علاقات الحب الفاشلة و اسبابها

من طرف رونا الثلاثاء 21 يوليو 2009, 11:52 pm

قبل أى حاجه ومن خلال تجارب سابقه احب اكد لكم ان مفيش حاجه اسمها حب من أول نظره ممكن يتعدل ويبقى حب من اول كلمه
المهم دلوقتى ليه علاقات الحب معظمها فاشل
نحب نفرق فى الاول بين الحب وغريزه التملك لان شتان الفرق بين الاتنين
(الحب يدفعك للتضحيه بما تملك فى سبيل من تحب اما غريزه التملك تدفعك للتضحيه بمن تحب فى سبيل ماتملك )جمله رائعه لاحسان عبد القدوس فى روايه الخيط الرفيع
توضح الفرق بين الحب وغريزه التملك

اسباب فشل العلاقات:
1:بدون تفكير (الكدب)
فعلا حجر اساس فى العلاقه ان طرف من الاطراف يكون كداب او الطرفين وصدقونى حجم الكارثه واحد فى الاتنين سواء واحد كداب او الاتنين
على فكره ناس كتير متعرفش انك لما تبقى صريح وتقول كل حاجه ختى اخطائك بتكبر فى نظر الطرف التانى بشكل كبير لانه بيجس فعلا بصدقك لما تحكيله حتى على هفواتك

2:القدر:
no comment
3:احساس واحد من الطرفين انه اقل من التانى ولو الموضوع ممكن يتلم شويه لو الاحساس عند البنت لكن لو الولد هو الى حاسس بيه يبقى فعلا احساس بشع

4:ان واحد من الطرفين يكون خاين بطبعه ودى ملهاش تفسير غير انها عقده نقص عنده

5:ان الكلام يكون اكتر بكتير من الفعل عموما مستحيل حد ينفذ كل كلامه لكن لما موضوع الكلام يزيد عن حده بيدى احساس للطرف التانى بسخافه العلاقه المبنيه على كلام بس

6:لو تلاحظوا الموضوع كله انا كنت بتكلم عن اطراف مبحددش مين الولد او البنت عشان محدش يتهمنى بالتحيز لكن النقطه دى لازم احدد فيه
البنت حالمه شويه عن الولد عشان كده بتشوف فى حبيبها صوره لشريك حياتها حتى لو كانوا لسه فى ابتدائى مش فى سننا لو محستش انه يقدر يحميها ويحافظ عليها من الاول يبقى مينفعش العلاقه تكمل لانه مش هيحافظ عليها لما يرتبطوا وعندها حق

كلمه أخيره

ياجماعه متبقوش انانيين يعنى لو فكرت بعقلك ولقيت الطرف التانى مش هيلاقى نفسه معاك ياريت متكتلمهوش على حاجه وشوف كل خطوه وتخيل اختك بتحب واحد وعملت الى حبيبتك عملته شوف انت تحسبها ازاى هتقول انها غلط ولا هتقول ان كل واحد لازم يضمن مستقبله مع الى يحس انه يستاهل اعيش باقى عمرى معاه حتى لو مكنش انت لانك اساسا نفسك تكمل معاها لانك شايف انها هتقدر تسعدك لكن هى لوحست ان حد تانى هيقدر يسعدها تزعل قوى يعنى تقبله لنفسك وتحرمه على غيرك
يارب اكون قدرت الم بالاسباب الرئيسيه لان فى اسباب تانيه لكن كلها تقريبا منقسمه من اسباب مكتوبه

من طرف **mona saber** الأربعاء 22 يوليو 2009, 7:04 pm

الموضوع ده حامد اخر حاجه
وشكلك رومانسيه جدا
اقبلى ارق تحياتى

من طرف جيمى الأربعاء 02 سبتمبر 2009, 6:29 am

كل اللى انتى قولتيه دا جميل جدا بس فة نفس الوقت الوقت بيبقى صعب بالزات بالظروف الماديه لان الواحد لما

بيحب بجد وتكون ظروفه المديه مش مساعده بيضطر يقولها انا هعمل وهعمل وهعمل هو كدا بيبقى شايف انه بيكبر

بس هو لو بيحبها بجد اللى قاله كدب هيحققه هو الكدب غلط بس فى نفس فى الموضوع دا بيبقى معظمه صح

لانه لما يكدب اول حاجه بيفكر فيها ياترى لما تعرف ايه اللى هيحصل ساعتها دا بيبقى حافز نجاح دا راى

علاقات الحب الفاشلة و اسبابها

علاقات الحب الفاشلة و اسبابها

رد: علاقات الحب الفاشلة و اسبابها

رد: علاقات الحب الفاشلة و اسبابها