كلمات أغنية بقولك إيه لأم كلثوم للشاعر عبد الفتاح مصطفى

من طرف **م./ محمد عبده** الأحد 09 مايو 2010, 8:57 am

كلمات الأغنية

أقولك ايه عن الشوق يا حبيبي

أقولك ايه ومين غيرك داري بي

ليالي في هواك اسهر وافكر

ومهما قلت لك في القلب اكتر

شوية إنى اقول لك حبيبي

يا ريت فيه اكتر من كلمة حبيبي

******

اقولك ايه وايه يوصف هوايا

وانا ف قلبي كلام مالوش نهاية

دي أجمل كلمة في الدنيا حبيبي

بقولها لك وبرضو مش كفاية

ما قولش مناي كان حبك

ده أكثر من اللي بتمناه

وم الفرحة وانا جنبك

باعيش في كل لحظة حياة

وقلبي نعيمة ف قربك

وانت فرحته ودنياه

واقول لك ايه

شوية اني اقولك يا حبيبي

يا ريت فيه كلمة اكثر من حبيبي

******

هواك هوه اللي خلى العمر غالي

وبالثانية أحسبه مش بالليالي

وأخاف أسرح تفوتني لمحه منك

وم الدنيا اللي اجمل من خيالي

هواك نسى الزمان طبعه

وخذ منه الأمان لينا

وداري عننا دمعه

وخلاه ما دري بينا

ونور للأمل شمعة

وطمن بيه ليالينا

واقول لك ايه

شوية اني اقولك يا حبيبي

يا ريت فيه كلمة اكتر

من حبيبي

******

وعودك في الخيال غالية عليا

وأجمل من حقيقة بين ايديا

واصدق كل كلمة قلتهالي

واكذب في هواك ظني وعنيا

يا ريت في كلمة أوصف بها حبك

واقولها لك ما بين قلبي وقلبك

ما يقدرش الكلام يوصف غرامي

ولا أشواقي في بعدك وقربك

واقولك ايه

شوية إنى اقولك ياحبيبى

ياريت فيه كلمة

(اكتر من حبيبى)

******
مع تحيات:

شهر يار

من طرف ضى القمر الأحد 09 مايو 2010, 3:02 pm

[ندعوك للتسجيل في المنتدى أو التعريف بنفسك لمعاينة هذه الصورة]

كلمات أغنية بقولك إيه لأم كلثوم للشاعر عبد الفتاح مصطفى

كلمات أغنية بقولك إيه لأم كلثوم للشاعر عبد الفتاح مصطفى

رد: كلمات أغنية بقولك إيه لأم كلثوم للشاعر عبد الفتاح مصطفى