كلمات ألبوم أهل العرب والطرب ... الكينج محمد منير

[ندعوك للتسجيل في المنتدى أو التعريف بنفسك لمعاينة هذه الصورة]
عــيون

عيون عيون عيون
كل العالم عيون
نروح فين يا حبيبتي
من زحمة العيون

ورا البيبان عيون
كل الميدان عيون
للعربيات عيون
للبترينات عيون
ونروح فين يا حبيبتي
من زحمة العيون

عيون فيها السنين
راسمه الضل الحزين
وعيون مجرحين
وعيون ملهاش عينين
ونروح فين يا حبيبتي
من زحمة العيون

دوامات الجنون
عيون علي كل لون
بس إحنا مين نكون
وحلمنا الحنون
نروح فين يا حبيبتي
من زحمة العيون

عيون عيون عيون
كل العالم عيون
نروح فين يا حبيبتي
من زحمة العيون
[ندعوك للتسجيل في المنتدى أو التعريف بنفسك لمعاينة هذه الصورة]

يا رمان

رمان خلاص انفرط
حبك ولا همني
أنت اتماديت في الغلط
ولا قلتليش لمني
ذنبك بقي علي جنبك
روح لا تجيني ... لا تضمني

اوعي بلاش تجري
يا رمان
ولا تيجي علي حجري
يا رمان

متدحرجش ولا تجري
ولا تصدقش يا رمان
ولا تيجي علي حجري
لا تشرب قسوة الحرمان

اوعي بلاش تجري
يا رمان
ولا تيجي علي حجري
يا رمان

عشقت من غير سبب
عرفتني منفعه
علمت قلبي الأدب
سنتين تلاته أربعه

عدّي الزمان وخلاص أهو بان
مين حب ... مين ادعي

اوعي بلاش تجري
يا رمان
ولا تيجي علي حجري
يا رمان

متدحرجش ولا تجري
ولا تصدقش يا رمان
ولا تيجي علي حجري
لا تشرب قسوة الحرمان

اوعي بلاش تجري
يا رمان
ولا تيجي علي حجري
يا رمان

أهل العرب والطرب

جـدع بـلا جـاه ... مرسي الهمـوم قـلبه
دايمـاً يقـول الآاااه ... والذنـب مش ذنـبه
ده أنا لو شكــيت وبكـيت ... جبـل الحـديد هيـدوب
الأولـه غربتي ... والتانيه المكتــوب
جرحي القـديم يا طبيب أنا كنت راضي به
جرحي الجديد يا حكيم ... زود لهاليبه

يا أهـل العـرب والطـرب ... العــدل مين سيــده ؟!!
سيــده ويا للعجــب ... وطـي وبـاس ايــده

بلــدي قصــاد عيني ... قلت أعـدي لهـا
يا مركـبي رسيـني ... ويارب عـدلها
اللي يعـاديك تعـاديه وتفـرجه فنــونك
واللي يراضيـك تراضيه وتشيله في عيــونك

وأنا هعمـل إيه يا ناس والطبع غلاب
وحـبيبتي بنت الناس قفلت في وشي الباب

رضيـت بحكمتك يــارب والصبـر بزيـاده
ظلمـوني من غيـر ذنـب ... حســدوني بزيـاده

قلبي ميشبهنيش

قلبي مبيشبهنيش
فعلاً ميشبهنيش
أوقات بيعرفني
وساعات ميعرفنيش

قلبي مبيشبهنيش
فعلاً ميشبهنيش
وأقوله يا قلبي
مالك ؟!! ... يقولي مفيش
قلبي ميشبهنيش

في الحب والإحساس
وفي اختيار الناس
بيمشي علي كيفه
وميقوليش

أصدق كتير مني
واجرأ كتير مني
وياما صدقه ياما
ياما كتير مصدقنيش

في الحب والإحساس
وفي اختيار الناس
بيمشي علي كيفه
وميقوليش

أصدق كتير مني
واجرأ كتير مني
وياما صدقه ياما
ياما كتير مصدقنيش

قلبي مبيشبهنيش
فعلا ميشبهنيش

حارة السقايين

مفيناش حاوريني يا كيكا
مفيناش لف ودوران
مبقاش فيه لف يا روحي
للشكوي والهجره

ليك ماضي وكله سوابق
في الحب ملكش أمان
وأنا عاوزه حب حنين
مش حب يودي لومان

أنا عمري ما أحب الخاين
ولا أحب الكدابين
متروحش تبيع الميه
في حارة السقايين

علي مين .. علي مين .. علي مين
علي مين يا سيد العارفين
علي مين .. علي مين .. علي مين
بتبيع الحب لمين ؟؟
إن كنت جاي تغني
روح اسال قبله أنا مين
متروحش تبيع الميه
في حارة السقايين

ياما لك في الحب ضحايا
يحكوا عنك حكايات
بيقولوا إنك بتألف
في الليله 7 غنوات
والغنوه الواحده في الليله
تلحنها 7 مرات
وتروح تاني يوم وتقولها
بدموع وحنين وآهات

إن كنت جاي تغني
روح اسال قبله انا مين
متروحش تبيع الميه
في حارة السقايين

علي مين .. علي مين .. علي مين
علي مين يا سيد العارفين
علي مين .. علي مين .. علي مين
بتبيع الحب لمين ؟؟
إن كنت جاي تغني
روح اسال قبله أنا مين
متروحش تبيع الميه
في حارة السقايين

البُعد نار

يا حبيبتى البعد نار
قلبى داب من الانتظار
الشمس تطلع كل يوم
وانتى غايبه ليل نهار

انتى فين و الحب فين
قلبى دايب من سنين
لسه بيدور عليكى
نفسى اشوفك ثانيتين

انتى مش زى الجميع
بسمتك لون الربيع
ضحكتك تجرى فى دمى
تبعدى انا مش هضيع

نبض قلبى يونسك
من النسيم انا هحرسك
وانتى غايبه عن عينيا
كل ثانية بلمسك

روحى طايرة فى دنيتك
عمرى كله فى سكتك
لسه بحلم يا حبيبتى
تونسينى بنظرتك

انتى مش زى الجميع
بسمتك لون الربيع
ضحكتك تجرى فى دمى
تبعدى انا مش هضيع

نبض قلبى يونسك
من النسيم انا هحرسك
وانتى غايبة عن عينيا
كل ثانية أنا بلمسك
يا أبو الطاقيه شبيكه

يا أبو الطاقيه شبيكه
يا مين عملهالك

عملهالي قاضي الغرام
يا عمده يا ... يا عقبالك

ليه يا حبايب تبيعوني رخيص
وأنا الغالي ؟!!
كتر المحبه انقطع
مين يوصله ؟!!
يوصله تاني

ليه يا حبايب تبيعوني رخيص
وأنا الغالي
من قلة الخال والقريب
جبت الغريب
قريب خالي ...

قصر المحبه اختفي
مع إنه كان
بسور عالي
وبعض طول الجفا
يبقي البعيد
حبيب خالي
في عينيكي غربه

فى عنيكى غربة و غرابة
و انا فيكى مغرم صبابة

أحلم على شالك انام
كأني فرد من الحمام
برموش عينيك تغطيني
رمشك شطوط طب رسيني
انتي انا و بكرة ليا و ليكي

شعرك خيوط قمر المسا
طب ليه فى ليلك بتنسى
اتكلمى ولا نادينى
صمتك كلام بيدفينى
انتي انا و بكرة ليا و ليكي

أمتى أتقابلنا وليه وفين
لحظة قدر ولا حنين
ولا ألتقينا من زمان
مولودة جوايا من زمان
انتي انا و بكرة ليا و ليكي

ليالي

لا يا ليالي لا
لا لا لا لا
لا تفرقينا
ولا من قمرنا لا
من سهرنا لا
ولا تسرقينا

هي رحله وروحنا فيها
هي رحله وياما فيها
سكه ماشيه وعمر ماشي
لسه أجمل يوم مجاشي

لا يا ليالي لا
لا لا لا لا
لا تفرقينا

في الليالي البرد
قربينا لبعض
ايد تطبطب
ايد تداوي
صوت يونس بالحكاوي
لملمينا من الدروب
واسرقينا من الغروب

لا يا ليالي لا
لا لا لا لا
لا تفرقينا

لسه بكره وبعده
ألف سؤال ورد
لسه ألف طريق وسكه
لسه ألف وألف ضحكه
لسه قمر السهره صاحي
من براح النور براحي

لا يا ليالي لا
لا لا لا لا
لا تفرقينا
ولا من قمرنا لا
من سهرنا لا
ولا تسرقينا

عرب بلادي

هيلا هيه يا عرب بلادي
قلبي يا ولاد العرب بينادي
ربي حريتي يا بلادي
ربي يخليكي يا بلادي
هيلا هيه يا عرب بلادي
قلبي يا ولاد العرب بينا

ايه غير الوطن نهوى
ايه زي الوطن نلقى
ايه غير الوطن نفدي
ايه والموت للي يعاديه

هيلا هيه يا عرب بلادي
قلبي يا عرب بينادي
ربي حريتي يا بلادي
ربي يخليكي يا بلادي

هيه شوف اللي تتمناه
هيه ممكن بنستناه
هيه يا حلم بات مسموح
هيه يمنع خيالنا يروح

افتحوا يا حمام السلام

افتحوا يا حمام كراريس الرسم
دي حمامه شهيده بتتقدم
بتصلي وبتفتتح المرسم

ترسم عصفور
بيعدي عصور
يحلم بمدينه من البلور

نرسم مراجيح
ما تهاب الريح
ملعب أطفال
بسلالم عال

والعالم عاقل مش مجنون
ولا يمكن طلقه هترسم كون
ولا تقدر تخلق خط ولون
ولا تمنع شمس تضم غصون

افتحوا يا حمام كرراريس الرسم
دي حمامه شهيده بتتقدم
بتصلي وبتفتتح المرسم

نرسم سرب حمام بيطوف
بيدق بمناقيره في دفوف
ويصحي ضمير البشريه

ازاي هيكون انسان بصحيح
من غير ما يقول الرأي صريح
من غير ما يغني بحريه

أمجاد يا عرب

أمجاد يا عرب أمجاد
في بلادنا كرام أسياد
أمجاد يا عرب أمجاد

ييجي زمان ويروح زمان
ولكل زمان حكايه
ولكل حكايه لسان
ولكل لسان طريقه
يقول بيها الحقيقه
وإحنا حكايتنا واحد
حكاية الإنسان

إيه هي الحكايه ؟
إيه هي الحقيقه ؟

مارد وفارد في الجبل طوله
ما حد داق دوقته
ولا حد قال قوله

مين هو ؟؟

اسم الولد أحمد
والأب اسمه شبيب
حبيبته علي قده
من قلبها توده

مين هي ؟؟
اسم البنيه زينه
القسمه والنصيب
هما الاتنين سوا
الضحكه للشفايف
الشفه للموال
والزانه للخيال

أصل الولد شاعر
جواه عذاب واعر
مشواره من الآخر
مشواره للآخر
مر وقاسي وصعيب
يا حمام

سمع بكايا الحجر
نهنه وقال مالك ؟؟
فتفت قلبي وأنا ببكي علي حالك

فيه حاجه غاليه عليك يا شاب ضايعالك ؟؟
أنا قلت ضاع الأمل مني ومش آامل
بحلم أعدي الزمن في نطه مش طايل

يا حمام بتنوح ليه
فرجت عليا الحبايب
يا حمام ضاع منك إيه
دوبتني كده فوق مانا دايب
ده العمر وأحلي ما فيه
كان حلم وضاع من يدي

يا حمام بتنوح ليه
فرجت عليا الحبايب
يا حمام ضاع منك إيه
دوبتني كده فوق مانا دايب
والحلم أنادي عليه
لا بيسمع ، ولا بيهدي

عيب أقول علي نفسي احترت
أو أقول وليف روحي هجرني
من بين عيون الناس اخترت
جوز العيون اللي قتلني

مانا يا حمام زيك نايح
والحزن ده له لون وروايح
سهم الهوي دايماً صايب

يا حمام بتنوح ليه
فرجت عليا الحبايب
يا حمام ضاع منك إيه
دوبتني كده فوق مانا دايب
ده العمر وأحلي ما فيه
كان حلم وضاع من يدي

يا حمام بتنوح ليه
فرجت عليا الحبايب
يا حمام ضاع منك إيه
دوبتني كده فوق مانا دايب
والحلم أنادي عليه
لا بيسمع ، ولا بيهدي

[ندعوك للتسجيل في المنتدى أو التعريف بنفسك لمعاينة هذه الصورة]