(( يا مرارتى يانى ))

زمان اما الواحد كان يقرأ بريد الجمعه

او يشوف برنامج حياتى ياعين

او اى برنامج مختص بالمشاكل الزوجيه

كنا نقعد نقرأ و نتفرج و احنا قلبنا متقطع على صاحبة المشكلة

لان الستات دايما بتشتكى كتير

المهم

و تبقى المشكله معقده و مشبكه و مسدده و متبقاش عارف تتحل ازاى

يعنى معاناه حقيقيه

بستغرب جدا دلوقتى اما تاخد جوله كده فى مواقع الاسره و تشوف المشكلات

الزوجيه و اسباب الطلاق التى تحدث غالبا بين بعض الأسر

تلاقى ايه
!!
!!
!!
!!
!!

جوزى صعب اوى اوى اوى

شعره ابيض من الجمبين ومش بيرضى يصبغه

وانا زهقت.. شكله كبر ومكبرنى معاه

وكرهته و نفسيتى تعبت منه

الخ الخ

واحدة تانيه بقى ..عكس الاولانيه دى على طول

جوزى بيصبغ شعره كل اسبوع لون مختلف

وتعبلى اعصابى كل شويه الاقى شكله اختلف

و نفسيتى تعبت انا منهاره الحقونى

هطلب الطلاق

واحدة تالته

جوزى عايزنا فى العيد نروح لمامته اول يوم و مامتى تانى يوم

هو بيعاملنى كدا ليه

هو فاكرنى ايه

انا وحشة والا ايه

انا عاوزه اطلللللق

جوزى عاوزنى اصحى افطره كل يوم

هو عيل صغير ما الاكل موجود فى التلاجه

ما ياكل الى عاوزه

انا معايا طفل" واحد"

وواخد كل وقتى

انا خلاص تعبت وزهقت و قرفت

وعايزة اتطلق

غيره

جوزى طيب وحنين و كريم

بس انا من عشرتاشر سنه كنت بحب واحد تانى

وبكره جوزى لان اهلى وافقوا عليه و موافقوش على حبيبى الأولانى

انا عاوزه اطلللق بقى و بتمنى له الموت

جوزى بيرجع متأخر

بياكل و ينام

وانا مع العيال هو موفرلنا كل حاجه

بس انا احاسيسى و مشاعيرى

وفقاقيعى اتفقعت

و عاوزه اطلق هو انا هفضل كدا لحد امتى

اللى بعده

جوزى بينام كتير اوى اوى

حتى يوم اجازته بينام طول اليوم

وهو شغال "نجار مسلح"

"طلعان عين الى خلفوه طول الاسبوع"

وانا تعبت حاسه انى مش متجوزه

وبحقد على اصحابى الى اجوازهم بيرجعولهم بدرى

وبيفسحوهم

وعشان كدا انا عاوزه اطلق

يعنى سبحان الله

يبقوا متسربعين على الجواز

و فى نفس الوقت متسربعين على الطلاق

خلل غير عادى فى التفكير وفى اهداف الزواج

بيخلى النوعيات الى زى دول تضخم مشكله لا تستحق

بس بالنسبه ليها بتكون كفايه عشان تخرب بيتها

و اول ما تطلق تندم و تعيط وتقول يا ريتنى

طيب ما انتو كنتو معززين مكرمين

مجوزين

استغربت جدا حقيقى و اتفقعت مرارتى وانا

بشوف ناس كل شارده ووارده فى حياتهم الزوجيه

ومع اول تاتش او لمجرد الفراغ مش عارف

يروحوا (اووووع )

دلقينها فى اى موقع على انها مشكله المشاكل

و الى تقول انا هولع فى نفسى و هانتحر حالا

وانا بتقطع

ليه بجد ليه كده ؟

ده عمار البيوت مش بالساهل

ولا خرابها بالساهل

مع خالص تحيات شاعر المنتدى

(( يا مرارتى يانى )) 7

(( يا مرارتى يانى )) %D8%A7%D9%85%D9%8A%D8%B1%20%D8%A7%D9%84%D8%A7%D8%AD%D8%B2%D8%A7%D9%86

_________________
(( يا مرارتى يانى )) 50248237sl4

إستراحة و كافيه
بينى وبينك الزمن
لو أننى
ليتنى لم أفق
ملهمتى
الحب شىء ..وكرامتى أشياء
لا فرق عندى يا امرأة
خمر الحب

من طرف عبير الروح السبت 18 ديسمبر 2010, 4:20 pm

اخي الفاضل محمد عبده

اولا اشكرك على الوقفات التي تعالج مشكلة واحدة و من اهم الظواهر الي بنعاني منها

بس ليا سؤال

حضرتك ليه نزلتوا في اضحك و كركر دا ينفع موضوع للمناقشة و الاستفادة منوا

و ليا اقتراح ليه ما ننقلوا للراي و الراي الاخر و تكون لينا دائرة للحوار الراقي البناء لانوا بجد موضوع حساس

من طرف **م./ محمد عبده** السبت 18 ديسمبر 2010, 6:34 pm

وهو كذلك أختى الفاضلة

عبير الروح

ينقل إلى قسم الرأى والرأى الآخر

(( يا مرارتى يانى )) 7

مع خالص تحيات شاعر المنتدى

(( يا مرارتى يانى )) 7

_________________
(( يا مرارتى يانى )) 50248237sl4

إستراحة و كافيه
بينى وبينك الزمن
لو أننى
ليتنى لم أفق
ملهمتى
الحب شىء ..وكرامتى أشياء
لا فرق عندى يا امرأة
خمر الحب

من طرف نسيم الحب الأحد 19 ديسمبر 2010, 11:33 am

اخي الغالي محمد عبده

طرحك حساس بالفعل

و كل حالة اصعب من الي قبلها

لكن شدتني هده

جوزى طيب وحنين و كريم

بس انا من عشرتاشر سنه كنت بحب واحد تانى

وبكره جوزى لان اهلى وافقوا عليه و موافقوش على حبيبى الأولانى

انا عاوزه اطلللق بقى و بتمنى له الموت

الحالة دي اضنها من اصعبهم لانها عايشة مع انسان مش حاساه و متعدبة و الالعن لو لسه بتفكر في الاول هنا الطلاق والله ارحم