حان الـوداع ولـوح الوقـت بفـراق

من طرف **قلب الحب** الأحد 06 يناير 2013, 10:15 pm

حان الـوداع ولـوح الوقـت بفـراق
.يكتب على التاريـخ صفحـة وداعـه
مات الامل ما باقـيٍ غيـر الاشـواق
ذكرى المولـع بـس باقـي متاعـه
ليته بقى فـي سكـرة الحلـم مافـاق
ولا شاهـد المركـب تقطـع شراعـه
ووانس حرارت ونته جـوف الاعمـاق
من عقب ماضاعت عليـه البضاعـه
دمعة حزن عينه على الخـد تنسـاق
مثل الطفل صابـه علـى الإم راعـه
ياقلبي الصامت بـك الشـوق حـراق
ثقيـل وادري كـل ثقلـك صنـاعـه
والا الحقيقـه اعرفـك دوم خـفـاق
يـم التـي تسـوى جميـع الجماعـه
ضاق الفضاء والارض والفكر بي ضاق
نور الامـل والحـب طافـي شعاعـه
يازين ياللـي صـرت للقلـب سـراق
على فراقـك مـا قـدرت استطاعـه
منزلك في روحـي وقلبـي والاحـداق
منزل علـى غيـرك بعيـد ارتفاعـه
ما احداً ترى غيرك من الحب لـي لاق
انت الوحيد اللـي لـه القلـب طاعـه
ذقتك وصرت الذوق مـن كـل الاذواق
ذوقـي ولا غيـرك لقلبـي طماعـه
بس الزمن ياصاحبي صار لـي عـاق
كنـه موصـى بينـنـا بالقطـاعـه
هدم عماير حـب ثـم فـرغ اسـواق
وشمل المحبـه مـا يريـد اجتماعـه
ادعي لـك الرحمـن يازيـن باوفـاق
يكتب لك التوفيـق فـي كـل ساعـه
ويستر عليـك ويرزقـك خيـر رزاق
وانـا علـى فرقـاك مابـي مناعـه

ممــــــا راق لي