اصنعى منظفات بيتك ووفرى كتيررررررررررر

من طرف **حلم الربيع** السبت 28 مايو 2011, 10:20 pm

الصابون السايل

هانجيب جردل فيبا ب12 ونص ونحط عليه معلقتين كبار ملح ليمون وكوبايه خل وكمان قشر الليمون اوعى ترميه حطيه جوه الجردل وفضى فى ازازه البريل او الفيرى واستخدمى هايخلى المواعين بتبرق وكمان هايتقل ويعيش اكتر

الجلانس (ملمع الزجاج )

بخاخة مية ومعلقتين خل وبسسسسسسسسسسسس المرايات والزجاج والنجف هيبرق (دة حتى جلانس بيجير عالمراية )

البليدج (ملمع الاثاث )

خليط زيت الزيتون (اوحتى زيت عادي )+الخل بدون مية عشان الخشب مايشققش 000 هترجع الموبيليا جديدة
وبالنسبة للمطبخ الخشب عشان الدهون مالقيتش احسن مالجاز بحتة قماشة ناشفة

الديتول

هتستبدليه بالفنيك ()او الكلور اللي مكتوب عليه يقضي على 99%من الجراثيم هيعقم ويبيض كمان
ديتول سايب ب2 جنيه هايديكى كتير

بطة او هاربيك للتواليت

هتنضفيه بالفرشة بخلطة البريل بتاعتنا وبعدين شوية كلور للتطهير سيبهم 10 دقايق وشدي السيفون هيبقى فل طب والتعطير هاتي نفتلين بلية ورشي عليه شوية فانيليا او زيت عطري هوا هيمص الريحة وحطيه في كيس شيفون من بتاع السبوع وعلقيه في الحمام

وشويه فلاش هاتلاقيها رجعت جديده

الفلاش او مية النار

وده لتنضيف السيراميك والخطوط اللي بينه هتكبي كلور بدون تخفيف علارض وسبيه متنقع نص ساعة وبعدين ادعكي بالفرشة او بملح اللمون العجيب وبالفرشة اوالسلك

باور او مستر ماسل مذيب الدهون

ملح اللمون او الخل والمية المغلية عشان دهون الحلل
بخاخة الجاز والسلك او (مية سخنة +كلور +بريل) عشان الدهون اللي عالحيطة
اسفنجة اغمسيها بخلطة البريل السحرية وامسحي بيها الفرن وهوا سخن (بعد ماتعملي كيكة مثلا ) الدهون هتطلع في ثانية

شامبو السجاد والانتريه

ده بقة بخلطة
(جردل مية +كلور الوان +تايد+خل +كربونات )

او شويه خل على صابون سايل على كلور الوان وشويه داونى وميه وبالفرشه على السجاده هاتلاقيها كانها مغسوله
جليد (معطر الجو الاسبراي او الجهاز )

أي زيت عطري مركز ب2.5 لافندر او ياسمين او مسك فرغيه فجهاز ريد بتاع الناموس والريحة هتطلع للجيران (دة ***** هنا اللي قالت عليه واناعملتها رووعة ربنا يباركلها) ولو معندكيش الجهاز اغلي شوية مية فأي كنكة قديمة وضيفي 5نقط زيت عطري وامشي في الشقة الريحة هتلزق
او الداونى السايب مع شويه فانيلا وتسيبى الطبق فى الحمام وفى الاوض

او ريحه المسح تحطى شويه على مايه وفى البخاخه وترشى فى البيت هاتلاقيه ريحته روعه

المسحوق الاتوماتيك

ضيفي على كيس التايد ال4 كيلو (2كيلو مسحوق اريال يدوي )وقلبي كويس اولا وشويه ملح ليمون هيكتر الكمية وهينضف احسن ومششش هيبوظ الغسالة صاحبتي بتحلف بالله ان مامتها بتعمل كدة من 13 سنة والغسالة ماشاء الله لاقوة الا بالله
واللي خايفة تضيف 2كيلو من المسحوق الاتوماتيك السايب الكيلو ب6 جنيه

للحنفيات

فيرى =2معلقه ملح =خل =2 معلقه كربوناتو= معلقه كبيره ملح ليمون

هلتلاقيهم بيبقرقو

لعيون البوتجاز

فى حاجه من ماى واى اسمها اللهلوبه تنقى فيها عيون البوتجاز بتخليه يرجع جديد