الفراغ العاطفى

اولا عاوزة اقول ان يمكن 90% من الى هيخشوا الموضوع دة يمكن يلاقوا كلامى بينطبق عليهم ولو مش عليهم على حد يعرفوة
ثانيا هى فكرة الموضوع بسيطة جدا والموضوع يمكن صغير فى الكلام بس مهم جدا
~|~|~|~|~|~
الفراغ العاطفى :يعنى اية الفراغ العاطفى
يعنى اية فراغ اصلا
فراغ حاجة فاضية
بس لو اخدنا معنى فراغ الى فى الجملة
هتكون بمعنى مش لاقى حاجة اعملها او مفيش حاجة فى حياتى
او او او معانى كتيرة اوى
فراغ عاطفى يعنى
مفيش حد تحبة يعنى
مفيش حد تحكيلة على الى جواك
يعنى :مفيش حد بتكلمة ولا يكلمك
مفيش حد لما تشوفة تحس ان فى رعشة فى جسمك كلة
مفيش حد يقولكبحبك
مفيش حد تقولةبحبك
بيبص الواحد حواليه بيلاقى ان صاحبة بيحب بنت وخلاص هيخطبها وبيحس معاها شعور هو عمرة ما حسة او يمكن يكون حسة قبل كدة بس دلوقتى مش حاسة
نفسة يجربة لاول مرة او يجربة تانى
بيبتدى يدور على اى حد يحبة وخلاص اى حد يمارس معاة شعائر الحب
اى حد يقولة بحبك وخلاص
مش بتفرق معاة بقى يتعرف علية ازاى ولا يكلمة ازاى
ولا الطرف التانى دة كويس ولا وحش جميل ولا وحش
طويل ولا قصير مش بيفرق معاة يعنى ولا شكلة ولا لونة ولا اى حاجة
عاوز يتعرف وخلاص
علشان كدة حاجة من الاتنين لو الطرف التانى كويس اكيد هيرفض لانة مش عارفة
او حتى بيكون عاوز فرصة
انما لو مش حلو الطرف التانى بقى للاسف بيكون فات الوقت للتراجع
علشان كدة بتبقى صدمتة كبيرة جدا
وبيبقى الحب بالنسبة لة هو العذاب وووووووو
حتى الزوجة او الزوج ممكن يحسوا بفراغ عاطفى بسبب انشغال احد الطرفين عن الاخر او كثرة المشاكل او لأى سبب
ولكن حالات كتيرة بيحصل فيها فراغ عاطفى وبيلجأ الزوجين لطرق اخرى لاشباع الفراغ العاطفى
اخيرا (لانى حاسة انى طولت اوى )
حاول تحول الشعور بالفراغ العاطفى هو اكيد هيحصلك لانة حاجة طبيعة فى اى انسان الى اى شعور تانى ايجابى
لان الحب هيجيلك هيجيلك
وبالنسبة للزوج او الزوجة
فكر فى مراتك ام عيالك
وانتى فكرى فى جوزك ابو عيالك
|~|~|~|~|~|~|

من طرف **بن عربية** الأحد 08 أغسطس 2010, 9:47 pm

الفراغ العاطفي
أفهمه لا حب لا حنان
مقابله النفور وكره الذات
شكرا

الفراغ العاطفى

الفراغ العاطفى

رد: الفراغ العاطفى