السقا للمصريين: ارفعوا كلمة "بيئة" من قاموسكم.. وافرحوا لفرح البسطاء

من طرف عبير الروح الثلاثاء 08 مايو 2012, 2:58 am

انتقد الفنان المصري أحمد السقا استخدام الأثرياء كلمة "ناس بيئة" لوصف بعض السلوكيات البسيطة التي تأتي بها بعض الطبقات الشعبية، وقال في تعليق كتبه على صفحته بـ"فيس بوك": "دي أكتر كلمة بكرهها في حياتي".

وعدد الفنان المصري في تعليقه السلوكيات التي يتم وصفها بهذه الكلمة، وقال: "يعني ناس واقفة بتتصور في سيتي ستارز بموبايل.. إيه داعي إننا نضحك عليهم؟ إيه داعي إننا نقول عليهم بيئة؟ مش كل الناس بتلف العالم وتاخد صور جنب ميكي ماوس في الديزني لاند".

واستطرد: "لو بيتصوروا في المول فده لأن هو ده المكان الوحيد اللي يقدروا يروحوه.. وبيتصوروا بموبايل لأنهم ممكن يعيشوا ويموتوا قبل ما يمتلكوا نص ثمن الكاميرات اللي إحنا بنتصور بيها".

وعزى السقا انتشار هذه الكلمة إلى سيادة ما سماه بـ"الثقافة المتخلفة"، ومضى يشرح تفسيره لهذه الرؤية قائلا: "ثقافة خلت إنك تبقى متحضر أما تسافر أوروبا في الصيف.. وتبقى معفن أما تسافر إسكندرية تقعد على شاطئ مجاني تستمتع بجمال بلدك بدون تكلف! خلت اللي يتكلم لغة إنجليزية بطلاقة يبقى ليه الأولوية في فرص العمل ويبقى كووول! واللي يتكلم لغة عربية بطلاقة يبقى أهبل! خلت الناس تقرف من البلد في شم النسيم والأعياد عشان الناس البسيطة بيقدروا ينزلوا ويخرجوا".

وتعجب الفنان المصري من حرص بعض الأشخاص ودفاعهم عن هذه الثقافة، دون التفاته للسعادة التي تظهر على وجوه البسطاء عند ممارسة السلوكيات التي يتم وصفها بكلمة "بيئة"، وأضاف: "ليه بنضايق من لبسهم من كلامهم من انتشارهم.. وعمرنا ما بنتلفت للسعادة اللي على وشهم! لو صورهم في المول هتسعدهم.. لو نزولهم البحر بهدومهم هيسعدهم، لو أي حاجة بيعملوها بتسعدهم.. يبقى مش من حقنا نحكم عليهم إنهم "بيئة" عشان بيفرحوا بالطرق المتاحة قدامهم!".

وختم السقا تعليقه قائلا: "شيل الكلمة دي من قاموس حياتك.. وقدر الناس وطبقاتهم وبساطتهم وافرح لفرحهم وبصلهم كويس أكيد هتشوف شيء من الطيبة من الحب من العفوية من البساطة.. أكيد هتشوف شيء من بلدك.. شيء منك! ساعتها بس هتحس إنك إنسان.. واللي أقل منك إنسان.. واللي أقل منكم إنسان.. إنسان من حقه يفرح ويضحك من غير ما حد يبص عليه أو ينتقده لمجرد إنه مدفعش ثمن لضحكته".

من طرف **قلب الحب** الثلاثاء 08 مايو 2012, 4:39 pm

من طرف عبير الروح الأربعاء 09 مايو 2012, 10:58 pm

السقا للمصريين: ارفعوا كلمة "بيئة" من قاموسكم.. وافرحوا لفرح البسطاء

السقا للمصريين: ارفعوا كلمة "بيئة" من قاموسكم.. وافرحوا لفرح البسطاء

رد: السقا للمصريين: ارفعوا كلمة "بيئة" من قاموسكم.. وافرحوا لفرح البسطاء

رد: السقا للمصريين: ارفعوا كلمة "بيئة" من قاموسكم.. وافرحوا لفرح البسطاء