دائما قلب واحد

من طرف نسيم الحب الأحد 05 فبراير 2012, 12:40 am

بسم الله الرحمن الرحيم

بصراحة مش عارفة ابتدي الموضوع منين او من اي جهة
كلنا شوفنا و عشنا احداث المجزرة يوم مباراة الاهلي و المصري في بورسعيد
الكل شاف و الكل استنكر و الكل قلبه اتقطع على اخوانه
و دة طبيعي لاننا مسلمين احوة
الموضوع دة كتبتوا عشان نوقف مع اخواتنا الي في بورسعيد
ال بجد حاسين انهم بقوا مكروهين
و ال اتعرضوا الي ضغط رهيب من اصحابهم
عايزة يكون المنتدى هنا مكان ننصفهم فيه نقولهم انهم اخوانا و ان مافي شيء اتغير
و ان مالهمش دعوة بالتعصب دة و العالم بأسره عارف مين وراء الموضوع دة كله
اسفة اني ماعرفت انسق الموضوع بس بجد كلمة كانت في قلبي حابيت تشاركوني فيها

من طرف عبير الروح الأحد 05 فبراير 2012, 1:04 am

اولا شكرا يا سلسبيل على المبادرة هذه

ثانيا هقول رأيي و كلمة بجد من قلبي

مافيش حاجة اسمها بورسعيدي و اسكندراني و ... في شيء واحد يجمع كل دا

اسمه مصري يعني مصر مش محتاجة فرقة و تفرقة و عنصرية و فتن

و لما نقول بورسعيدي يعني مصري يعني عربي شقيق اخ ليا و ليك و لكل عربي حر

و بالنسبالي الي جرى كان ممكن يطبق في اي مدينة ثانية مصرية و هيحصل نفس المشكل

و نفس الاستنكار و نفس ظلم و الي اتقال على اهالي مدينة بورسعيد

اه انا مش في مصر و مش بعايش الاحداث من الاراضي المصرية بس

ليا قلب بجد اتوجع لوجع اخواتي الي هناك لكل دمعة ام شهيد لكل صرخة اب شهيد

لكل مفقود لكل مصاب و لكل واحد اتظلم و اداس عليه

و و الله العظيم كنت بفكر بيني و بين نفسي على شعور كل واحد من مدينة بورسعيد لما يشار عليه

انه مذنب او مكروه و الفاظ يعجز الوصف

احساس مؤلم جدا جدا جدا

و دا الي هما عيزينه الفتن و الفوضى فلما المصري يكره اخوه هيبقى سهل يتهزم

و من هنا بقول لكل اخ او اخت لينا هنا في المنتدى من مدينة بورسعيد

احنا اخوان في الله و مستحيل حاجة زي دي تغير احساسنا بيكم او تهز مكانتكم في قلبنا

ودايما قلب واحد و ايد واحدة متجمعين ان شاء الله على الحب و الاحترام و الاخوة الصادقة

ان شاء الله شدة و تزول اخوتي

و لا يسعنا الا ان ندعي ربنا يظهر الحق و يزيل الغمة

اللهم ربي ورب كل شيء

اللهم يا باديء الخلق ويا معيده

اللهم يا فالق الحب والنوى

اللهم يا فالق الإصباح وباعث الأرواح

اللهم يا مولج الليل في النهار ومولج النهار في الليل

اللهم يا مخرج الحي من الميت ومخرج الميت من الحي

اللهم نتقرب إليك باسمك الأعظم وبنبيك الأرحم

ونتقرب إليك بالليلة المباركة التي أنزلت فيها كلماتك التامات رحمة للناس وهداية

اللهم نتقرب إليك بخطيئة ابينا آدم وبكلماتك التي علمته إياها فتبت عليه بها

اللهم نتقرب إليك بفضل هدايتك لسيدنا نوح ونجاته بالسفينة أن تنجي مصر من الغرق بالدماء

اللهم نتقرب إليك بنار سيدنا إبراهيم التي جعلتها بردا وسلاما أن تجعل مصر بردا وسلاما

اللهم نتقرب إليك بإمتحانك لسيدنا إسماعيل الذبيح وفدائك إياه بالذبيحة، أن تحرم رقاب المصريين على الذبح

اللهم نتقرب إليك بحكمة سيدنا داود أن تعيد الحكمة إلى المصريين

اللهم نتقرب إليك بسيدنا سليمان وقدرته على الجن والشياطين أن تعقل وتكبل الشياطين في مصر

اللهم نتقرب إليك بسيدنا يعقوب أن تعيد شبابنا سالمين إلى آبائهم كما أعدت إليه سيدنا يوسف وأنقذته من غيابة الجب وغياهب السجون

اللهم نتقرب إليك بصبر سيدنا ايوب أن تجزي المصريين بصبرهم خيرا

اللهم نتقرب إليك بدعاء سيدنا يونس ونجاته من بطن الحوت أن تنجي المصريين من شدتهم

اللهم نتقرب إليك بنبينا وحبيبنا وهادينا ومعلمنا

وقائدنا وقبل هذا كله، حبيبك وصفوتك من الخلق، الرحمة المهداة، سيدنا وسيد الخلق سيدنا

مُحَمَد (صلى الله عليه وآله وصحبه وسلم)

أن ترحم مصر والمصريين برحمتك يا الله

اللهم وعدت نبينا أن تلطف بأمته حين ضعفها، ليلة أسريت به إلى المسجد الأقصى وعرجت به إلى السماء،

إذ قلت له تبارك أسمك "يا محمد، أنا رب لطيف وأنت سيد شريف وأمتك خلق ضعيف ولا يضيع الضعيف بين اللطيف والشريف"

اللهم إننا نتوسل إليك بلطفك يا لطيف

وبرحمتك يا رحمن الدنيا والآخرة ورحيمهما

وبقدرتك يا قادر

وبهدايتك يا هادي

وبجبروتك يا جبار

وبسترك يا ستار

وبغفرانك يا غفار

وبكرمك يا كريم

وبعظمتك يا عظيم

وبعزتك يا عزيز

وبجلالك يا جليل

وبغوثك يا غياث المستغيثين

وبحولك يا ذا الحول والطول

وبجلالك يا ذا الجلال والإكرام

ندعوك اللهم بالشيوخ الخشع والشباب الركع والأطفال الرضع والبهائم الرتع

ندعوك اللهم بكل ما يرضيك يا الله

اللهم أنزل سكينتك على مصر والمصريين وأرحم دموعهم ودعائهم وتوجههم إلى بابك يا كريم

يا من لا ترد من جاء إلى أعتابك يا الله

اللهم إرفع هذه الازمة وأنزل رحمتك عليهم فأنت بحالهم أعلم يا الله

وصل اللهم على سيدنا محمد وعلى آله وصحبه أجمعين الطيبين

الطاهرين برحمتك يا أرحم الراحمين يا الله

من طرف ماندو الأحد 05 فبراير 2012, 1:19 am

انا هقول كلمه واحده بس يا سلسبيل انتى و طوفى

ياريت الكل يفهم ده

الى نزل الملعب

مش هقول انهم كلهم من المصرى بس مش هما الى يهون عليهم دم حد

و الى كتب بلد باله مفهاش رجاله برضه مش من الاهلى

هقولكم حاجه صغيره

من خمس سنين

ايام النظام القديم و وزير الدخليه الظالم

المصرى غالب الاهلى 2 صفر

محصلش اى حاجه ال جمهور نزل برضه

ده مش تبرير ع الى حصل

بس بورسعيد مش بلطجيه ولا سفاحين

وانا اسف ل كل شهيد

من طرف ماندو الأحد 05 فبراير 2012, 1:30 am

انا هقول كلمه واحده بس يا سلسبيل انتى و طوفى

ياريت الكل يفهم ده

انا لما بقول كده ان ياريت الكل يفهم الى عاوزه تقوله سلسبيل و طوفى

شكرااا ليهم

من طرف عبير الروح الأحد 05 فبراير 2012, 1:32 am

ماندو من غير ماتقول اي شيء او تبرر اي موقف

ملاين الناس شافت و اتفرجت على الي حصل

و عارفة كويس جدا ان دا مش شغب او تعصب كروي

و مش المصري الي يحلل دم اخوه عشان كورة قدم او اي سبب اخر

و هيبقى غباء لو واحد صدق ان دا عشان نتيجة مباراة

الموضوع واضح وضوح الشمس المهم التكاثف و يكون صوتكم واحد ضد اي واحد اراد ببلدكم سوء

من طرف **قنديل البحر** الأحد 05 فبراير 2012, 1:40 am

والله حاجه يدمي لها القلب طبعا اكيد هناك
من يعمل خلف الكواليس ويهمه
نشر الفوضى بمصر ويشوه
صورة الثورة ويضرب المدن مع بعضها
لا نملك الا ان نقول انا لله وانا اليه ر اجعون
يصبر الجميع ويغفر للشهداء ويشافي الجرحى باقرب وقت
شكرا سلسبيل للمبادرة الرائعة
تحياتي

ولا تحسبنا الشهداء اموات بل هما احياء عند ربهم يرزقون

حسبنا الله ونعم الوكيل

مفيش دم شهيد بيروح هدر

اتمنى كل اهلى

شعب مصر يتماسك اكتر ويتحد اكثر

ولا تزعزعآ الايادى الخفية او المؤامرات

اذا الشعب اتحد وارد

حتمآ سينتصر

انتى فى القلب يابلادى

سنحميكى وندافع عنك بكل مانملك حتى بأرواحنا

سلسبيل

فعلا الشعب البور سعيدي في حال لا يحسد عليه
بس احنا في النهاية شعب واحد
ودي عبارة عن مؤامرات في يوم من الايام
هنعرف مين وراها
والله المنتقم الجبار
بس احنا شعب واحد وهنفضل شعب واحد

من طرف همسة حب الخميس 09 فبراير 2012, 10:39 pm

اولا : قبل ما ابدا باى حاجة اقوله

اشكر باخواتي فى الله (( سلسبيل & وشهد القلوب ))

على مشاركتكم واقتراحكم بكل الصراحه ع شعب مصر وبورسعيد

ثانيا :- انا واحده من بورسعيد قد اية كنت حزنية على شباب اللى ماتوا
ومش قادرة اوصف بالصراحه ع اللى شوفتوا فى مذبحه وتخريب فى ملعب الاستاذ بورسعيد

فعلا حاجة بجد بقي مهزلة حقيقية الاشخاص الذين قاموا بهذه المذبحة
في حق ابناء وطنهم مجرمين و يستحقون الاعدام شنقا.

اظن ان بلدنا زى اى بلد اخر وكلنا شعب واحد وكلنا لينا احساس من اللى بيحصل
لية الناس بتحقد ع شعب بلدي لية احنا اللى طلعنا اننا وحشين واننا السبب فى الاحداث اللى حصل ...
اعتقد ان شعب مصر كانوا اصعب وحصل نفس حكاية زى اللى عندنا بالظبط

وعايزة اقول كمان ان وزارة الداخلية قبل المباراة كانوا ع العلم عن وصول بلطجية إلى بورسعيد ، وللاسف شديد ان الأمن
لم تمكنت حماية جماهير لشباب مصر

وانا واحده من الناس اهو بعد اللى احداث اللى حصل فى بورسعيد اول امبارح الساعه 1.30 مساءا يوم الاربعاء

بتاريخ 8/2/2011

بالظبط وانا مروحه من الشغل كنت اتخطف من واحد بلطجي

جاي من بموتوسيكل ولبس نظارة سواء وكان باين

انه فعلا بلطجي وحرامي والحمدلله ان ربنا سترها معايا وعرفت احمي نفسي

ومحدش عارف اية اللى حصل بعد كده وانى دلوقت بخير والحمدلله واتعدي على خير

بلد خلاص بجد مفيهاش اى امان مش عارفة هما ناويين على اية بالظبط بجد

اتمني من الله ان يعدي شعب مصر كله على خير ان شاء الله

دائما قلب واحد 1328821254482