ما تيجى نعيش سوا فى أزمة بلادنا

من طرف **السندريلا** الجمعة 24 سبتمبر 2010, 10:35 pm

الأسعار بقيت مجنونة ما تيجى نعيش سوا فى أزمة بلادنا 94726

و الدنيا مش عطيانا فرصة نعيشها

اللحمة ب 65

والفراخ الكيلو ب 25

ده لو فراخ بيضا اللى هى مليانة منشطات أما لو بلدى الكيلو ب 28 جنية

الفراخ الفيلية علشان البانية طبعا هناك فرق مفيهاش عظم الكيلو ب 50 جنية و العظم للناس الغلبانة الكيلو ب 10 جنية

أهو زى نظام فيد و أستفيد طلع العظم غيرك يعمل عليه شوربة

لو قولنا سمك الشر بره و بعيد يعنى

البورى ب 25 جنية

البلطى ب 15 جنية

الجمبرى و الكابوريا ماسألتش عن سعرهم هاسأل ليه يعنى

المياس و البربون من الأسماك النادرة فطبعا الكيلو ب 50 و طالع

مالوا الجندوفلى ما هو حنين أهوه الكيلو ب 12 جنية و بس

طيب ماشى بلاش لحوم نقضيها بروتين نباتى

البيض ال 15 بيضة ب 20 جنية

والعدس الكيلو ب 16 جنية

الفول المصرى ب 8 جنية بس سيبك فيه الصينى ب 4 جنية

هات الصينيين فهموا لعبة الفول من ساعة فيلم سور الفول العظيم

مش عارفة هنيدى وراهم السكة ليه عندنا

منك لله يا هنيدى

تعملى اية يا بت يا سندريلاااااا يا سلام

خلاص خليها خضار الخضار الخضار الخضار

البدنجان ب 4 جنية اللى أسمه زمان أكل الفقير و الغلبان

الملوخية ب 4 جنية الكيلو و لو متقطفة يا سلام ب 12 جنية الكيلو علشان المانيكير مايبوزظش طبعا و انا بقطف

كوسة ب 7 جنية بس لو عاوز كوسة من المرمية تحت القفص ممكن ب 5 جنية ممكن دودة كده او كدة عديها يعنى الفرق 2 جنية بحالهم

جزر ب 8 جنية

و الفاصوليا ب 12 جنية

الخيار ب 5 جنية بس الخيار اللى شبه الشاكوش ده الكبير ممكن يمشى على 3 جنية الكيلو اللى هى الكيلو خيارتين

بطاطسب 4 جنية دى طبعا مش فارم فريتس ما تتحمرش يادوب ترميها فى الزيت تسود منناحية و هى لسه ناية عاوزها من اللى بتستوى اشترى الكيلو أبو 6 جنية أوقضيها شيبسى بقى

البامية ب 8 جنية بس ممكن تستنىأخر السيزون لما بتنزل مدودة شوية دى بتبقى الكيلو ب 5 جنية بس و أبقى شيلالدودة يا عم الحاج مع انها والله بروتين

طماطم ب5 جنية بس المفعسة شوية ب 4 جنية و ام خرم فيها الخرم ده طبعا الهاوس بتاعحشرات صغيرة جواها دى مكن تلاقيها ب 3 جنية مش مشكلة خد ام خرم و ارمىالخرم و عيش

البصل ب 3 جنية بس مش مشكلة والله بدل هانغسل عينيا بدموع البصل ببلاش اهوه فايدة الطبيخ و الغسيل بالمرة

التوم ب 6 جنية الربع يعنى الكيلو ب 24 جنية و يقولك التوم مفيد للقلب فعلا مفيد يجيبللك ذبحة صدرية من سعره بس

يعنى اعيط ولة اية زعلانة و باعيط

حتى الفاكهة اجيب 2كيلو جوافة ب 10 جنية
ده على اساس الكيلو ب 5 بس ممكن المفعسة شوية او البايته تاخدها ب 3 جنية بس مش مهم حتة ضارب يعنى و لا حامضة

و2كيلوعنب ب 20 جنية ده لو من السبت بص تحت شوية كده ايوة هو ده العنب الفرطاسمه يعنى اللى من غير عنقود بواقى الكارتين ده مكن تشيل اللى عند الراجلب نص التمن يعنى 5 حنية الكيلو و ابقى ارمى المفعس منه و لا اللى ماشىعليه صرصار عادى يعنى

المانجة الحلوة ب 14 جنيةالكيلو اللى ممكن تكون حادقة او فيها دودة ممكن تكون ب 8 الكيلو و بتاعةالعصير و ما ادراك جواها ايه ممكن تاخدها على 5 جنية بس
و ماله هات بتاعة العصير دى و انت بتعصر غمض عينيك و أتخيل أم 14 جنية الجميل دى و عديها
ما تيجى نعيش سوا فى أزمة بلادنا 201477

بلاش عاوزة أشرب شاى بلبن كيلو اللبن المحترم ب 7 جنية و ممكن ب 5 جنية لو عاوزه نصه ماية يعنى علشان يبقى خفيف على المعدة

طيب بلاش نقضيها عيش

ياترى اكل عيش بمسامير و خشب و لا عيش فرنساوى و لا عيش ابيض
ابو مسامير ب 5 قروش بس تضرب فى الطابور ب 50 جنية جروج و إصابات
و الفرنساوى ب 50 قرش بس تحتاج منه و لا 10 علشان تشبع و احتمال تلاقى سوسة كده و لا كده
الأبيض ب 50 قرش و اسمه الرغيف الحر يعنى يوم كبير و منفوخ و يوم صغير قد ساندوتش الفلافل
طيب بالذمة الحل ايه

ما تيجى نعيش سوا فى أزمة بلادنا 279949

اه صح أعجن انا العيش بايدى و اعمله فى البيت
بسانبوبة البوتاجاز بقيت ب 20 جنية علشان هايركبوا الغاز فى المنظقة و طبعاهايخصل ده فى خلال سنتين بس نكون دعنا حوالى 30 أنبوبة بوتاجاز على الاقلب 600 جنية كل ده علشان أعمل عيش هههههه
بلاها عيش طيب أشرب مية
بس المية بيقولوا مليانة بلاوى و بتعمل صديد على الكلى غير ان الصرف الصحى على مياة الشرب واصل لدرجة انهم بقم صحاب

طيب أعمل ايه بالذمة
أدونى الحل يا عباقرة

ما تيجى نعيش سوا فى أزمة بلادنا 230938

الانسان يا أما يعيش فى مهانة يا أما نلاقى حل للأوضاع اللى احنا فيها

لو كل واحد فيكم معاه ميزانية يومية زى أى أسرة متوسطة الحال و كمان فوق المتوسطة من 5 أفراد و متوسط الراتب اليومى للأكل بس 20 جنية

هاتعملوا ايه و لا هاتاكلوا ايه بالظبط

ما تيجى نعيش سوا فى أزمة بلادنا 552648

ياريتأقرأ اقتراحاتكم و لا تصنيف اليوم هايمشى ازاى و ياريت من ال 20 توفرواحابة لأن فيه ناس راتبها كله بالشهر أول عن أخر ما بيتعدى ال 300 جنية ودول كتير جدا

و احلى حاجه تقعد تتفرج على قناة فتافيت طول النهار و انت مطلع لسانك كده و معدتك بتصوصو و يطلعلك الفاصل يقولك
فتافيت الحياة حلوةةةةةة
أحسبوها و ردوا ما تيجى نعيش سوا فى أزمة بلادنا 266169

من طرف ماندو السبت 25 سبتمبر 2010, 12:17 am

عندك حق يا سندريلا

كيلو الطماطم بقاا ب 6 جنيه

بس برده ام الدنيا هنعمل ايه هههههههههه

تسلمى يا جميل

من طرف **شهرزاد** السبت 25 سبتمبر 2010, 11:38 am

ربنا يعين العباد

ده على كده بلدنا ارخص كثير

عندنا الحال اهون كثير والناس مرتاحة عن الحال ده كثير بس تلاقى الشكوى

ما بتخلصش من المعيشةفى الشارع العام

وهى بجدبلدنا ارخص من اى بلد اخر والحمد لله يمكن عشان عددنا قليل

من طرف **القلب الكبير** السبت 25 سبتمبر 2010, 6:13 pm

والله مش عارفين اخرتها اية

ربنا يرحمنا

ما تيجى نعيش سوا فى أزمة بلادنا 479140

من طرف **السندريلا** السبت 25 سبتمبر 2010, 9:23 pm

هنعمل ايه ودنيتنا ولازم نعشها
شكرا لكل الحضور تواجدكم اسعدنا
ماندووووووووووووووو

شهــــر زاد

الــــقـــلب الكبيــــر

ما تيجى نعيش سوا فى أزمة بلادنا 289869

ما تيجى نعيش سوا فى أزمة بلادنا

ما تيجى نعيش سوا فى أزمة بلادنا

رد: ما تيجى نعيش سوا فى أزمة بلادنا

رد: ما تيجى نعيش سوا فى أزمة بلادنا

رد: ما تيجى نعيش سوا فى أزمة بلادنا

رد: ما تيجى نعيش سوا فى أزمة بلادنا