نصائح هامه للبنات وداعا للطفوله

ازيكم يا احلا بنات

موضوعى دا للبنوتات

اللى بيودعوا الطفوله وبيستقبلوا مرحلة البلوغ

اسفه لو كلامى هيكون محرج بعض الشئ او كثيرا من الشئ

ولكنه موضوع مهم جدا

وهيكون على اكتر من جزء

وانقله لكم للفائده

الموضوع وما فيه بيتكلم عن النظافة الشخصيه للزهرة أو للبنت .
وده موضوع ناس كتير ماتعرفش عنه حاجه ،مش كلكم ، بس كتير للأسف .
وناس كتير بتواجهها مشاكل ومش عارفه ازاى تحلها عشان بتتحرج تسأل أى حد ..
والنتيجة اهمال النظافه الداخليه للبنت .

بداية انتى يا زهرتى فى عالم اسمه عالم الكبار .
والعالم ده مهم أوى تتعرفى على نقطة مهم بتحصل ليكى فيه .
وهى ظهور الشعر فى مناطق فى الجسم ، ماكناش متعودين نشوفه فيها ..

طبعا كلكم فاهمينى .

طب نتعامل معاه ازاى ؟
بالتجاهل والإهمال ؟
ولا
بالتخبط والتجارب الفاشلة واللى ممكن تضرنا ؟؟

فقد رواه الإمام أحمد في مسنده و الإمام مسلم في صحيحه و أصحاب السنن :
عن أم المؤمنين عائشة رضى الله عنها أن النبي صلى الله عليه وسلم قال :
( عشر من الفطرة : قص الشارب , و إعفاء اللحية , و السواك , و الإستنشاق , و قص الأظافر , و غسل البراجم ,
و نتف الإبط , و حلق العانة , و انتقاص الماء , و قال مصعب بن شيبة أحد رواة الحديث :
و نسيت العاشرة إلا أن تكون المضمضة )

واللى عاوزاه من الحديث بس نتف الإبط وحلق العانة .
هاتسأل زهرة وتقول :

يعنى ايه نتف الإبط ؟
يعنى إزالة شعر الإبط ..
يعنى شده مش حلقه .

ويعنى ايه حلق العانة ؟
العانة هى الجزء الموجود عند عورة البنت أو الولد وبيكون في شعر كتير
عند البلوغ أو قبله ..

طب ليه لازم نشيل الشعر ده ؟
لأنها أولا سنة عن نبينا ومهم جدا نعملها وفى حديث تانى بيشدد عليها على ما اذكر
وإنها ماتعديش 40 يوم إلا ويكون عاملها .

طب ليه بردة نشيله ؟ ليه الإسلام أمر بكده ؟
أولا : فى دراسات أوضحت إن الأماكن دى هى أماكن تجمع لفطريات وبكتريا .
يعنى من البديهى جدا إن وجود الشعر فيها يكون بيئة صالحه لنمو الفطريات دى وممكن تسبب
امراض جلدية لا قدر الله .

يعنى دينا ماقلش على شيء هباء ..لاء
فيه مصلحه دينيه ودنيويه .

طب ليه قال نتف الإبط وحلق للعانه ، ماقلش نتف العانة مثلا ؟
1-لأن المكان ده حساس ..ورحمة ربنا بينا إنه يتحلق .
2-وكمان فى دراسات اثبتت إن نتف العانه بدلا من حلقها بيسبب
فى ظهور شعر تحت الجلد وندوب وبيسبب ترهل سريع للمنطقه دى .

يعنى علميا بيخلينا نسمع كلام شريعتنا ونطبقها صح .

طب كده أنا فهمتكم واثبت لكم إن كلامى ده صح .

طب على ارض الواقع بأه ..
تستخدمى ايه وماتستخدميش ايه ؟؟
وايه الأنسب وايه اللى مش مناسب ؟

فيه مزيلات كتير للشعر .
للنتف >>>>>>>>

زى ايزي سويت .
ودى عبارة عن حلاوة إزالة الشعر وبتكون جاهزة
وموجودة فى الصيدليه .
ودى بتكون اسهل من اللى بتتعمل فى البيت .
وفى منها بالعسل الإسود ودى مابتسيحش بسرعه .
وعشان تشغليها كوسيلة لنتف شعر الإبط مهم :

منها .
وفى الحاله دي ما تجربيهاش تحت الإبط عشان ماتتطلعش حساسية ليكى .

فى الأول بتكون صعبه ومش مظبوطة بس
بالتدريب هاتعرفى تستخدميها .

1- تاخدى قطعه صغيرة أد (عنبتين كبار )
2- تشديها بصوابع ايدك لحد ما تحسي انها بأت طريه .
3-تجربيها الأول على بطن ايدك عشان ممكن يكون جلك حساس
4- ماتاخديش قطعه كبيرة عشان ماتوجعش أوى .
5-وحاولى مرات كتيرة لحد ما تتقنيها . 6
-ومهم تمشي فى اتجاه الشعر وتنزعيه عكس الإتجاه .
يا رب تكونى فهمتينى .

وفى طبعا ماكينة ازالة الشعر براون سيلكابيل .
ودى مانصحكيش بيها خالص تحت الإبط أو على الوجه .
انتبهى دى بتسبب فى ألم وبيطلع حبوب معاها .
ممكن بس تستخدم لمناطق مش حساسة ومشدودة زى الرجل مثلا .

بالنسبة للحلق بأه >>>

فى ماكينات يدوية خاصة ..
ممكن تستخدميها بحذر وتجربى يمكن تناسبك .
وممكن تدهنى بعدها زيت زيتون أو جيل
ترطيب الحلاقة .
وبتتميز إن ليها شفرات خاصه للمرأه .
ودى صورة منها

صراحه ما جربتهاش بس بيمدحوا فيها على النت .

وطبعا فى سيلكابيل
ودي بردة حلوة ، بس يعنى ممكن مايعجبكيش
إزالتها ..
بتسيب آثار شوية .

وفى الكريمات ..
ودى منها أنواع كتيرة .
ولأنك زهرة صغيرة بحذرك أوى تستخدمى شيء يأثر على جلدك .
جلدك انتى حساس من اى ست كبيرة شوية لأنك لسه فى مرحلة بلوغ وماتعاملتيش
مع اى حاجه من الحاجات دى .

لو استخدمتى الكريمات:
1- اتبعى النصائح الموجودة على العبوة .
2- استخدميه على ايدك الأول وجربى .
3-استخدميه على المنطقه الحساسة .

** وأوعى تطولى فى المدة عشان مايتسببش
فى ندبات وحساسية شديدة .

على فكرة فى منه مستورد وب 50 جنيه تقريبا
وبيمنع نمو الشعر لفترة أطول
ومالوش آثار جانبيه كتيرة .
واحدة قريبتى بتستخدمه بس ماعرفش اسمه صراحه ولا هى
هاحاول اجيب اسمه منها إن شاء الله .
هو بيجي معاه لوفة وبتسهل اوى عملية إزالة الشعر
وبيقعد شهر كامل ما شاء الله .
وبتستخدمه للجسم كله .

طبعا إزالة الشعر دى عالم .
وفى اشياء كتيرة .
بس أنا ركزت على سنن الفطرة .

وخلى بالك من بشرتك واللى يناسب صحبتك ممكن اوى
ماينسبكيش.

نصائح هامه للبنات وداعا للطفوله Up13237665301