شهد القلوب
تعلم اللغة التركية Welcome_042

* عزيزي الزائر *
اهلا و سهلا بك
كم اسعدتنا بهذه الزيارة و شرفتنا
و يزيدنا شرف بتسجيلك معنا و تصبح قلب من قلوب
* شهد القلوب *

تعلم اللغة التركية 41160_1234692989

تعلم اللغة التركية

اذهب الى الأسفل

تعلم اللغة التركية Empty تعلم اللغة التركية

مُساهمة من طرف عبير الروح في الجمعة 20 أبريل 2012, 7:26 am

تعلم اللغة التركية 36042ad1


اخوتي الغالين

دا موضوع لقيته في احد المنتديات

شايفة انه مفيد نقلته دون ادنى تعديل في المضمون

تعلم اللغة التركية 1001573yhud3copkffv7

التركيه وباذن الله هبداها معاكم واحده واحده ومن الصفر واليوم هبدا معاكم الحروف ونطقها وشويه كلمات عليهم كده وهناخد تصنيفات الحروف عشان دول اساس اللغه كلها وهى واللهى لغه لذيذه جدا يمكن هى في الاول بتبان صعبه بس مع الاجتهاد والاصرار الامور بتمشي
اول شئ حبيت بس اديكم مقدمه بسيطه عن اللغه التركيه طبعا زمان ايام الدوله العثمانيه كانت اللغه المستخدمه هى اللغه العثمانيه تشبه كتير اللغه التركيه المستخدمه حاليا لكن كان فيه شويه اختلافات اولها انها كانت بتكتب بالحروف العربيه ثانيا انها كان فيها كلماته كتير جدا عربيه وفارسيه لان كان لازم الشعراء والادباء وعليه القوم يكونوا علي درايه العربيه والفارسيه وطبعا العثمانيه (شوفوا كنا فين وبقينا فين يلا معلش الله كريم )لحد ما استاذ مصطفي اتاتورك جه وحب بنفصل عن العرب واللغه العربيه تماما وحب بتقرب للغرب واسقطت اللغه العثمانيه وامرت علماء اللغه بوضع لغه خاصه بالترك بس وتكون بالاحرف اللاتينيه وفعلا تم الامر عام 1929
واللغه التركيه بتنمى لاسره اللغات يطلق عليها اورال الطاى زى كده ما اللغه العربيه تنتمى لاسره اللغات الساميه
المهم اللغه التركيه تتكون من 29 حرف فيه منهم خاصين باللغه التركيه بس يعنى مش موجودين في اي لغه تانيه زى مثلا ç



Türk alfabesi
(تورك الفابَسي)الابجديه التركيه



A=ينطق اه مفخمه زى Aفي اللغه الالمانيه مثال AT=حصان وتنطق ات
ABLA=الاخت الكبري وتنطق ابله (زى كده لما الاولاد بيجعروا في المدرسه ويعدوا يقولوا ابله ابله )

B=تنطق بَ وكان عليها فتحه
مثال BAL=عسل وتنطق بال الباء هنا مفخمه وهنعرف ليه الدروي الجايه ان شاء الله مثال اخو BU=هذا وتنطق بو

C=تنطق دجا اكن قبلها حرف د والجيم معطشه
مثال CADDE= شارع وتنطق جاده

ç=تشا
مثال çAY=شاي وتنطق تشاي

D=وتنطق دَ او ضَ وده بيعتمد علي الحرف اللي بعدها خفيف ولا ثقيل وهعرفكم ده الدرس الجاي متخافوش
مثال DENİZ=بحر وتنطق دَنيز

E=تنطق A خفيفه زى الانجلش كده
مثال ELMA=تفاحه وتنطق الماا

F=تنطق فَ
مثال FEN=تنطق فَن وتعنى علم (مش الفن بتاعنا ههه)

G=تنطق جا بدون تعطيش الجيم جَ
مثال güzel=تعنى جميل وتنطق جوزال (وطبعا اكتر كلمه الاتراك بيستخدموها )

Ğ =هذا الحرف اسمه YUMUŞAK Gوينطق يوموشاك جا ولا توجد كلمه في اللغه التركيه تبدا به

H=تنطق هَ ها
مثال HEDEF =هَدف

I =ينطق مثل الE في الانجلش ولكن نقفل اسنانا كده
مثال IŞIK = ضوء كهربائي وتنطق ايشيك واحنا برضه قافيلين اسنانا كده

İ=حرف ال E في الانجلش بالظبط من غير ما نقفل سنانا عادى خالص اكننا بنقول E
مثال İSİM =ايسيم(اٍسٍٍم ) وتعنى اسم

J=جا معطشه JA
مثال JAPON=جابون اي اليابان

K= احيانا تنطق كَ واحيانا قَ وهشرح ليكم في الدرس القادم ان شاء الله
مثال KALEM =قَلَم (كلمات ذات اصول عربيه)
KİTAP=كٍتاب(كلمه ذات اصل عربي )

L=تنطق لَ
مثال LAMBA =تعنى لمبه وتنطق لامبا

M=تنطق مَ
مثال MASA =منضده وتنطق ماسا الميم مفخمه يابنات

N=تنطق نَ
مثال NAR = رمان وتنطق نار

O = او وهبين نطقها في الفيديو المدرج
مثال OKUL = مدرسه وتنطق اوكول

Ö= للاسف صعب ابين نطقها كاتبتا لكن هيبان في الفيديوان شاء الله[list]
مثال ÖĞRETMEN= اورات مَن وتعنى معلم

P=تنطق PA زى الانجلش بالظبط وياريت نراعى الفرق بين الباء الخفيفه والثقيله من فضلكم
مثال PENCERE= شباك وتنطق بَن جَرا (انا قسمتها ليكم عشان تعرفوا تنطقوها )

R=رَ تنطق را
مثال ROL= دور وتنطق رول

S= سَ (سا) وبرضه صَ (هتعرفوا ازاى ان شاء الله الدرس الجاي عارفه انكم زهقتوا منى )
مثال SINIF=فصل او صف وتنطق صينيف (بصوا بي الياء دى مش كسره ماشى يعنى اكنكم بتقولوا صنف وانم قافلين سنانكم كده)

Ş=شَ ويلفظ شا
مثال ŞEMSIYE= شمسيه وتنطق شَمسِيه

T=بنطق تَ وايضا طَ
مثال TABAK=طبق وينطق طابق
TEMİZ= نظيف وتنطق تَمييز

U= ينطق اووووو
مثال UFUK =افق وتنطق اوفوك

Ü= تنطق اوو مخففه (ودى بقي محتاجه تسمعوها كتير في الفيديو )
ÜN= معناها شهره او صيت وتنطق اون

V= تنطق فا (اعتبروا الفاء دى حرف V)
مثال EV =منزل وتنطق اَف
VE =تعنى و وتنطق فا
Y = تنطق يا
مثال YIL= تعنى عام او سنه وتنطق يل وطبعا واحنا قافلين اسنانا

Z= تنطق زَ او ظَ (الدرس القادم هناخد الحاجات دى بالتفصيل )
مثال ZEYTİN =تعنى زيتون وتنطق زَيتين

عبير الروح
عبير الروح
عضو ماسي
عضو ماسي

empty empty empty empty empty
empty empty empty empty empty empty empty empty empty انثى

عدد المساهمات : 29839

نقاط : 109790

تاريخ التسجيل : 09/02/2010

empty empty empty empty

الرجوع الى أعلى الصفحة اذهب الى الأسفل

تعلم اللغة التركية Empty رد: تعلم اللغة التركية

مُساهمة من طرف عبير الروح في الجمعة 20 أبريل 2012, 7:30 am

تعلم اللغة التركية 1218664noenqdsr17xz2

بصوا بقي الحروف التركيه بتنقسم لمجموعتين :

المجموعه الاولي وهى الحروف الصائته او المتحركه (يطلق عليها في الانجليزيه vowels)ويطلق عليها في التركيه (ünlü hafler)وتنطق اونلو هارفلر,وعددهم 8 وهى (o. ö. u. ü. a .e. ı. i).
المجموعه التانيه حروف صامته او ساكنه وتعرف في اللغه التركيه باسم(ünsüzhafler)وتنطق اونسوز هارفلر(وتعرف في الانجليزيه بconsonant)
وعددهم 21 حرف .(باقي الحروف يعنى ما عدا المتحركه )

نيجى للنقطه التانيه وهى خاصه باحروف الصائته او اونلوهرفلر واحنا عرفنا ان عددها 8 وهما(o. ö. u. ü. a .e. ı. i
الحروف دى بقي بتقسم لمجموعتين اللي هما حروف خفيفه وحروف ثقيله
الحروف الخفيه (اللي هى عليها النقط )(وتعرف باسم inceوتنطق اٍنجا )وهى (ö.i.ü.e)
الحروف التقيله (اللي هى من غير نقط )(وتعرف باسم kalınوتنطق قالن )وهى(a.ı.o.u).
عارفه انكم بتقولوا طب وايه لازمه ده كلوا وكده انا هفهمكم فاكرين لما كنت بديكم الحروف وجينا علي حرف d وقولت ليكم انه ليه نطقين وبرضه قولت كده علي حرف k وحرف sوحرف zدلوقتى هقدر اشرحلكم النقطه دى .
نبدا بحرف D

حرف dينطق دا لما بيجى وراه حرف خفيف
مثال dedeتنطق دادا وتعنى جدى
مثال تانى defter تنطق دَفتَر وتعنى كراسه
حرف D لما بيجى وراه حرف ثقيل ينطق ض
مثال dakika تنطق ضاقيقه وتعنى دقيقه (minute يعنى )
مثال اخر durak تنطق ضوراك وتعنى محطه
مثال برضه darbuka وتنطق ضاربوقا وتعنى طبله


حرف t ينطق تا لما بيجى وراه حرف حفيف
مثلا teyze تنطق تَيزا وتعنى خاله (my mother's sister )
مثال tekrar تنطق تكرار وتعنى من جديد
مثال تانى tembel وتنطق تَمبَل وتعنى كسول

وينطق حرف t طا لما بيجى وراه حرف ثقيل
مثلا tamam تنطق طامام(مش تامام ) وطبعا تعنى (اوكى ماشي كويس )
مثال tarak وتنطق طاراك وتعنى مشط
مثال taraf وتنطق طاراف وتعنى ناجيه او جهه


حرف k بنطق كا لما بيجى وراه حرف خفيف
متال kitab بنطق كِتاب وتعنى كتاب
متال اخر kimya تنطق كِيميا وتعنى كيمياء ( chemistry)
مثال kedi تنطق كَدى وتعنى قطه
حرف k ينطق قا لما بيجىى ورا حرف ثقيل
مثال kalem تنطق قالَم وتعنى قلم
مثال اخر kırmızı تنطق قرمزى (بصوا بقي في نطقها بنفل سنانا يعنى اكن في كسره بعد k و mوz ,واحنا قافلين سنانا كده )وتعنى اللون الاحمر
وكمان kat تنطق قات وتعنى طابق او دور

حرف z ينطق ظا- اذا جاء بعده حرف ثقيل
مثال zamir ينطق ظامير وتعنى ضمير
zan تنطق ظان وتعنى ظن
zarf تنطق ظارف وتعنى ظرف
اما اذا جاء بعده حرف خفيف فينطق ذا او زا
مثال zillet تنطق زيلَت وتعنى ذله
مثال zevk تنطق زَفك (الفاء تنطق v) وتعنى ذوق
ziyaret تنطق زِيارَت وتعنى زياره

حرف s
ينطق سا او ثا اذا جاء بعده حرف خفيف
مثال sebep تنطق سَبَب وتعنى سبب
مثال seçim تنطق سَتشيم وتعنى انتخاب
مثال sene تنطق سَنا وتعنى سنه
ينطق حرف الs ص اذا جاء بعده حرف ثقيل
مثال sabah وتنطق صاباح وتعنى صباح
مثال suوتنطق صو وتعنى ماء

حرف ğ
له نطقين اما غا او يا
ينطق غا اذا جاء بعده حرف ثقيل
مثال ğaza وتنطق غازا وتعنى غزوه
وينطق يا اذا جاء بعده حرف خفيف
مثال değilوتنطق دَييل (dayel بالفرانكو ههه)تعنى ليس اداه للتفي(not )

باقي الحروف بقي تنطقها بس بينفخم لما بيجى وراها حرف ثقيل وبيبقي رقيق لما بيجى وراها حرف خفيف هوضح ليكم بامثله
متلا حرف b
بنطق مفخم في كلمه baba بابا او bal بال وتعنى عسل او balık باليك وتعنى سمكه
وتنطق رقيقه في كلمه متلا beş وتنطق بَش وتعنى خمسه (رقم )
مثلا حرف m
هنقوله مفخم في كلمه manav وتنطق ماناف وتعنى فكهانى
وهنقوله مرقق في كلمه meyve وتنطق مَيفا وتعنى فاكهه
وهكذا لباقي الحروف


نيجى بقي لقاعده التوافق الصوتى وازاى نقدر نقرا الكلمات

بصوا يا بنات الكلمه التركيه بتتكون من مقاطع يعنى كل حرف صائت في الكلمه بيمثل مقطع (طبعا هتقولو ازاى ؟؟؟؟؟؟؟؟)هقولكم اهووو
بصوا كلمه ablaمثلا فيها كام حرف متحرك او صائت او ünlü
هتقولوا اتنين يبقي هى بتتكون من مقطعين يعنى كل حرف هيكون مقطع فلما نيجى ننطق هنلاقي بنقول ab------la فهمتوا قصدى بقت ab دى مقطع وla دى مقطع تانى
ناخد مثال تانى araba دى بقي بتتكون من تلت مقاطع ليه شوفوا لما بنيجى ننطقها بنقولها ازاى a----ra----ba
اتمنى تكون الصوره وضحت حبه (ياااااااارب)
المهم نيجى بقي للقاعده (سمعاكى يالي بتقولي ايه ده هو كل ده لسه مدخلناش في القاعده )
بصوا القاعده ببساطه بنقول
1-اذا بدات الكلمه التركيه بحرف خفيف تكون بقيه المقاطع خفيفه
2- واذا بدات بحرف ثقيل(في اول مقطع يعنى )تكون بقيه المقاطع ثقيله
نشوف امثله هتوضح لينا اكتر ان شاء الله
متلا pencere تعنى نافذه لما نيجى نبص ليها هنلاقي انها بتتكون من تلت مقاطع
اللي هى pen-------ce----- re
شوفو اول مقطع اللي هو pen الحرف الصائت اللي فيه خفيف (بصوا كويس)
نبص علي المقطع التانى اللي هو ce برضه الحرف الصائت اللي فيه خفيف
نبص بقي علي المقطع التالت re برضه الحرف الصائت اللي فيه خفيف
ناخد مثال تانى زياده للتاكيد
kalabalık تعنى مزدحم وتنطق بقي ka---la--ba---lık
بصوا هنا كام مقطع اربعه نبص لاول مقطع اللي هو ka الحرف اللي فيه صائت ثقيل
نبص للمقطع التانى la برضه صائت تقيل
نبص للمقطع التالت ba برضه صائت ثقيل
نبص للمقطع الرابع lık برضه صائت ثقيل
(يارب يكون فهمتوا من شرحى حاجه )
للقاعده دى بقي شواذ يعنى ممكن نلاقي كلمه اول مقطع ثقيل والمقطع التانى خفيف طب ده لييييييييييه هقولكم انا لاربع اسباب
1-اما انها بتكون كلمه تركيه الاصل يعنى هما اللي اخترعوها مش مقتبسه زى مثلا كلمه anne وتعنى ماما وتنطق انا بصوا اول مقطع منها an ثقيل وتانى مطع ne مقطع خفيف
2- كلمه داخله علي اللغه التركيه يعنى متلا كلمه عربيه او فارسيه
مثال bahçe تنطق باه تشا وتعنىى حديقه ودى كلمه فارسيه
تعالوا بقي نبص علي مقاطعها المقطع الاول bah مقطع ثقيل
المقطع التانى çeمقطع خفيف
3-انها تكون كلمه مركبه يعنى اخدنا كلمتين لزقناهم في بعض وادتنا كلمه جديده زى مثلا bugün وتعنى اليوم الكلمه دى اصلا متكونه من bu يعنى هذا (مقطع ثقيل )وgün يعنى يوم (مقطع خفيف)
4-بعض اللواحق في اللغه التركيه لاتتبع هذه القعده مثل اللاحقه yor
النقطه دى هشرحها ليكم الدرس الجى افضل (عشان اخدنا حاجات كتير النهارده )
طب ايه فايده القاعده بقي ؟؟؟
بصوا بقي اللغه التركيه بتعتمدد علي اللواحق يعنى بيكون فيه كلمه اساسه واحنا نزود عليها اللاحقه عشان تدينا معنا تانى
مثال للتوضيح احنا في العربي بنقول في المنزل
لكن في التركيه بنقول المنزل في ودى بقي هنستخدم فيها القاعده التوافق الصوتى ازاى بقي؟؟؟؟؟؟؟؟؟؟
كلمه منزل تعنى ev ماشي وكلمه في تعنى (da-da
احنا بقي بتختار منهم علي اساس المقطع خفيف ولا تقيل لو خفيف هنختار de
لو ثقيل هنختار da
ناخد امثله توضح لينا
في المنزل ev de
في الحديقه bahçe de طب هنا بقي كلمه bahçe اول مقطع ثقيل والتانى خفيف هنعمل ايه وهنختار اللاحقه خفيفه ولا تقيله علي اساس ايه بالظبط؟؟؟
الاجابه سهله اوى علي اساس اخر مقطع يعنى هنبص علي اخر مقطع ونشوفه ثقيل ولا خفيف ولو خفيف هناخد de ولو ثقيل هناخد da
ناخد مثال كمان يوضح اكتر ليكم
في الشار ع شارع تعنcadde
cad--------deنبص علي المقطع التانى هنلاقي eيعنى مقطع خفيف اذن هنختار de
يعنى هتكون cadde de
اخر حاجه حبه اديها ليكوا هى ازاى نجمع الكلمات بصوا زى ما في الانجلش بنضيف s
في التركى بقي هنضيف )lar-lar
طبعا ده بيعتمد علي قتعده التوافق هنبص علي اخر مقطع ونشوف لو خفيف نحط ler
ولو ثقيل نحط lar
ناخد امثله بقي
araba------------------------------araba lar
anne ----------------------------------anne ler
masa منضده ----------------------------masa lar

ناخد بقي التحيات
merhabaاهلا---------------------merhaba
hoş geldinizاهلا وسهلا تنطق هوش جلدينيز وتقال للجمع اولو لحدكبير في السن كاحترام-----------------الرد بتاعها hoş bulduk تنطق هوش بولدوك وتعنى اهلا بك
gün aydın جون ايدن وتعنى صباح الخير-------- الرد عليها gün aydın
iyi akşam lar مساء الخير وتنطق اي اقشاملار-------الرد عليهاiyi akşam lar
iyi günlerيومك سعيدتنطق اي جونلَر --------------الرد عليهاiyi günler
iyi gecelerتصبح علي خير تنطق اي جاجالار gajalar--------الرد عليها iyi geceler وانتمن اهله
hoşça kalın مع السلامه هوشتا كالن ---------الرد عليها güle güle حولا جولا تعنى مع السلامه بس كرد
عبير الروح
عبير الروح
عضو ماسي
عضو ماسي

empty empty empty empty empty
empty empty empty empty empty empty empty empty empty انثى

عدد المساهمات : 29839

نقاط : 109790

تاريخ التسجيل : 09/02/2010

empty empty empty empty

الرجوع الى أعلى الصفحة اذهب الى الأسفل

تعلم اللغة التركية Empty رد: تعلم اللغة التركية

مُساهمة من طرف عبير الروح في الجمعة 20 أبريل 2012, 7:39 am

تعلم اللغة التركية 1331221uu7ohx0ghfqg0

اول حاجه فاكرين لما اخدنا قاعده الجمع وقولنا ان الاداه بتاعتنا هى (lar--lar)وقولنا ان احنا بنختار (lar )مع (a-ı-o-u)وبنختار (ler) مع( e-i-ü-ö).

احنا بقي عندنا كلمتين بس شواذ يعنى مش بيمشوا مع القاعده دى وهما
1-saatمعناها ساعه-------لاحظتوا هنا اخدتler الاحقه ----- saat ler
2-harfمعناها حرف---------وهنا برضه ler الاحقه-------harf ler
نلاحظ هنا ان الكلمتين دول مخدوش lar

ندخل بقي علي قاعده التوافق (متتخضوش كده دى سهله اوى)
بصوا فاكرين لما قولنا ان الحروف هنقسمها لجروبين
1-حروف صامته
2- حروف متحركه
احنا بقي الدرس الي فات فصصنا الحروف المتحركه المره دى بقي نشوف الحروف الصامته بقى


الحروف الصامته

هتنقسم لمجموعتين
1-حروف حاده sert---- عددهم 8 وهما (f-s-t-k-ç- ş- h-p)نجمعهم في كلمه فستك تشا شا هب
2- الحروف اللينه yumuşak------- باقي الحروف
طب ايه اهميه القاعده دى ؟؟؟؟؟؟؟؟؟؟

انا هقولك فاكرين لما ادتكم ازاى اقول انا في البيت - في المدرسه كده كنا بنقول كده ev de- okul da )
المهم بقي اي كلمه بتنتهى باي حرف من الحروف الحاده او السرت دى (f-s-t-k-ç- ş- h-p) هنحول
de----------------------اليte
وكذلكda -------------- الى ta

ناخد امثله ماشي
في الفصل sınıf..................sınıf ta فصل (اخدتوا بالكوا )
في المطبخ mutfak...............mutak ta مطبخ
اتمنى تكون وضحت !!!!!!!!!!

المهم احب اديكم برضه حاجه كمان بخصوص الموضوع ده
ازاى اقول من في اللغه التركيه (طبعا هختار بين dan-den)وطبعا ده حسب التوافق الصوتى)
يعنى مع الاحرف الثقيله(a-ı-o-u)--------هتاخدdan
ومع الاحرف الخفيفه(e-ü-i-ö) -----------هتاخدden
طب بقي لو كلمه انتهت بحروف فستك تشا شاهب هنعمل ايه ؟؟؟؟؟؟؟؟؟
طبعا هنحول danالى tan
وهنحول denاليten
امثله بقي
iş------------------------ iş tenتنطق ايش وتعنى عمل
ders ---------------ders ten محاضره او درس
ملحوظه مهمه اوى بخصوص القاعده دى بصوا اي لاحقه بتبدا بحرف الd جت بعد حرف من الحروف الحاده دى علي طول نقلب الd الىt

ندخل بقي علي الحروف المتغيره ودى مهمه اوى اوى لانها مستخدمه بكثره في اللغه التركيه
طب يعنى ايه حرف متغير ؟؟؟؟؟
هو حرف من الحروف دى k p ç t
اي حرف من دول لو جه بعديه حرف صائت او متحرك (e- i-ı -o-ö- u-ü-a) بيتغير
gنادرا - في الغالي تحول لğ----------------------------حرف صائت+k
b--------------------------حرف صائت+p
c-----------------حرف صائت+ç
d-------------------حرف صائت +t
ناخد مثال
çocuk +um ----------- çocuğumطفل
دى لاحقه ملكيه مع الضمير انا فتعنى هنا طفلي
لاحظتوا ان حرفk لما جه وراه حرفu تحول لğ
(بصوا القاعده دى هيظهر استخدامها قدام )

نيجى بقي للاسم اول حاجه لازم نعرف ان الاسم في التركيه ليه تلت حالات
1-حاله التجريد
2- حاله المفعوليه
3- حاله الاضافه

الحاله الاولي التجريد
يعنى ان الاسم مجرد من اي لاحظه (بيور يعنى) مفهوش اي زيادات لا لاحقه جمع ولا اضافه ولا اي حاجه
يعنى بيكون اما (مبتدا او فاعل او نائب فاعل )
زى مثلا
1-çocuk hasta الطفل مريض (هنا الاسم في حاله مبتدا )
öğrenci geldiجاء الطالب (هنا الاسم في حاله الفاعل )
بصوا يا بنات الجمله التركيه بتتكون علي هذا النحو
الفاعل ----- متممات الجمله --------- الفعل اخر حاجه
يعنى مثلا عايزه اقول انا اذهب الي المدرسه هتكون انا المدرسه الي اذهب
معلش هى غريبه شويه وانا بصراحه مش هتنكر انى لحد الان عندى معاناه من الموضوع ده

الحاله الثانيه حاله المفعوليه ودى بتقسم ل 5حالات هناخد منهم تلاته النهارده
المفعول فيه (بمعنى في )
ودى انا ادتها ليكوا قبل كده يعنى لما اقول في المدرسه في الحديقه كده يعنى وطبعا اللاحقه دى ليها شكلين (da-de
)وطبعا بنختار علي اساس قاعده التوافق الصوتى
a-o-u-ı)--------------- da)
e-ö-i-ü)-------------- de)
وطبعا لو انتهت الكلمه بحرف من حروف الحاده (f s t k ç ş hp)
بتتحول الde الي te
ال daالي ta
'طبعا انا مدتش امثله لان لسه قايله عليها من شويه
فيه ملحوظه بقي
لما da de بيجوا مع اسم علم (انسان او دوله يعنى )بتكون بمعنى لديه هو عنده
يعنى مثلا alla din"de معنا ها لدى علاء الدين

2- المفعول منه (بمعنى من )

ودى برضه قولتها سابقا بمعنى من كذا من المدرسه من السوف كده يعنى
وطبعا بنختار بين (dan-den) علي اساس التوافق الصوتى
a-o-u-ı)--------------- dan)
e-ö-i-ü)-------------- den)
وطبعا لو انتهت الكلمه بحرف من حروف الحاده (f s t k ç ş hp)
بتتحول den الي ten
ال dan الي tan
وبرضه اخدنا امثله عليها في نفس الدرس

3-المفعول ايه (بمعنى الى )

وهنا بقي اللاحقه هى (a-e)
وبنختارها علي اساس التوافق الصوتى تمام
e-ö-i-ü)--------------e)
a-o-u-ı)----------- a)
امثله بقي
okul *****الي المدرسه okul a
ev ********الي المنزل eve
iş********* الى العمل iş e
بصوا بقي هنا خلي بالكوا اوى من الحروف المتغيره ماشي
الي الشجرةağaç******* ağacaشجره
بصوا هنا لاحظوا ان حرف ال çتحول الي حرف cعند اضافه حرف الa
طيب لو مثلا قابلنا كلمه منتهيه بحرف ال aاو حرف ال e نعمل ايه ؟؟؟؟؟؟؟؟
ازاى هنحط حرفa ورا حرفa مش هتكون راكبه خالص
الحل بسيط اوى هنحط y هتكون فاصله بينهم
طب يلا نشوف امثله
الي الباب وتنطق قابي يا kapı******* kapı y aباب
الي النافذه pencere *******pencere y e نافذه

ناخد بقي شويه كلمات
ev منزل
oda حجره
baca مدخنه
çocuk odası حجره الاطفال وتنطق تشو جوك اوداسه
bahçe حديقه
balkon بلكونه
salon صالون
mutfak مطبخ
yatak odsı حجره النوم تنطق ياتاك اوداسه
banyo تويلت (شوفتوا بقي هنا البانيو مش البانيو بتاعنا خالص هه)
oturmaodası حجره الجلوس تنطق اوطورما اوداسه
عبير الروح
عبير الروح
عضو ماسي
عضو ماسي

empty empty empty empty empty
empty empty empty empty empty empty empty empty empty انثى

عدد المساهمات : 29839

نقاط : 109790

تاريخ التسجيل : 09/02/2010

empty empty empty empty

الرجوع الى أعلى الصفحة اذهب الى الأسفل

تعلم اللغة التركية Empty رد: تعلم اللغة التركية

مُساهمة من طرف عبير الروح في الجمعة 20 أبريل 2012, 7:41 am

[color=violet]تعلم اللغة التركية 1331221uu7ohx0ghfqg0

نبدا بقي بسم الله
المفعول به
بصوا بقي لاحقه المفعول به دى عباره عن حرف من الاربعه دول واحنا بنختارها علي اساس التوافق الصوتى بتاعنا والاربع حروف دول (ı*i*u*ü)
طب هنختارمنهم ازاى بقي ؟؟؟؟؟؟؟؟؟؟؟
علي الاساس ده وياريت اللي هكتبه ده يتحفظ صم لان هنستخدمه في الازمنه ان شاء الله بصوا
a-ı----------------------ı
e-i-----------------------i
u-o------------u
ü-ö-----------ü
يعنى نبص لاخر مقطع في الكلمه ونشوف فيها حرف ايه من الحروف الصائته ونختار علي اساس الجدول او التقسيمه اللي كتبتها فوق ناخد امثله هتوضح sınıf****************sınıfı
شوفوا اخر مقطع كان ايه كانnıf عشان كده اختارنا ı

ev **********evi
هنا بقي االكلمه متكونه من مقطع واحد ev يعنى حرف e يبقي هنختار ايه ؟؟؟
اكيد حرف i]

okul----------okulu
هنا بقي اخر مقطع كان ايه كان Ul يعنى حرف ال u
يبقي هنختار u

bugünيعنى اليوم ----------bugünü
هنا اخر مقطع كان ايه كان gün يعنى حرف ü يبقي هنختار الü

طيب بقي لو كلمه منتهيه بحرف صائت بقي نعمل ايه ؟؟؟؟الاجابه سهله اوى واحنا عرفنها من قبل كده هنحط yفاصله ونعيش حياتنا عادى جدا
امثله بقي
sıra*************sırayıبعنى صف (صف كراسي مثلا )
masa*********masayıمنضده
kürsü*********kürsüyü مكتب
sandalye**********sandalyeyiكرسي بظهر

ملحوظه مهمه اوووووووووووووى
نخلي بالنا اوى من الحروف المتغيره يا بنات فاكرينها
k------------ğ*g
ç--------------c
p------------b
t---------d
لان هنا احنا بنضيف حرف صائت (ı*i*u*ü)فالحروف كده هتتغير
ناخد امثله
tavukيعنى دجاج ---------- tavuğu
gözlükيعنى نضاره--------gözlüğü
sinek يعنى ذبابه ------sineği
كده احنا خلصنا المفعول به

المفعول معه (دى بقي ترجمتها للعربيه يعنى بواسطه -مع -ب--احيانا بمعنى و )
اللاحقه دى بقي ليها شكلين احنا نختار بينهم براحتنا بس للامانه فيه واحده الاتراك دايما يستخدموها اكتر من التانيه
الشكل الاول ليها منفصله؟؟؟؟
يعنى ايه ؟ بصوااحنا دايما اللواحق بنلزها في الكلمات يعنى مش بنسيب سبيس بين الكلمه واللاحقه بنخليهم لاززقين في بعض اكنهم كلمه واحده عشان كده بنستخدم قاعده التوافق الصوتى تمام
يعنى متلا بنكتب okulda
مش okul da فاهمنى ؟؟
ولو انا في درس سابق كنت سبت مسافه فعشان بس اوضح ليكم اللاحقه لكن دلوقتى انتم فهمتوا القصه
المهم نشوف الشكل المنفصل للاحقه المفعول معه
هنكتبها كده ile
ودى بفي لا هتوهجع دماغنا في توافق ولا اي شئ مع اي كلمه هتكتبها كده بس تكون منفصله مش لازقه بالكلمه
امثله بقي
ahmet ile ali معناها احمد وعلي ---- او احمد مع علي تحتمل معنين
araba ile معناها بواسطه العربيه وهنا بقي شوفوا محطناش y فاصله لان الاحقه مش متصله بالكلمه اكن اللاحقه كلمه خاصه بذاتها
kalem ile------بواسطه القلم
تمام اتمنى تكونوا فهمتوهااااا
بس فيه خبر مش حلو ان الشكل المنفصل ليها ده (مش مستخدم بكثره عند
الاتراك)
هما بقي بيستخدموا ايه ؟؟؟؟
الشكل المتصل ليها اللي هو كده (le-'la')
ودى بقي تابعه طبعا للتوافق الصوتى وبتكون لازقه بالكلمه
a-ı-o-u--------------------'la
le----------------------i-ü-ö-e'
نشوف امثله بقي
ahmet'le ali
شوفوا هنا بقي ازاى بقت متصله مع احمد وتنطق احمتلا علي
otobüs'le شوفوا هنا برضه ملتصقه بكلمه اتوبوس
اهم شئ يا بنات تخطوا دى' (معرفش اسمها رايح من دماغى خالص بس هى بالتركى اسمها كَسما اشاراتى)

طيب بقي لو الكلمه بتاعتنا منتهيه ب حرف صائت بقي ؟؟؟نعمل ايه ؟؟
عارفه كلكم هتقولوا ايه ده ازاى طب ما اللاحقه مفهاش حرف صائت (le-'la')
هقولكم لا لاالاالالا ماهى اصلا اللاحقه دى اصلها ile بس هما حذفوا i (شوفتوا الغتتاته حتى وهى محذوفه لازم نعمل ليها حساب )
يبقي الحق بقي عارفينه هنحط ايه y فاصله
امثله بقي
anneyle مع الام
babaylaمع الاب
arabaylaبواسطه العربه
وكده خلصنا المفعول اليه

ندخل بقي علي الحاله التالته وهى حاله الاضافه
بصوا هى بتنقسم لقسمين
1 اضافه تامه
2 اضافه ناقصه
بصوا يابنات مش احنا عندنا في العربي مضاف ومضاف اليه (صح ؟)
هما برضه عندهم في التركى كده بس التركى بقي عكس العربي بيدا بالمضاف اليهمتتخضوش انا هفهمكم بامثله
احنا في العربي بنقول باب الحديقه صح؟
هما بقي في التركى بيقولوا الحديقه باب
يعنى بيقلبوا الجمله هههههه
يعنى في التركى بقي
المضاف+مضاف اليه
2 + 1
طيب لاحقه المضاف ----------*u*ü*i*ı
ولا حقه المضاف اليه بقي --------un*ün*ın*in
عارفه ان الحياه بدات تغمق قدامك معلش

طيب هنحط اللواحق دى ازاى وعلي اي اساس ؟؟؟
الاجابه سهله اوى بالنسبه للحقه المضاف اليه
a-ı*********ın
e*i**********in
u*o********un
ü*ö********ün

وبالنسبه للاحقه المضاف
a-ı*********ı
e*i**********i
u*o********u
ü*ö********ü
بصوا انا هقولكوا علي طريقتى في التعامل مع المضاف والمضاف ايه (هى ممكن متكنش اكاديميه بس بجد مسهله الامور عليها)
1- عندى جمله مدير المدرسه
في التركى هتكون المدرسه مدير (تمام بالعكس يعنى )
2 - هحط الجمله العربي زى ماهى واحط تحتيها المفردات بالتركى
مدير المدرسه
okul müdür
3- هنحط اللواحق بقي المدرسه هنا مضاف اليه
ومدير مضاف
يعنى هكونokul müdür هنا بل اضافه اي لواحق
okulun müdür هنا حطيت لاحقه المضاف اليه مع اوكول وطبعا وفقا للتوافق
okulun müdürü هنا بقي ضفنا لاحقه المضاف لكمله مودور مدير
يبقي بقت okulun müdürü
بصوا بقي يابنات النهارده انا كنت عايزه اديكم القاعده كلها بس حاسه انه هيكون كتير انتم بقي تحفظواالتقسيمات اللي ادتها ليكم كويس جداااااااااا من فضلكم وانا الاسبوع الجاى هكمل معاكم قاعده الاضافه دى بالتفصيل وامثله والحالات الشاذه وكده لان هيكون كتير اوى عليكم اهم شئ احفظوا لواحق المضاف والمضاف اليه

الضمائر الشخصيه
ben انا
sen انت او انتِ
o هو او هى
bizنحن
siz انتم او انتن
onlar هؤلاء



ايام الاسبوع

cuma günü جمعه
cumartesi سبت
pazar günü احد
pazartesi günüاثنين
salı günüثلاثاء
çarşamba günüاربعاء
per şembe خميس


عبير الروح
عبير الروح
عضو ماسي
عضو ماسي

empty empty empty empty empty
empty empty empty empty empty empty empty empty empty انثى

عدد المساهمات : 29839

نقاط : 109790

تاريخ التسجيل : 09/02/2010

empty empty empty empty

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى