان يكون فى حدود لا تجعلنى مخنوقه او متوتره لان كل شىء فى المعقول حلو
ومش هقوله لما اكون فى بيتك لانه هو عاوز يعودنى على طباعه بس فى حاجه
مهمه جدا لو حبيت الشخص ده
هسمع كلامه وهعتبرها حب وخوف عليا وهقنع نفسى بكده هههههههههههههههههه
ولو العكس اكيدهجننه
تقبلى تحياتى ومرورى لموضوعك الخفيف الجميل مثلك

من طرف **قنديل البحر** الجمعة 04 مارس 2011, 10:41 pm

مرحبا سلسبيل
انا الان غير متزوج مابعرف شو بيكون بالمستقبل ههههه ولكن ارى
انه اللي بيحب زوجته لا يمكن ان يسبب لها اذى والا ما بيكون يحبها
ومدام بيحبها وبيثق بيها لا يمكن ان ان يحبسها على طول لكن بمقولة لا ضر ر ولا ضرار وبالتفاهم كل شي بيكون حلو المهم بيكون الحب متبادل بين الطرفين
تحياتي ليك وتقديري

من طرف عبير الروح الجمعة 04 مارس 2011, 11:14 pm

لا لا لا يا سلسبيل مش خنقة او سجن بالعكس

ليه مناخدهاش على انها قمة الحب و الغيرة علينا سعتها طعمها حيختلف جداا و حتتعمل طبيعية عفوية لان كرامتي من كرامته الي ححافظ عليها جدا زي مابيعمل هو

لو اتكلم على نفسي الراجل لو معملش كدا مع حببته مايبقاش راجل الصراحة...يعني لو ماسال و اهتم و عودني على طباعه يبقى مالوش لازمة زيو زي اي زميل او اخ

بس دا حيكون شريك العمر ازاي يعني مايكون ليه فيا حق بالعكس لا الاب دايم و لا الاخ بيدوم الي حيفضل هو الحبيب الي بيخاف عليا من نسمة

و بجد ليها طعم مختلف جداااا لما الاب يقلك رايحة فين و اتاخرتي ليه على ان حبيبي يقولي كدا

و الخنقة الي كتير مضايقين منها يروحو يسالو واحدة معاشرة انسان بارد بليد تخرج زي ماهي عايزة و تدخل زي ماهي عايزة ضحك و لعب طيب و بعديـــــــــــــــــــــــــــــــــن ..............؟

هي كدا بتحب فواحدة صاحبتها مش شريك حياتها...و لما تخسر قلب بيحبها بجد ساعتها حتعرف قيمة خوفه عليها عشان مين .....و عشان ايه؟ خروجات فسح ..ضحك ..اصحاب.....الخ

و الرجولة بجد فن بيتمارس على الانثى بحب و احترام من اول ايام التعارف لغاية اخر العمر

و في نقطة كمان

يعني ايه مالوش حكم عليا غير لما اتجوزه

اكيد غلط و بدليل يعني حبيبي دا او خطيبي مش هو هو زوجي فلازم يعاملني بنفس الطباع الي حتعامل بيها بعد الزواج و الا حيكون انسان ثاني غير الي عرفته و حبيته

و من اخر لازم الحجات دي تتعمل عفوية و تتحس اوى مش غصب...يعني لو حسيتيها بجد انت لوحدك حتقوليلوا من غير ما يسأل و لا يتحكم و لا حاجة

تقبلي مروري اختي و شكرا على الموضوع المثير للجدل فعلا

من طرف محمد بيه الجمعة 04 مارس 2011, 11:49 pm

السلام عليكم ورحمه الله
تحيلتى لكى على الموضوع الجميل
ممكن أقول رأيى الشخصى ---

أنا بصراحه مكنتش بسأل خطيبتى دا ايام الخطوبه يعنى
انتى جايه منين ولا رايحه فين ولا بحاول أضايقه بسؤالى خاااااااالص
وكانت لها مطلق الحريه

طيب ليه مكنتش بسألها ---- هقول لكم

لأنها أيام الخطوبه عمرها مفكرت تخرج لمكان قبل ما تتصل بيا وتقولى الأول
ولو مسمعتش التليفون أو كنت مشغول هى مش هتخرج
لأنها مفيش حاجه أهم منى عندها - وطبعا مفيش حاجه أهم منها خاالص عندى
وعلشان كده هى دلوقتى زوجتى

أما بقا الآن يعن فى الحياه الزوجيه ---
أنا الى قبل مأخرج لازم اقدم تقرير بالمكان والوقت ههههههههههههه
وده الطبيعى افعل ما شئت ياابن آدم فكما تدين تدان ههههههههه
( بالحب وحده انت غالى عليا بالحب وحده انت ضيى عنيه

ربنا يسعد كل المسلمين ياااااااااااااارب

وسعدك يا سلسبيل

من طرف **القلب الكبير** الأحد 06 مارس 2011, 1:20 am

اختى الغالية

سلسبيل

دائمآ مميزة ومتألقة

واجمل مافى موضوعك انه من الواقع

واسمحيلى اشاركك الرأى وارد على سؤالك لادم

رأيك ايه يا ادم لو قالتلك مالكش حكم عليا ..؟لما نتجوز ابقى احكم زي ماتحب..؟

اولآ

مقولة مالكش حكم عليا لما نتجوز ابقى احكم زى ماتحب

لاتجوز ابدآ بين اى حبيبين

اعتقد وجودها فقط عند الارتباط التقليدى او جواز الصالونات كما يقولوا

اما بالنسبة للحبيبين

الطبيعى انك انتى من نفسك وباحساسك تقولى لحبيبك كل شئ عنك وعن تحركاتك

وطبيعى انك تشوريه فى كل شئ قبل ماتعمليه بحب وبرضى نفس

حبيبك هو انتى هو دنيتك هو شريك الحياة

تكونوا روح واحده فى جسدين فهل يعقل الا يعرف الجسد شئ عن روحه

من يحب يشتاق لسؤال حبيبه عنه

يشتاق للحظة لقاهم وفتح قلوبهم لبعض

من هنا تأتى كل حاجة لوحدها ودون ان يسألك او تسأليه هاتقولوا لبعض

رايحين فين وجايين منين بحب

ارجوا ان تتقبلى رأيى اختى الغالية