طريقتى فى تفريز الفراخ واستغلالها لاكثر من وصفة من مطبخى
+2
عبير الروح
حلم الربيع
6 مشترك
شهد القلوب :: شهد الاسرة :: المأكولات
صفحة 1 من اصل 1
طريقتى فى تفريز الفراخ واستغلالها لاكثر من وصفة من مطبخى
ازيكم يا بنوتات جبتلكم انهارده طريقتى الخاصة فى تفريز الفراخ وازاى بستغلها
بسم الله نبدأ
انا بطلع من الفرخة الاوراك للسليق او الشوى او صينية زى ما تحبى والصدور بتطلع منها البانيه والكفته وكمان بستغل الكبد والقوانص
ودول ليهم استخدامات كتير زى ممكن نحشى بيهم المكرونة البشاميل او الكريب او حتى فى بصل وزى ماتحبى
وكمان الاجنحة وباقى الصدور ممكن اسلقهم واعمل عليهم شربة او استغلهم فى صينية بطاطس
وفيما يلى طريقة الفصل والتفريز
أولا انا جبت 5 فرخات وانا صورت اثنين بس منهم للتوضيح لحسن تطمعوا فى الباقى
بعد كده دى فرخة كنموذج للى هنعمله
بقطع الاوراك لوحدهم عشان افرزهم للسليق زى ما قولت او الشوى او اى حاجة زى ما انتى عايزة
كده فصلت الاوراك عن الصدور نيجى بقى للصدور بخليها عشان اتطلع منها البانيه
اول حاجة بشيل الجلد كده
وبعدين ابتدى اخلى اللحم من العضم بالطريقة دى
واطلعهم كده
وده الشكل العام بعد ما فصلت الاوراك لوحدها والصدور المخلية
لوحدها وهيكل الصدور لوحدها والكبد والقوانص
وبرده الاجنحة كلا على حده
اول حاجة بعد الفصل ابتدى افرز الاوراك فى اكياس الثلاجة
وهنا بعد ما حفظتهم فى الاكياس طلعوا كيسين لوجبتين كل واجبة 5 اوراك
وهنا بكيس الهياكل
ودى الكبد والقوانص قطعتهم قطع صغيرة
ودى الاجنحة
وهنا بعد ما كيست الاوراك فى كيسين والهياكل فى كيس والكبد والقوانص فى كيس
والاجنحة فى كيس كلا على حده وتركت الصدور المخلية عشان اجهزها للبانيه والكفتة
هنا بقى بقطع الصدور المخلية شرائح بانيه والبواقى اللى بتطلع من التقطيع بطلعها للكفتة
ودى البواقى اللى طلعت اللى هاعملها كفتة
هنا بفرمها فى الكبة
هنا بعد ما فرمت الكفتة
وكده البانيه لوحده والكفتة لوحدها
وهنا تبلت البانيه والكفتة والتتبيلة عبارة عن :
ملح -فلفل - بهار لحمة - كارى -بصل مبشور
وزودت على الكفتة مع المقادير السابقة بقدونس
وبعدين باتركهم فترة فى التتبيلة من ساعتين لثلاثة ساعات كده
صبعت الكفتة وحضرت بيض ودقيق درة وبقسماط وبعدين بحط الكفتة فى البيض ثم
دقيق الدرة ثم البقسماط
كده بعد ما الكمية خلصت بدأت ارصها فى طبق فل
رصيت طبقتين وفصلت بينهم بكيس بلاستيك عشان ما يلزقوش فى بعض
لما اجى اطلعهم للقلية
وبعد كده كيستهم
نيجى بقى للبانيه نفس الطريقة مثل الكفتة
وفى الاخر كيستهم برده وكل حاجة بعد كده على الفريزر
انا كده خلصت واتمنى اكون افدتكم
انا عاملة الموضوع ده عشان دعوة حلوة منكم يا ريت تدعولى
ربنا يشفينى ويشفى زوجى ويفرحنى بأولادى دا كلام صحبت الموضوع
حلم الربيع- VIP
-
عدد المساهمات : 6657
نقاط : 38759
تاريخ التسجيل : 15/09/2010
رد: طريقتى فى تفريز الفراخ واستغلالها لاكثر من وصفة من مطبخى
امين يارب العالمين
بجد موضوع رائع يا غالية
و مفيد جدا يا لوما
جزاك الله خيرا و بارك الله في صاحبة الموضوع الاصلي
شكرا يا لوما على النفل القيم
بجد موضوع رائع يا غالية
و مفيد جدا يا لوما
جزاك الله خيرا و بارك الله في صاحبة الموضوع الاصلي
شكرا يا لوما على النفل القيم
عبير الروح- عضو ماسي
-
عدد المساهمات : 29839
نقاط : 114704
تاريخ التسجيل : 09/02/2010
رد: طريقتى فى تفريز الفراخ واستغلالها لاكثر من وصفة من مطبخى
امييييييييييييين يارب
مجهود اكثر من رائع يا لوما
وجزاها الله خيرا صاحبة الموضوع
قلب الحب- VIP
-
عدد المساهمات : 31739
نقاط : 137344
تاريخ التسجيل : 24/03/2011
الموقع : قلب حبيبي
اغلى الغوالي- مستشاريين المنتدى
-
عدد المساهمات : 2347
نقاط : 20774
تاريخ التسجيل : 28/03/2011
الموقع : شهد القلوب
رد: طريقتى فى تفريز الفراخ واستغلالها لاكثر من وصفة من مطبخى
ابدعتى يالوما
موضوع اكثر من رائع ومفيد جدا
شهرزاد- VIP
-
عدد المساهمات : 4748
نقاط : 36188
تاريخ التسجيل : 19/04/2010
رد: طريقتى فى تفريز الفراخ واستغلالها لاكثر من وصفة من مطبخى
بارك الله فيك و فيها
نسيم الحب- عضو ماسي
-
عدد المساهمات : 3878
نقاط : 26732
تاريخ التسجيل : 21/06/2010
شهد القلوب :: شهد الاسرة :: المأكولات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى