بلد شافت كتير

عن بلد شافت كتير من اهلها ،
كانت دايما تكتمـ وتكتمـ
لاكن بتصرخ من قلبها ،،
وكانت برغم طيبتها وضحكتها
كانوا اللي حواليها قاسين تملي عليها
وعلشان هي حلوة !
كانوا دايما طماعنين في كل حته فيها
وهي كانت تسامح وتقول عادي
وتحاول تفتكر شوية حاجات فاتت
بس كانت تضعف ،،
اصل الضحكه فيها من فترة ماتت
كان نفسها حد يطبطب عليها
بس مالاقتش
اصل كان كل اللي حواليها ،،
كارهينها اكمن هي طيبه وبتسامح
وتلاقي تأني اللي يبعد ويقومـ جارح
وهي لسه فاكرة ضحكه من حلم امبارح
كانت بتسمع ناس قليله بتدعي ليها
ان ربنا يحفظها ويخاف عليها
كانت تفرح وتحاول بقي ماتبكيش
وكانت تدعي لـ ربنا فـ كل أذان
ان من تاني. تعرف تعيش
بتدعي لـ ربها ان تكون عروسه
بفستانها الأبيض
وقلبها من الفرحه عمال يرقص وينبض
فــ يومـ من الأيامـ
وبتقول يارب

بلد شافت كتير 943258_139863029551835_108506547_n

من طرف Razan الثلاثاء 01 أكتوبر 2013, 4:42 pm

اللهم احفظها واحفظ شعبها من شر الفتن

ياااااااااااااااااااااارب

من طرف yasser atef zaky الثلاثاء 01 أكتوبر 2013, 5:30 pm

القلــــــــب الكبيـــــــــــــــــــر
كلام جميل جدا وطيب لأنه طالع من قلب طيب
ماتقلقش على مصر عدى عليها أكتر من كده ألف مره
وتقريبا نفس السيناريوهات الفرق فى التواريخ فقط
لكن الأحداث هى هى مع شوية ديكورات لزوم الشئ
ربنا يحفظها ويحفظنا وفعلا مصر أم الدنيا
تحياتى بلد شافت كتير 1185254463