أفتديكى للشاعر جمال مرسى

من طرف **شهرزاد** الثلاثاء 18 مايو 2010, 4:14 pm

يا اللى جوه نن عينى وقلبى ساكن
روحى ملكك وامتلك كل الاماكن
فوق شفايفى غنوة حلوة فوق لسانى
قلتها من كل وجدانى ولكن؟
يا حبيبتى جارت العزال عليا
يحسدونى ان حبك احلى ما فى الكون وفيا
وان حبك زى شمس الصبح تسطع جوه قلبى
وان ريقك يا حبيبتى نبع ميه
يوم هنايا يا رضا ساعة ما اشوفك
يرتعش حرفى ويرقص بين حروفك
والقى ايدى دايبة دوب فى حضن ايدك
والقى خوفى كله داب فى بحر خوفك
اضحكى لى خلى كل الدنيا ملكى
سمعى العزال صدى ضحكك وضحكى
وان غفت راسى على صدرك سيبيها
عينى تنعس والشفايف عايزة تحكى
يا رضا كل الكلام الحلو ليكى
كل نبضة قلب بترفرف عليكى
وان لامونى مهما لامو او لاموكى
اوعى يوم تنسى اللى بيننا ...افتديكى
مع تحياتى
الامضاء صديقتكم/ شهرزاد.

من طرف **ابومحمد** الثلاثاء 18 مايو 2010, 10:52 pm

شهرزاد تسلم الايادي

من طرف **شهرزاد** الثلاثاء 18 مايو 2010, 11:19 pm

اشكرك اخى /ابو محمد لمرورك الكريم
ولك منى تحية تقدير واحترام لكلماتك الطيبة
الامضاء /شهرزاد

من طرف عبير الروح السبت 22 مايو 2010, 1:40 pm

شكرا لهذه الالتفاته
انتضر منك المزيد شهرزاد
تسلم ايدك

أفتديكى للشاعر جمال مرسى 23177rjon6j0n89

من طرف **شهرزاد** الإثنين 24 مايو 2010, 4:07 pm

كلماتك تزين صفحتى وتنورها اخت عواطف
اشكرك لتواصلك
الامضاء.....شهرزاد

من طرف **م./ محمد عبده** الإثنين 24 مايو 2010, 7:09 pm

الأخت الفاضلة /شهر زاد

تحياتى القلبية لك ولكلماتك المنقولة عن الشاعر

جمال مرسى فهى بصدق رقيقة فى معانيها

واسلوب كتابتها وتعبر عن ملكات وقدرات هائلة

لا يمتلكها ولا يشعر بها أحدا إلا كل عاشق مرهف

اشكر لك مجهوداتك المبذولة فى خدمة منتدانا الغالى

وتقبلى منى كل تقدير واحترام

مع تحيات :

شهر يار