يبقى انت اكيد فى صر بعد 25 يناير

من طرف **السندريلا** الأحد 10 أبريل 2011, 10:07 pm

كلنا
يعرف ما كان يقال من قبل عن مصر و كم التعليقات الطريفة التى كانت منتشرة
على كل أغنية وطنية ,إلا أن الأغنية التى نالت أكبر قسط من السخرية ساعتها
كانت "يبقى انت أكيد فى مصر " حيث تم تعديل كلماتها كثيراً بكلمات تصف
الواقع المر الذى كانت تعيشه مصر أيام مبارك .

لكن الواقع تغير تماماً بعد "ثورة 25 يناير " و تحولت مرة أخرى كلمات
الأغنية نفسها إلى محاكاة لكن للواقع الأجمل ,و الذى رغم ذلك لم يخل من
الطرائف :

-لما تلاقى واحد واقف الساعة 7 الصبح بينظم المرور ومش مستنى فى المقابل حاجة

-لما رئيس وزراء دولة يصلى جنبك ع الرصيف

-لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال

-لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت

-لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه

-لما الناس لسة لاقية تاكل فى بلد بتتنهب بقالها 30 سنة

-لما أبوك يسيب أخبار التلفزيون ويجى يقولك شوفلى الناس بتقول إيه على تويتر

-لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد

-لما الجيش يبعتلك مسجات أكتر من خطيبتك

-لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور

-لما أهلك يفتخروا بيك قدام الناس ويقولو ده مش بيقوم من عالفيس بوك

-لما العالم كله يتابع السباق الرئاسى فى مصر كأنه إنتخابات أمريكا

-لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين

من طرف عبير الروح الثلاثاء 12 أبريل 2011, 12:07 am

السندريلا موضوعك جميل جدا و ليه معاني كبيرة

احيك عليه و خصوصا العبارة

-لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين

هزتني جدا و فعلا معبرة و بتتكلم عن كذا حاجة و معاني كتير جواها

تسلم الايادي