كل ما تبعد بحبك

من طرف **احلى فراشة** السبت 23 يونيو 2012, 2:25 am

انت ليه بتبعد واحبك.. يمكن اكتر من وجودك..
وابقى مطمن بقربك..وابقى متغمى بوعودك..
ظنى كل الفرح جنبك..وانتهى لو سيبت ايدك..
دنيتى من جوه قلبك..وابقى طير من حس صوتك..
روحى عايشه عشان احبك..نبض قلبى من وريدك..
بس اول حد ندهك..سيبتنى.. وسحبت ايدك..

كنت نفسى ف اى حاجه..اى حاجه.. غير سكوتك..
قلبى صان معملش حاجه..نفسه يسمع بس صوتك..
كنت فاكر يوم فراقنا.. يكون بموتى ..او بموتك..
لسه ف الدنيا وفارقنا ..فين غرامك..فين عهودك..
فين كلامك عن طريقنا..اللى زوقته بوعودك..
والخيال اللى اتسابقنا..تحكهولى.. واحكيهولك..
لسه ودنى فيها همسك..نفسى اقدر ارجعولك..
وف صوابعى وايدى لمسك..لما حضنى سيبتهولك..
بس اول حد ندهك..سيبتنى وسحبت ايدك..
كل مابتبعد بحبك.. يمكن اكتر من وجودك..

سيل دموع بيغطى عينى..بحر م الاحزان مالينى..
مين بهمى يشترينى..
حب عمرى خلاص نسينى..
شق قلبى بالفراق..
انكويت بالاشتياق..
هد عمرى بالقلق..
سابنى ابكى واتفلق..
كنت جنبك مش بخاف..قلبى مرتاح مهما شاف..
ليه تسيبنى للظنون تصبح الاف..
انت اول حد ندهك..سيبتنى وسحبت ايدك..
كل شىء ف الكون دا حبك..بس بختى اكون شهيدك..
كل مابتبعد بحبك..يمكن اكتر من وجودك.