اين انتى يانور عينى؟

من طرف **السندريلا** السبت 17 سبتمبر 2011, 2:01 am

عجل الزمان دار
وجاب معاه الإنكسار
أخدتينى معاكى يا أيامى لبعد عمرى وسنينى
ما بقتش شايفى أحلامى غير بس جراحى وأنينى
فين لما كنت فى يوم فرحى ولا كل الدنيا تكفينى
فى لحظة لافى ثانية لقيتنى فى نار بتكوينى
راحت منى أيامى
وفجأة اتبدلت أحلامى
كنت برسم لوحة حلوة مليانة ورد وياسمين
كنت بشوف شمس طالعة ونسايم بتهفهف بحنين
كانت صافية جميلة أيامى
كان سحر تملى قدامى
وفاجأة
عجل الزمان دار
جابلى معاه إنكسار
خد كل عزيز وغالى
خد منى أحلى الليالى
شيلنى هموم وعتاب ولوم
يا سنين عمرى اللى راحت
الغالية خلاص إرتاحت
وأنا خدت مكانها الدور
أه لو تيجى تزورينى
وأحكيلك وتسمعينى
أفول أيه يا غالية وحشتينى
غير إن عجل الزمان دار وجابلى معاه إنكسار
ناس جرحت فيا
ماكنش فى قلوبها حنية
إتسرسبت دخلت شراينى
وجابت من عندى سكاكينى
قطعت نسايل نسايل
ودمى قدام عينى سايل
يا لحظة صمتى وسكوتى
الغوالى راحوا وفاتوكى
للى باقى من أيامى
خلاص راحت أحلامى
وعجل الزمان دار
وجاب معاه الإنكسار

من طرف السنيوريتا السبت 17 سبتمبر 2011, 2:03 am

كتير حلو ما كتبتى حبيبتى

اين انتى يانور عينى؟ 1185254463

من طرف عبير الروح السبت 17 سبتمبر 2011, 2:31 am

يااااااااااااااااااااااه

سطور نازفة قمة في الحزن و الشجن

سلامتك من اي جرح و كسر

والله بجد حاسة بكل حرف كتبتيه

و حاسة بالي جواكي اووووووى

مش لاقية كلام اقوله كلماتك كالسهام اخترقت شغائف قلبي

كنت اتمنى اني اكون معاكي و اطبطب عليك و اسمعك

مع ان الي كتبتيه وصلي كل الى في قلبك