الفصول الاربعه قصيدة لفزاع‏

من طرف **قلب الحب** الخميس 05 أبريل 2012, 11:07 pm

قصيــدهـ اعجبتني لشــآعـر سمـو الشيــخ :حمدآن بن رآشد آل مكتـًوم / فزآآع

أنساك كلمه مالها أيّة وجود بمرجعي

والقلب لامنّه نوى غيرك حبيبي بـ امنعه

تنتابني ذكراك ما بين الوعي واللا وعي

ما كنّك الاّ بحر حلمي والمشاعر الأشرعه

من وين تطلع كنّك إلاّ تقول يا شمس اطلعي

يتنفّس الفجر بنفس حسنك ويشرق مطلعه

مع إن فرعك لو رميت الشمس به عيّت تعي

إن الدجا يسري لها من دون ما تتوقّعه

إن الدجا يكنز عبيره لـ النسيم المطلعي

كلّه على شان النسيم المطلعي يلعب معه

يمتد ليلي واشعلك شمعة غلا بين اضلعي

ويمر بي طيفك ويتناثر بـ صدري واجمعه

تحتاج تتعبني وأنا أحتاج لك وأنته معي

بعض المشاعر تتعب المشتاق لكن ممتعه

موقعك من قلبي تدلّه بس حدّد موقعي !!

وبعدين خذ قلبي وفي دنيا غرامك ضيّعه

وإن طاب لك شوقي وطاب لـ صوت همسك مسمعي

القلب لك والشوق في عروقي بكيفك وزّعه

القلب ملكك والفصول الأربعة من مطمعي

دام التقت في مبسمك كل الفصول الأربعه...

تحياتي ..

الفصول الاربعه قصيدة لفزاع‏ 1333659844581