* الحجاب مع أختكم جيجى *

من طرف preity_zinta1 الأربعاء 06 أبريل 2011, 3:35 pm

بسم الله الرحمن الرحيم
وصلي علي حبيبك وحبيبي
واللي حيقف معانا يوم القيامة ويستغفر لنا ربنا
عليه افضل الصلاة وازكي التسليم

هدفنا بسيط اوي
ان ليه انتي مش عايزه تتحجبي

قبل ما تجاوبي اقري الايه دي لو سمحتي
بسم الله الرحمن الرحيم:

( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ )
( سورة النور اية 31

وليضربن بخمرهن علي جيوبهن
يعني تلبسي طرحة تغطي جيبك
الجيب المنطقة اللي بين الثدي و الصدر

يعني يا اختي يا حبيبتي
ده النور اللي بعتهولك ربنا من سورة النور
أيه واحدة تنورلك حياتك كلها

سيبك بقه من الدين ونتكلم كلام بنات
البنت مننا مش عاوزه تلبس الحجاب عشان تروح للكوافير وتظبط نفسها
وتلبس اللي هي عايزاه في اي وقت
عشان من الاخر تبقي روشة اخر حاجه والولاد يقولوا عليها بنت جامده جدا

طب ده كلام ولد قالهولي بالحرف الواحد
(يا بنتي البنت اللي مش محجبة من دول الواد مننا يشوفها يقول دي عايزه تصاحب
اقعد معاها يومين و اقضيهم معاها اخر فل
ونخرج ونتفسح
لحد ما ازهق و اشوفلي غيرها) تخيلي!!!!!!!!!

سألتو انت ممكن تتجوز واحدة مش محجبة و بتلبس ضيق وكده
قاللي
(واحدة مستعملة ومصاحبة قبلي مليون واحد اصاحبها ليه؟؟؟؟
دي اساسا مش مقتنعه انها حلوة
فبتقول اتحجب ليه,,, عشان اوري الناس اني مش حلوة
واحدة مش واثقة من نفسها
فاكرة ان حلاوتها بكل مكان تبينه من جسمها
ايه اللي يخليني اتجوز واحدة من دول كلنا عارفين تفاصيل جسمها) ردي بقه

اعتقد كفاية كلام من الشخص ده لأنه قال كلام جارح
بس هوه صح !!!!!!

انتي كل الناس عارفه تفاصيل جسمك
لون شعرك
ده حتي انك مش محجبة عشان محدش يقولك شكلك وحش

عارفه؟؟؟؟؟
انا واحده صاحبتي كانت مش محجبة
وفي يوم ربنا كتبلها انها تتحجب
والله اول يوم ليها اول ما شفناها
وشها كان منور
والله كان منور اوي
عارفة ليه اصلها تابت فاتحجبت فربنا غفر لها
فابيض وشها تاني
زي اللي بيتوضأ ويصلي صلاة من قلبو لله ويخشع اوي
وشه بينور

عارفه حاجه يا حبيبتي
بصي لواحدة صاحبتك مش محجبة او حتي محجبة ولبسها ضيق
بصي للشخص اللي هي مصاحباه
رأيك ايه فيه؟
شاب جامد صح

بصي بقه لما اتجوزت
اتجوزت صاحبها القديم؟
طب بصي جوزها ,,,, بصي اخلاقه,,,, بصي دينه
قارنيها بواحده لبسها محترم شيك ومحجبة
شوفيها جوزها وقارنيه بالتاني
بذمتك ايه رأيك؟

من قبل ما تردي ,,, اقري كلام ربنا

قال الله تعالى : { الخبيثات للخبيثين والخبيثون للخبيثات والطيبات للطيبين والطيبون للطيبات ... } سورة النور، آية (26)

انتي من مين فيهم ؟
تحبي ايه؟

بصي بقه شوية الاحاديث دي

يقول صلى الله عليه وسلم : "" نساء كاسيات عاريات ، مائلات مميلات لا يدخلن الجنة ، ولا يجدن ريحها ، وريحها يوجد من مسيرة خمسمائة سنة ""

فعلا يلهوي تحبي متدخليش الجنة ؟

عن ابن عباس قال: "لعن النبي صلى الله عليه وسلم المخنثين من الرجال والمترجلات من النساء

يعني بلاش تقصي شعرك جارسون ولا تعملي زي
demi moore

قال الله سبحانه وتعالي
قل يا عبادي الذين أسرفوا على أنفسهم لا تقنطوا من رحمة الله, إن الله يغفر الذنوب جميعاً إنه هو الغفور الرحيم))
سورة الزمر الآيه 53

قال تعالى : ( مثل الجنة التي وعد المتقون فيها أنهار من ماء غير آسن وأنهار من لبن لم يتغير طعمه وأنهار من خمر لذة للشاربين وأنهار من عسل مصفى ولهم فيها من كل الثمرات ومغفرة من ربهم كمن هو خالد في النار وسقوا ماء حميما فقطع أمعاءهم

اختاري
انتي يا اختي يا حبيبتي اللي تختاري
^_^

وخدي بقه ال
tip of the day

قال سبحانه: وَلَكِنْ لا تُوَاعِدُوهُنَّ سِرًّا إِلَّا أَنْ تَقُولُوا قَوْلًا مَعْرُوفًا [البقرة:235

في الاخر حتي لو ماقتنعتيش بكلامي ارجوكي
ارجوكي استغفري ربنا وخلاص

لو عايزه اي حاجه تتحقق استغفري ربنا

قال الله تعالى: {فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا} نوح/10

يا رب يهديني و يهديكي ويهدي المسلمين اجمعين
وعلي فكرة اني احبك في الله
مع تحياتى