ماسك لتفتيح البشرة والتخلص من الخطوط البيضاء

من طرف **قلب الحب** السبت 02 أبريل 2011, 3:36 am

[ندعوك للتسجيل في المنتدى أو التعريف بنفسك لمعاينة هذه الصورة]

ماسك لتفتيح البشرة والتخلص من الخطوط البيضاء

الماسك ده مخصوص للعرايس عشان يحل مشاكل بشرة الجسم والاسمرار اللي بيظهر في بعض المناطق من الجسم، ففيه حاجات معروفة كل العرايس بتلجأ لها زي الحمام المغربي

وطبعا ده من الحاجات المفيدة والجميلة واللي بتجيب نتيجة حلوة أوي، وممكن تستخدمي الليفة المغربي من مرة لمرتين في الأسبوع، ولما بتيجي تستخدميها بتفركي بها جسمك في حركات دائرية، وميزة الليفة دي إنك بتقدري توصلي بها للثنايا الصغيرة في الجلد في الكوع والركب وعند منطقة الأذن.

وطبعا لما بنيجي نعمل ماسك لبشرة الوجه والجسم المفروض إننا ناخد دُش الأول بالليفة سواء المغربي أو المصري، وبعد كده نبدأ نعمل ماسكات تفتيح وترطيب للبشرة.

ودلوقتي هنعمل مع بعض ماسك لتفتيح بشرة الوجه والجسم، وكمان بيعمل على إزالة الغمقان اللي بيسببه تراكم الأتربة والشوائب على البشرة…

الماسك ده مكوناته وحنزلهم بالصور

قطعتين أو ثلاثة من لسان البحر “هتلاقيه عند العطار”

[ندعوك للتسجيل في المنتدى أو التعريف بنفسك لمعاينة هذه الصورة]

ملعقة شوفان

[ندعوك للتسجيل في المنتدى أو التعريف بنفسك لمعاينة هذه الصورة]

ملعقة ترمس مطحون

[ندعوك للتسجيل في المنتدى أو التعريف بنفسك لمعاينة هذه الصورة]

ملعقة عشب اللافندر/ الخزامى

[ندعوك للتسجيل في المنتدى أو التعريف بنفسك لمعاينة هذه الصورة]

– 4 قطع صغيرة من الطمي المغربي

[ندعوك للتسجيل في المنتدى أو التعريف بنفسك لمعاينة هذه الصورة]

ورد مجفف

[ندعوك للتسجيل في المنتدى أو التعريف بنفسك لمعاينة هذه الصورة]

الطريقة:
بنطحن كل المكونات مع بعضها، وبناخد من البودرة دي ونحطها على جسمنا ووشنا وهو مبلول بس نتجنب منطقة العيون، ونسيبه لمدة 3 دقائق، وبعد كده نبدأ نفرك جسمنا بإيدينا مش بالليفة.

ومع استخدام الماسك ده هنحصل على بشرة رايقة صافية ولونها فاتح، وكمان مع المواظبة عليه بيقلل من الخطوط البيضاء اللي بتظهر على البشرة في بعض المناطق.

[ندعوك للتسجيل في المنتدى أو التعريف بنفسك لمعاينة هذه الصورة]