((يا ابن آدم))

من طرف **م./ محمد عبده** الجمعة 11 يونيو 2010, 8:25 pm

عايز أفهم يابن آدم

إحنا خاليين م العيوب

والعيوب في بنت حوا

كلها متكدسه ؟!

الكلام عنهم زياده

خليناها بينا عاده

واللي فيه قاعدين نعيد

كله في كيد النسا

طب نقول في حقهم

كلمه حلوه كويسه

هو هَمْ جوه بيت

والآ غيط

والآ شغاله في حكومه

بيقولولها يا ريسه

وللا حَمْلْ تسع شعور

كل يوم جايه وراحه للعياده

في إنتظار يوم الولاده

مين بيتحمل ألمهم ده يا ساده

ماشيه آخر دهوسه

طب ودين الله تعالى

دول غلابه ف أي حاله

وإنت يا سيد الرجال

كل حبه يمين شمال

راح تهدد باليمين

اللي ربك شرعولنا

ف أحلا شرع وأحلا دين

وإحنا مبنشبع قواله

كل لحظة نقول نعيد

واليمين دا عند ربك

شئ بغيض

الخلاصه

إحنا ليه سايقين دلالنا في الرياسه

عايزه تسمع كلمه منك

آه بَحِبْك

عايزه ساعه تكون ف حضنك

شوقها جابها لنبض قلبك

ليه مبتقولهاش ياسيدي

والردود تبقا بغلاسه

حتى لو بتقول يا عيني كلمه حلوه

رد جوزها قوام عليها

بطلي شغل المياصه

جوه بيتها طول نهارها

تخدمك ويا الصغير والكبير

والصراحه مافي راحه

شغلها دايما كتير

حتى ليلها شايفه راحتك

لما بتنام ف السرير

كل دا قدام عيونك

وإنته شايف مش ضرير

ربنا قال ضلع أعوج

وإنت عايز تعدله

العوج دا كله رحمه

كان في آخر الضلع أو في أولو

ليه نسينا

لما قالو الخلع دا من حقهم

الرجال هاجت وماجت

فًوَرُولْهُمْ دمهم

م أنت طول عمرك تِطَلًقْ

فيه سبب

أو حتى كان من غير سبب

مافي واحده كات بتنطق منهم

طب قولولي خفتوا ليه

قوللي سمعني يا بيه

اللي خافوا دا نتيجة ظلمهم

اللي كات عندو ذليله

زي بيت الوقف واقفه

خلاص هتخلع منهم

لو تبص لواحده تانيه

تشوف رشاقه أو لياقه

لسه بنت صغيره آخر جراءه

والمحزق والملزق

خلت البنت ف عيونك

ظاهره ليك آخر عياقه

وأنته نازل بسبسه

والمدام أم العيال

م الخَلَفْ قل الجمال

وزنها عدى وزاد

قبل المعاد

وتناديلها يا جاموسه

هيه كانت زيهم بردك غزال

لما كات لسه عروسه

وللا إيه يابن الحلال

طب تصدق يابن آدم باللي خلقك

بنت حوا لما تبعد مرة عنك

أو تسيبك بالمزاج

أو يكون الذنب منك

بعدهم فيه سر قلقك

أنصفوا الستات يا عالم

أوعى يوم تبقالها ظالم

هيه أمي هيه أختي

هيه بنتي ولا زوجتي

هيه فعلا مدرسه

مش تقول كيد النسا

مع خالص

من طرف عبير الروح الجمعة 11 يونيو 2010, 8:43 pm

شهريار

تسلم ايدك اخي
سطور جميله و فيها معاني كثيرة

((يا ابن آدم)) Aowqgxwfb

من طرف **شهرزاد** الجمعة 11 يونيو 2010, 9:51 pm

أنصفوا الستات يا عالم

أوعى يوم تبقالها ظالم

هيه أمي هيه أختي

هيه بنتي ولا زوجتي

هيه فعلا مدرسه

مش تقول كيد النسا

كلامك اخى شهريار فيه انصاف للمراءة ايوه كده لازم تكونو حقانيين ياابناء ادم

وتدو حواء قدرها وتعرفو مكانتها ليكم ايه

اختكم ...شهرزاد

((يا ابن آدم)) Aowqgxwfb

من طرف **م./ محمد عبده** السبت 12 يونيو 2010, 5:19 pm

الزميلة الفاضلة/ شهر زاد

تحياتى لشخصك الكريم

من غير ما تقولى أو توصينا إحنا عارفين قدر

المرأة تماما ولازم نعطيعها حقها

ولتعلمى أنه بدون حواء مع الرجل لا تستقيم الحياة

((يا ابن آدم)) 5

مع خالص

من طرف **م./ محمد عبده** السبت 12 يونيو 2010, 5:41 pm

الأخت الفاضلة/ عبير الروح

أشكر لك تواجدك ومرورك العطر

مع خالص

((يا ابن آدم))

((يا ابن آدم))

رد: ((يا ابن آدم))

رد: ((يا ابن آدم))

رد : ((ياابن آدم))

رد : ((يابن آدم ))