رد: ((الشعر الحلمنتيشى)) أرجو تثبيته

من طرف عبير الروح الخميس 12 يناير 2012, 6:23 am

أضحى (الزعيق) بديلاً عن أغانينا
وناب عن فرحة اللقيا تباكينا

فكيف يا زوجتي تبغين عكننتي؟
وكنت يا حلوتي بالشعر ترضينا

وقلت في غلظة: أين المرتب؟ إن
لم تعطني نصفه أضربك سكيناً

أين الحوافز يا كذاب قد ذهبت؟
أين العلاوة؟ قلت: الحب يكفينا

فقلت: يا دهوتي السوداء يا رجلي
هل يُطعم الحب أطفالي ويسقينا؟!

هل يدفع الحب إيجاراً لشقتنا؟
أو يشتري عنباً أو يشتري (تينا)؟!

من ذا سيدفع (للبقال) أجرته؟
أراه لم يعطنا (زيتاً) و(تموينا)

إياك أن تكتب الأشعار ثانية
أصبحت من أجلها للغير مديونا

إن كنت لم تستطع شيئاً لتصنعه
فاسرح بقرد إذن وادعوه (ميمونا)

وقل بلا خجل للناس إن سألوا قد
أصبح الشعر فوق الرف مركونا

من طرف عبير الروح الخميس 12 يناير 2012, 6:24 am

الا هبـى بصحنـك فاصبحينـا
وإن أولمـت يومـا فأعزمينـا

وإن خصصت بالدعوى أناسـا
فلا تنسـي حقـوق الآخرينـا

فشيمتنـا الإجابـة كـل وقـت
ولو كان المكان بطـور سينـا

قفي قبل الوليمـة يـا حسينـا
نخبـرك اليقيـن وتخبريـنـا

بأنـا نـورد الشوكـات بيضـا
نجول بهـا صحـون الآكلينـا

ونخرجهـن حمـرا مثـقـلات
وباللحـم السميـن ملفلفيـنـا

أقمنا بالملاعق سـوق حـرب
فنجلنـا الزبـادي والصحونـا

بيـوم وليمـة مضغـا وزلطـا
ولهطـا فـوق بلـع البالعينـا

ورثنا الأكل عن أسـلاف مجـد
بـداء البشـم ماتـوا أجمعينـا

ونشرب إن أردنا الببسي كـولا
ويشرب غيرنـا الجرجنجفينـا

بربك عجلى الدعـوى فإنالنـا
يــوم ونـصـف جائعيـنـا

وهاتـي كـل أكـل مستطـاب
وخليهـا فديـتـك بحبحيـنـا

ولا تأتي بشـيء مـن كبـاب
فلسنـا مـن بنـي المتكبكبينـا

ولكنـا نريـد اللحـم مضبيـي
سيـل لـه لـعـاب الآكليـنـا

ونطمع منك بالكـوزي ولكـن
إذا رمـت التفنجـخ كرضلينـا

وبعد الأكـل فاكهـة وحلـوى
ترانـا عنـدهـا متكرفسيـنـا

فمنـا البالعـون المـوز بلعـا
ومنـا الماضغـون السالكيـنـا

ولا تدعي الحونش ولا الجواري
ولا البهـوات المتجنعصيـنـا

فبعض الناس إخص على قفاهم
تراهـم دائـمـا متخنزريـنـا

وبعض الناس بنجـور عليهـم
تراهـم دائـمـا متفرفشيـنـا

ففرفش ما استطعت ولا تكشـر
وهجص واملاء الدنيـا طنينـا

فهذا اليـوم أبـرك كـل يـوم
سنذكـره علـى مـر السنينـا

فـلا بدعـا إذا الأيـام جـادت
فإن القـول شـأن المفلسينـا

من طرف **قلب الحب** السبت 11 أغسطس 2012, 2:53 pm

قــــالـــــوا لــلــــمــــشــــيــــر شعر حلمنتيشى بقلم أحمد شمس

قـالـوا لـلمـشيـر دخان كتير والله انضرب .. ومـفـيـــش ولا واحـد هرب
قالولو دى عيال بنت تييييت.. قصوا الشريط.. وافتتحـــوا ثورة الغضب
قــالــولــوا دى الــطـوبة قصـادها ألــف طــلـقة.. والــطوبة علمت الأدب
قالولوا نعمل إيه ياريس.. ماهوه إنتا دلوقتى اللى ريس .. قول يا عرب

رد المشير وقال هشير

مدام مفيش فايدة من الغاز اللى سيل الدموع .. تبقى العايال دى مأنتخة
وأنا عاندى غاز لازم يصيب.. ده غاز رهيب.. وإسمه غاز الــزغــزغة
بــدل مــا نــضــرب ونــاس تــمــوت.. ونـــاس تصيح
هــنخـلى كــله أستاذ فصيح.. فى النكته وكلامها القبيح
والــلــى يـقـول يـاعـم إرحـل يقول بدلها أى نكته تضحك القلب الجريح

يــصـبح مـيـدان الـثـورة مـسـرح .. والـكـل يـســرح
ميفكروش فى الجاى أصـعـب ولا أريح
ميدوروش مين إللى دّبح شهيد وجرح
وتـلاقـى كـل شـبـاب ثـورتـنـا بسرعة روح وأستريح

رد الجميع قالولوا يلا فينا بيع

قالولوا بيع دينك وعرضك.. قالولوا بيع وطنك وأرضك
لكن شباب الثورة حامى ودمه حــامى ومــش حــرامـى
والــكــل شــاهــد وبــعــيــنــه شــاف طـغـيك وشركك

هذه القصيده لم يقصد بها أى أحد بعينه ولكنها خيال شاعر
ومعنى كلمة مشير فى الموضوع أى الشخص الذى يطلب منه الأستشارة

من طرف **قلب الحب** السبت 11 أغسطس 2012, 3:19 pm

اصبحت الدنيا غابة

والناس عايشة في دوامة

فيها اشكال واصناف يامة

منها اللي نفسة عليه عزيزة

واللي ماله موجود في الفيزة

واللي مسقط من شرب البيرة

ومنها اللي بيتحرم من اجرته

ومنها اللي بينصرف الي شهوته

وفيها اللي بجبروته بيدوس ع اسرته

واللي فلوسه بتعميه عن دنيته

واللي بيشتغل حتي في ليله

واللي مظلوم وبيطلع عينه

واللي بيخاف ع صحته واللي بيضيع قوته

واللي شبعان من دنيته واللي بيفكر في اخرته

وفيها ناس تانية كتير (قاسية)

قاعدين في قصر كبير

يبقي خادمهم شرير

وقلبه من القسوة مرير

وعلي الظلم والفتن يطير

دا قصر طفش ورؤسائه حمير

وشكله يا راجل ميجبش غفير

في التوهان عقله والرحمة عنده مفيش

وقال ايه هما اللي بيحمونا واحنا نعيش

ع خيرها في كل الانحاء بس بأسعارها متلاقيش

معاك شهريا 400 تعال نلعب شيش بيش

او نوقف ونموت علي طابور العيش

منا قولت دي ناس طفش وفي عقلها الطيش

لا يحس بغلبان ولا تعبان دا بينام وعليه ريش

همه المال والازواج والكيف وبيقضيها وبيعيش

ماهو في شعب مغلوب علي امره وغيرهم بياخد خشب تعريش

بقي مثلهم مشهور وبيقولوا في افيش

رضيت مارضيتش شخللها يا متعديش

يخيطك كتير وفي الطلب ليه معنديش

بص دي حكاويهم كتير ومابتنتهيش

اللي عشانه يتبنيلوا كوبري وانتا متعديش

واللي ياخد اجازة شهر في شرم والعريش

واحنا علي الرصيف نايمين وعلي الارض نعيش

واللي يودي غاز لاسرائيل واحنا للانابيب شايلين

ولو اتكلمت يقولك يعم في الخير متكرهنيش

من الاخر في البلد دي لو عايز تعيش

قدامك تلاته وغيرهم متلاقيش

مال او سلطة او جنسية+المصرية ومتعاندنيش

معاك حاجة منهم عيش ملك حتي لو في الجيش

طالما معاك فلوس وبتوزع سجاير في خراطيش

ولا ابوك اللوا الكبير اشرف الهلانتيش

تؤمر حتي لو عميد او حياالله شاويش

الكلام دا في الجيش لكن في القصر الخنتريش

يفتحلك الدرج ويتحط شيك يا في الانفرادي تعيش

او يقولك ياعم انا في المصلحة دي ماليش

روح شوف حد يخلصهالك وليا ما تجيش

دا انت انسان بخيل وفي جيبك ومابتديش

الدنيا بقت خلاص شخبطة وخرابيش

ومثلها بقي مشهور شخللها يا متعديش

دي فعلا بلد في الشنييش وقصرها ما يشرفنيش

من طرف **حبيب الروح** الخميس 29 نوفمبر 2012, 1:47 am