رد: مكتبة كلمات الاغاني القديمة

من طرف عبير الروح الجمعة 16 مارس 2012, 1:05 am

يا غرام يا غرام
كارم محمود

يا غرام يا غرام يا غرام يا غرام
دنياك أحلام ووفاق وخصام
يا غرام يا غرام يا غرام يا غرام

من نظرة وكلمة وفْ هَمسِ اللمَّة
تغلبنا القسمة ونعشق يا غرام
وِفْ نور دنياه نعيش ويَّاه
ونقول محلاك يا جميل يا غرام
يا غرام يا غرام يا غرام يا غرام

أفكارك حلوة للعاشق غنوة
بيقولها بنشوة فرحان يا غرام
أمَّا المحروم مسكين مظلوم
ومجافيه النوم منَّك يا غرام
يا غرام يا غرام يا غرام يا غرام

من طرف عبير الروح الجمعة 16 مارس 2012, 1:05 am

خذني معاك

خدني معاك ياللي انت مسافر خدني معاك

خدني معاك عنــــد الحبـــايب خدني معاك

خدني معاك عنـــد اللي غايـــب حدني معاك

وحياتك يا ماشي عدي ولا تنساشي

حبيبي راح ولا جاشي

من سنين وانا صابرةه عا لحنين مش قادرة

ولأجل خاطره مسافرة

خدني معاك ياللي انت مسافر

وحياتك يا جارنا يامسافر لقمرنا من يوم فراقه لدارنا

غابت في بعده قمره تكتب عليه الشجره

سألت عليه كم مره خدني معاك ...

والله ان كنت اعدي سبع بحور لاعدي

حتىان تعبت ما هدي

عدي وخدني معاك خدني لحبيبي هناك

واناواقفه باستناك

من طرف عبير الروح الجمعة 16 مارس 2012, 1:06 am

اسمع يا حبيبي

اسمع يا حبيبي اسمعنى
ارجع يا حبيبي طاوعني
ارجع يا حبيبي
وحياتك عذابي .. ما كانش في حسابي
تعال قوام .. وكفايه خصام
اسمع يا حبيبي اسمعني
اسمع يا .. يا حبيبي ..

يا ظالمني العمر تصور
بعد دا كلو .. لسه بحبك ؟
واتحمل هجرك واصبر
لما اشوف ايه اخر حبك
دلوقت انا ببكي
ويمكن انت بتضحك ويا حبايبك
ناسيني ليه ؟
وبتعمل ايه ؟
اسمع يا حبيبي اسمعني
اسمع يا .. يا حبيبي ..

ان كان لك حب جديد
صارحني وقول
موش حـ ازعل منك
وان كنت فاكرني نسيت
ناري .. ودموعي .. تكذب ضنك
وان كنت نسيتني خلاص
طمني عليك
طمني عليك .. لما اسأل عنك
ناسيني ليه .. ليه
وبتعمل ايه .. تعمل ايه
اسمع يا حبيبي اسمعني
اسمع يا .. يا حبيبي

اللي خذوك مني
يبقوا ياخذوا منك .. ياخذوا منك اللي انا خذتو
ياخذوا حرماني .. وغيرتي
وكل هوان في غرامك شفتو
ويذوقوا عذابك ليٌه .. وظلمك فيٌه
زي ما ذقتو ..
ناسيني ليه .. ليه
وبتعمل ايه .. تعمل ايه
اسمع يا حبيبي اسمعني
اسمع يا .. يا حبيبي

من طرف عبير الروح الجمعة 16 مارس 2012, 1:06 am

على شط بحر الهوى
كارم محمود

على شط بحر الهوى رسيِتْ مراكبنا
والشوق جمعنا سوى إحنا وحبايبنا
على شط بحر الهوى..

سبنا البلاد كلّها وعشنا لوحدينا
وكرهنا ناسها وأهلها يتحكَّموا فينا
لا في عوازل عندنا ولا حدِّ جارحنا
عايشين في جنَّة لوحدنا إحنا وحبايبنا
على شط بحر الهوى..

بحر الغرام مَيِّتو أحلى من السكَّر
كلِّ الهوى غِيِّتو لو داقها رح يسكر
واللي يزور حيِّنا يدعي ويتمنَّى
يفرح ويسعد زيِّنا بحبابه يتهنَّى
والشوق جمعنا سوى إحنا وحبايبنا
على شط بحر الهوى..

لمَّا دعانا الهوى رحنا ولبِّينا
لا قينا عندو الدوا طبنا وغنِّينا
وَقدْ شموع الهنا والنور على جبينو
وجاب كاسات الهنا يسقي محبينو
والشوق جمعنا سوى إحنا وحبايبنا
على شط بحر الهوى..

من طرف عبير الروح الجمعة 16 مارس 2012, 1:07 am

سمرة يا سمرة
كارم محمود

سمرة يا سمرة مرَّة في مرَّة شغلني هواكي
دمِّك خفَّة وتاج العفَّة شبكني معاكي
سمرة يا سمرة حلوة يا سمرة يا سمرة يا سمرة

سمرة يا حلوة يا لحن يا غنوة يا أحلى رنين
سحر الحاجب ده بيتعاجب عالحلوين

شفتو بقيت من ناري يا سمرة
تايه كده مش داري يا سمرة
وانتِ الكاس وشفايفك خمرة
سمرة يا سمرة حلوة يا سمرة

ورد خدودك جه على عودك زاده جمال
خلَّى الشقر يشوفوا السمر يباتوا فحال
عرفوا النار والغيرة يا سمرة
عاشوا في ذل وحيرة ياسمرة
وانتِ الكاس وشفايفك خمرة
سمرة يا سمرة حلوة يا سمرة

بطلب ودِّك ألقى فْ ردِّكْ معنى العفَّة
أفرح بيكي وأقول عليكي يا رمز الخفَّة

بطلب ودِّك ليه يكون ردِّك دايمــاً لأ
أفرح بيكي وأقول عليكي يا رمز الرقَّة

ردِّك فيه العزَّة يا ســمرة
زدتي فْ قلبي معزَّة يا سمرة
وانتِ الكاس وشفايفك خمرة
سمرة يا سمرة حلوة يا سمرة

من طرف عبير الروح الجمعة 16 مارس 2012, 1:07 am

اسأل عليا

اسأل عليا وارحم عينيا

من دمعة رايحة ودمعة جاية

اسأل عليا ..

حبيبي إنتا إنتا الوحيد

ومهما تقسى حبي يزيد

لا ليا غيرك ولا ليا حد

ولا افتكرلك غير كل ود

وعشان بحبك يصعب عليا

وأقول غرامك ما كانش ليا

يلي غرامك كلو أسية

اسأل عليا ..

ابعتلي مرة ولو سلام

يمكن يصبر يمكن أنام ..

بستنى منك جواب يجيني

ويقول فاكرني ومش ناسيني

وبكل كلمة لحظة هنية

ترحمني فيها من اللي بيا

واقول حبيبي سأل عليا

اسأل عليا ..

ما اقدرش أنسى وانسى ليه

مين ليا غيرك أسأل عليه

روحي يا نسمة قولي لحبيبي

مهما هجرني وطال نحيبي

غرامي هو حواسي هيا

وشوقي هو واكتر شويا

زادت عليهم دموع عينيا

اسأل عليا ..

من طرف عبير الروح الجمعة 16 مارس 2012, 1:08 am

ابجد هوز

ابجد هوز حطي كلمُُ

شكل الأستاذ بقى منسجمُُ

استاذ حمام .. نحن الزغاليل

من غير جناح بنميل ونطير

والمكر فينا طبع جميل

ان قلنا لا لا .. يعني نعمُُ

ان جاء زيدُُ .. او حضر عمرُُ

طب واحنا مالنا .. ان شاالله ماحضرو

والمبتدأ حـ نجيبلك خبرو .. من .... حـ يصبح عدمو

كان فعل ماضي ماتسيبو في حاله

والماضي احنا مالنا وماله

خلينا في الحاضر وخياله

ونعيش على بهجته واماله

دا القلب لسه في عز شبابه

عايز يعيش على طول مبتسم

الاستاذ حمام :

اه لو ابوكي حضر ويانا

وشاف وسمع الغنا دا معانا

انا اللي حـ اصبح في خبر كانا

بدل المهيه راح اخذ صرمُُ

من طرف عبير الروح الجمعة 16 مارس 2012, 1:08 am

اكتبلك جوابات

اكتبلك جوابات .. واستنى ترد عليه
وابعتلك سلامات .. يا اغلى من نن عنيه
واقول جرى ايه .. لازم ناسي
ماردش ليه .. لازم ناسي
لازم ناسي ..

عايش غريب في وحدتي
مالوش سمير إلا غرامك
وايه يخفف لوعتي ؟
غير كلمة من شهد كلامك
جافاني النوم .. وانت ناسيني
وابقى مظلوم .. وتبكيني
واقول جرى ايه .. لازم ناسي
ماردش ليه .. لازم ناسي
لازم ناسي ..

مين ياترى شاغل بالك ؟
وقسى قلبك على حبي
جافيتني والبعد صفالك
وهان عليك تعذيب قلبي
جافاني النوم .. وانت ناسيني
وابقى مظلوم .. وتبكيني
واقول جرى ايه .. لازم ناسي
ماردش ليه .. لازم ناسي
لازم ناسي ..

من طرف عبير الروح الجمعة 16 مارس 2012, 1:08 am

الحب جميل

الحب جميل .. للي عايش فيه
له ألف دليل .. أسألوني عليه

بيفوت ع العين .. ويصحيها من عز النوم
ويفوت ع الروح .. ويطير بيها الدنيا في يوم
ولما القلب يجي يفرح
ساعة ما ألاقيك قاعد جنبي
أمالي الحلوة تتمرجح
في دقة قلبك مع قلبي

وإن فات حبيبي يوم أو غاب .. أنا والظنون دايما في عتاب
واللي انشغل بهوى الأحباب .. عذابه راحة وراحته عذاب

لا اللي صفا له حبيب باله .. هدي وارتاح
ولا اللي فاته نصيبه .. نامت في قلبه جراح
لما يخاصمني بأفرح وأصور .. فرحة لقاه لو يوم جاني
وإن جه صالحني أبكي وأفكر .. من خوفي ليخاصم تاني

من طرف عبير الروح الجمعة 16 مارس 2012, 1:09 am

الدنيا غنوة

الدنيا غنوة .. نغمتها حلوه
احنا اللي نطير ونغنيها
والدنيا دي كلمة .. من غير ولا كلمة
احنا اللي نكمل معانيها .. على معانيها

ازاي بيقولوا الناس عنها .. دنية احزان ؟
والسحر دا كلو عايش منها .. اشكال والوان
الزهر دا .. وصفوه للعين ..
والورد دا .. جرحو قلبين ..
والدنيا دي مخلوقه لإثنين
واحد هنا .. والثاني فين ؟
الدنيا غنوة .. نغمتها حلوه
احنا اللي نطير ونغنيها
والدنيا دي كلمة .. من غير ولا كلمة
احنا اللي نكمل معانيها .. على معانيها ..

ياللي تقول الأه .. الأه بتقول أه أه منك
قلبي بإيدي دواه .. والدوى موجود هنا .. هنا عندك
مهما الأمل طالت لياليه .. طالت لياليه
ولا الحبيب بعدت اراضيه .. بعدت اراضيه
دور عليه يمكن تلاقيه جنبك ولاانتاش حاسس فيه
وحـ تسمع غنوة .. نغمتها حلوه
احنا اللي نطير ونغنيها
وحـ اقولك كلمة .. وتقولي كلمه
احنا اللي نكمل معانيها .. على معانيها ..

الدنيا غنوة .. نغمتها حلوه
احنا اللي نطير ونغنيها
والدنيا دي كلمة .. من غير ولا كلمة
احنا اللي نكمل معانيها .. على معانيها

من طرف عبير الروح الجمعة 16 مارس 2012, 1:09 am

اكرهه واحبه

لما لاغاني
حبيت كلامه .. حبيت سلامه .. حبيت هيامه
كان قلبي خالي .. شغلي بالي
ياطول قسايا على اللي جرالي
اكرهه.. اكرهه .. واحبه ..
وابكي على حبه .. واشكي من قلبه .. واشتكي لقلبه
اكرهه واحبه .. واحبه .. واحبه ..

سلمتو قلبي .. فاكراه يصونه
وكسرت خاطره .. زود شجونه
ضيع نصيبي .. زود نحيبي
هو عدوي .. هو حبيبي ..
اكرهه .. اكرهه .. واحبه ..
وابكي على حبه .. واشكي من قلبه .. واشتكي لقلبه
اكرهه واحبه .. واحبه .. واحبه ..

من طرف عبير الروح الجمعة 16 مارس 2012, 1:10 am

انا قلبي خالي

انا قلبي خالي .. ولا انشغل بك
موش عارفه مالي ..
يمكن بحبك ..
يمكن بحبك .. يمكن بحبك ؟

غيرت حالي لما عرفتك
شغلت بالي من يوم ماشفتك
موش قادرة افارقك .. وتملي جنبك
واخاف اضايقك ..
يمكن بحبك ..
يمكن بحبك .. يمكن بحبك ؟

قلبي بيفرح .. ساعت ماشوفك
فكري بيسرح .. دايماً في طيفك
طمن لي قلبي .. وافتحلي قلبك
اوعاك تخبي ..
يمكن بحبك ..
يمكن بحبك .. يمكن بحبك ؟

فضلت وحدي ..
اكتم شعوري
ويفيض بي وجدي .. اسأل ضميري
انا قلبي خالي .. ولا انشغل بك ؟
موش عارفه مالي ..
يمكن بحبك ..
يمكن بحبك .. يمكن بحبك ؟

من طرف عبير الروح الجمعة 16 مارس 2012, 1:10 am

انا قلبى دليلى

انا قلبى دليلى قالى حـ تحبى
دايما يحكيلى وبصدق قلبى
انا قلبى دليلى .. قلبي دليلي

حبوبى معايا من قبل ما اشوفه
قلبى ده مرايا مرسوم فيها طيفه
شايفاه آه فى خيالى
سامعاه .. آه بيقولى
يا حياتى تعالى تعالى تعالى
يا حياتى تعالى تعالى
غنيلى تملى وقوليلى تملى
الحب ده غنوه
كلها احلام
انغامها الحلوه احلى انغام ..
انا قلبى دليلى قالى حـ تحبى
دايما يحكيلى وبصدق قلبى
انا قلبى دليلى .. قلبي دليلي

الدنيا جنينه واحنا ازهارها
فتحنا عنينا على همس طيورها
مين راح يقطفنا ؟
مين راح يسعدنا
النار فى قلوبنا
لونها فى خدودنا
شايفاه آه فى خيالى
سامعاه .. آه بيقولى
يا حياتى تعالى تعالى تعالى
يا حياتى تعالى تعالى
غنيلى تملى وقوليلى تملى
الحب ده غنوه
كلها احلام
انغامها الحلوه احلى انغام ..
انا قلبى دليلى قالى حـ تحبى
دايما يحكيلى وبصدق قلبى
انا قلبى دليلى .. قلبي دليلي

من طرف عبير الروح الجمعة 16 مارس 2012, 1:11 am

الميه والهوى

بحب اثنين سوى .. يا هناي في حبهم
الميٌه والهوى .. طول عمري جنبهم
حكايتين في الهوى .. مكتوبه في قلبهم
دول للعليل دوى .. الميٌه والهوى

طول عمري والهوى .. والميٌه سلوتي
ما اقدرش عـ النوى .. عن روحي ومهجتي
والبحر اللي ارتوى .. من نشوة غنوتي
غنالي في الهوى .. الميٌه والهوى

موال :
يا ساكنين مطروح
النيٌه في بحركم
الناس تجي وتروح
وانا عاشقه حيكم

يا ساكنين مطروح .. النيٌه في بحركم
الناس تجي وتروح .. وانا عاشقه حيكم
اثنين حبايب الروح .. شبكوني بحبكم
حبيت الاثنين سوى .. الميٌه والهوى

من طرف عبير الروح الجمعة 16 مارس 2012, 1:11 am

حكايتنا احنا الاثنين

انا احبك وافضل احبك .. وانت عذابي ودمع العين
تخاصمني وتنكر حبك .. طيب .. حبي اوديه فين ؟
موش بس حكاية قلبك .. حكايتنا احنا الإثنين ..

يا مسهر دمع عيوني .. وحارمني ضي عينيك
الاقيك للسهد بايعني .. والاقيني ببكي عليك
من الغلب اغضب من حبك .. وبقلبي بحن إليك
موش بس حكاية قلبك .. حكايتنا احنا الإثنين ..

الناس بيقولو حبيبي .. خيبت ضنونهم ليه ؟
امال لو كنت عدوي .. يا حبيبي حـ تعمل ايه ؟
ولا مره تقول فين هو .. ولا قلت اطل عليه
موش بس حكاية قلبك .. حكايتنا احنا الإثنين ..

كدا برضو تروح ولا تسأل .. وتفوتني حيران فيك
من ايه واخذ على خاطرك .. وبأيه اقدر ارضيك
اذا كنت نسيت ايامي .. موش حـ انسى جمال لياليك
موش بس حكاية قلبك .. حكايتنا احنا الإثنين ..

انا احبك وافضل احبك .. وانت عذابي ودمع العين
تخاصمني وتنكر حبك .. طيب .. حبي اوديه فين ؟

من طرف عبير الروح الجمعة 16 مارس 2012, 1:12 am

حبيب قلبي

حبيب قلبي .. حبيب قلبي
يا غنوة كنت بغنيها .. واعيش فيها
بقلبي وروحي وكياني
حبيب قلبي .. حبيب قلبي
ياحبي وعمري ما خنتو .. ولا بعتو
وباع ودي وبكاني
وعايزه انساك .. في يوم واسلاك
ومين يرضى يبيع حبو ؟
وأه منك .. وأه .. أه ياني ..

حبيبي .. خذت ايامي .. واحلامي
وسبت بدالها .. حرماني
ويسألني النهار عنك
ويجي الليل يفكرني .. يفكرني بهواك تاني
وابات اسهر مع الاشواق انا وطيفك
في ليل بعد .. بعدك واشجاني
وعايزه انساك .. في يوم واسلاك
ومين يرضى يبيع حبو ؟
وأه منك .. وأه .. أه ياني ..

مع الذكرى كانت لي عهود .. وكان لي حبيب
بيشتاق لي .. بيشتاق لي واطير حواليه
يغيب عني .. يغيب فرحي
يغيب البدر عن عمري وعن لياليه
وكان الود ثالثنا .. بنوره يغطي سكتنا
نسيت دا ليه ؟
نسيت دا ليه ؟
ليه .. ليه ..
وعايزه انساك .. في يوم واسلاك
ومين يرضى يبيع حبو ؟
وأه منك .. وأه .. أه ياني ..

من طرف عبير الروح الجمعة 16 مارس 2012, 1:12 am

راجع م السفر

وقالولي راجع م السفر .. وقالولي راجع
حسيت بإن الليل مشي .. والفجر طالع
ولقيت بشايرك هلت عليه
والدنيا ضحكت قدام عنيه
ياللي انت راجع م السفر ..

وصيت عليك النسمه .. تحضن خطوتك
والورد يفرش لك عبيره بسكتك
والشمس ما تحماشي .. وانت بطريقك ماشي
زي الربيع .. بتصحي أملي بضحكتك
ياللي انت راجع م السفر ..

يا ألف اهلاً بيك وسهلاً .. يا حياتي
يا عمر قلبي وكل حبي .. وذكرياتي
دنا من زمان وانا في انتظارك .. بالاغاني
ولما تقابلنا انكتبلي عمر تاني
وعرفت اغني غنوتي .. ونسيت اهاتي
ياللي انت راجع م السفر ..

من طرف عبير الروح الجمعة 16 مارس 2012, 1:13 am

سنتين وانا احايل فيك

سنتين وانا احايل فيك
ودموع العين تناديك ..
يا سبب تعذيبي
والاسم حبيبي
سنتين ..

اتحمل سنه واثنين
والوحده عذاب وهوان
فين حبك وشوقك فين
فين عطفك عليه زمان ..
يا سبب تعذيبي
والاسم حبيبي
سنتين ..

يا ناسي عهود قلبين
وغرامك كأنه ما كان
دا جمالك بعيد عـ العين
وخيالك في كل مكان ..
يا سبب تعذيبي
والاسم حبيبي
سنتين ..

لو تنسى خصامك يوم
يوم واحد من الأيام
وتصالح علي النوم
وتفوتني مع الاحلام ..
يا سبب تعذيبي
والاسم حبيبي
سنتين ..

من طرف عبير الروح الجمعة 16 مارس 2012, 1:13 am

عش الهوى

احلام هوايا .. وعمر حبي
وكاس هنايا .. راح فين يا قلبي
راح فين زماني .. فين راح يا قلبي
اللي جفاني .. قلبو غدربي
راح فين .. فين .. فين .. يا قلبي

هنا في عش الهوى تواعدنا
هنا تقابلنا .. وهنا تعاندنا
وياما قلنا .. وياما عدنا
ومين يقولو .. راح فين دا كلو
راح فين .. فين .. فين .. يا قلبي

ياما حلفلي .. عـ الحب قلبك
وقلبي حبك وعاش يحبك
كان حلم ولا انا كنت جنبك
ومين يقولو .. راح فين دا كلو
راح فين زماني .. فين راح يا قلبي
اللي جفاني .. قلبو غدربي
راح فين .. فين .. فين .. يا قلبي

احكي وقيليلو يا حلا وردة
ايه اللي غير حالنا انهارده
دنيانا كانت هنا وموده
مناي اقولو .. راح فين دا كلو
راح فين .. فين .. فين .. يا قلبي

من طرف عبير الروح الجمعة 16 مارس 2012, 1:14 am

علمني و اعلمك

بالعين بقول بحبك .. من غير ما اكلمك
موش تفهم يوم بقلبك .. انا لازم افهمك
علمني واعلمك .. انا لازم افهمك
أه .. افهمك

بتفوت والقلب شايفك .. ومسابق خطوتك
البسمه فوق شفايفك .. والجنه في نظرتك
وازاي الروح تخالفك .. وعينها ترسمك
علمني واعلمك .. انا لازم افهمك
أه .. افهمك

بتعدي وعيني منك .. موش قادره توعدك
يشغلها ضي حسنك .. وبخاف لا تحسدك
مااقدرش ابعدها عنك .. وياريتها تفهمك
علمني واعلمك .. انا لازم افهمك
أه .. افهمك

الشوق لو طال عليٌه .. الشكوه غنوتي
والنوم لو فات عنيٌه .. الأه دي سلوتي
لو قلبك لان شويه .. يرحمني ويرحمك
علمني واعلمك .. انا لازم افهمك
أه .. افهمك

من طرف عبير الروح الجمعة 16 مارس 2012, 1:14 am

عينى بترف

عينى بترف وراسى بتلف
وعقلى فاضل له دقيقة ويخف
ليلى :
عينه بترف وراسه بتلف
وعقله فاضل له دقيقة ويخف
الريحانى :
تسمحيلى كلمة واحدة
ليلى :
قول يا نور العين
الريحانى :
بدى اعرف نفسى اعرف احنا رايحين فين
ليلى :
رايحين ع البلد اللى تجمع شمل العشاق
نفرح ونغنى ونودع عهد الاشواق
الريحانى :
والله انا حاسس
ليلى :
ايه
الريحانى :
لا ما فيش
ليلى :
حاسس بايه قول ما تخبيش
الريحانى :
حاسس بمصيبه جا يالى
ليلى :
يا لطيف يا لطيف
الريحانى :
مصيبة ما كنتش على بالى
ليلى :
يا لطيف يالطيف
ليلى :
عايزة حاجه
الريحانى :
حاجة تاكلى
ليلى :
اكل ايه
الريحانى :
امال عايزة ايه .....
ليلى :
عايزه افرح عايزه اغنى عايزه ابوسك مش عارفه ليه
الريحانى :
يالطيف يا لطيف
ليلى :
جبتك معايا عشان تقاسمى ليلة هنايا وفجر غرامى
وانا لى مين غيرك يشاركنى فرحة امالى وهنا ايامى
الريحانى :
علشانك انت انكوى بالنار .. والقح جتتى
وادخل جهنم وانشوى واصرخ واقول يادهوتى

من طرف عبير الروح الجمعة 16 مارس 2012, 1:15 am

لا ما تغيرش

لا ما تغيرش عليٌه
لا ما تخافش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

بص في عيني تلاقي
نور حبي واشواقي
واطمن وارتاح .. ارتاح
نص العمر اهو راح .. اهو راح
ما تضيعش الباقي
لا ما تغيرش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

ياما هواك .. شوقني
خلا القلب سبقني
واهو دلوقت .. دلوقت معاك
غنى وقال اهواك .. اهواك
وحياتك سدقني
لا ما تغيرش عليٌه
انت في قلبي لوحدك .. انت
وكمان هنا في عنيٌه .. كمان
ماتغيرش لا .. ما تغيرش عليٌه ..

هات قلبك على قلبي
هات حبك على حبي
نرجع زي زمان
من بعد الحرمان
يا حبيبي يا حبايبي
لا ما تغيرش عليٌه
انت في قلبي لوحدك .. انت
وكمان هنا في عنيٌه .. كمان

من طرف عبير الروح الجمعة 16 مارس 2012, 1:16 am

مستنيه

مستنيه .. مستنيه
مهما النار حـ تشعلل فيٌه
اصل انا عارفه قلبك طيب
يعني مسيرك ترجع ليٌه
مستنيه .. مستنيه ..

انا عايزاك يزم تسأل قلبك
عن قلبي اللي بحبك دايب
موش حـ تلاقي قلب يحبك
مهما لقيت في الدنيا حبايب
انا حبيتك .. اكثر مني
قد ما قلبك قاسي عليٌه
اصل انا عارفه قلبك طيب..
يعني مسيرك ترجع ليٌه
مستنيه .. مستنيه ..

اللي يكون له قلب حنين زيك
عمره مايصبح قاسي
ولا عمره يفكر يجافيني
ويخليني في بعده اقاسي
وما يصعبش عليه تعذيبي
او ما يحنش قلبو عليٌه ..
اصل انا عارفه قلبك طيب
يعني مسيرك ترجع ليٌه
مستنيه .. مستنيه

مستنيٌه لقاك يسعدني
وينسيني اللي بيجرالي
كل مناي يوم تبعدني
عن افكاري وحيرة بالي
انا قضيت العمر بحالو
اسأل عنك كل شويه ..
اصل انا عارفه قلبك طيب
على شان كدا انا مستنيه
مستنيه .. مستنيه ..

من طرف عبير الروح الجمعة 16 مارس 2012, 1:16 am

يا مسافر وناسي هواك

يا مسافر وناسي هواك ,, ريداك والنبي رايداك
رايداك والنبي ,, والنبي رايداك

احلفلك بدمع العين ,, زلا لكش علي يمين
ان فاتت علي سنين ,, ح افتكرك ولا انساك
ريداك والنبي رايداك ,, رايداك والنبي ,, والنبي رايداك

تسألني صحيح حبيت ,, لا جاوبتك ولا خبيت
ياريت الكلام ياريت ,, وفائي وباح بهواك
ريداك والنبي رايداك ,, رايداك والنبي ,, والنبي رايداك

احكيلو ياموج مطروح ,, ع القلب اللي بات مجروح
من فرقة حبيب الروح ,, روح قولو دا قلبي معاك
ريداك والنبي رايداك ,, رايداك والنبي ,, والنبي رايداك

من طرف عبير الروح الجمعة 16 مارس 2012, 1:17 am

يا اعز من عيني

يا اعز من عيني .. قلبي لقلبك مال
شارياك وشاريني .. وش يعملوا العذال
يا اعز من عيني ..

دا اللي مالوهش حبيب .. ما تشوف عيونه ضي
يقضي عمره غريب .. لا له وطن ولا حي
واللي ما طالش نصيب .. في الحب ما طال شي
يا اعز من عيني ..

الحب دا كلمه .. حلوه فهمناها
والحب دا نعمه .. غاليه وصناها
والحب دا قسمه .. عشنا ونلناها ..
يا اعز من عيني .. قلبي لقلبك مال
شارياك وشاريني .. وش يعملوا العذال
يا اعز من عيني ..

الحب كان لنا فين .. جانا في غمضة عين
صاب قلبنا الاثنين .. ما عرفنا جانا منين
تسلم يانور العين .. من الفراق والبين
يا اعز من عيني ..