عندك بيت؟

من طرف ابتهال118 الأربعاء 09 سبتمبر 2009, 5:02 pm

عندك بيت ؟؟؟

اه الحمد لله عندي

طيب ياترى شبه دا ؟
عندك بيت؟ 8daae00b25

ههههه اكيد بتهزري .. طبعا لا .

طب قولي عاجبك شكل بيتك ولا نفسك تغير فيه ؟

اهو يعني الحمد لله رضا بس اكيد نفسي اجدد فيه ..

يعني عاوز تجدد ايه فيه ؟

نفسي اغير الديكور يعني يبقى حديث .. وكمان نفسي اعمله حديقة

ويكون فيه نافورة .. وحاجات تانية كتير بس كفاية كدا

ياه كل دا ... بس انت كدا هتتكلف كتير قوي ؟

اه فعلا معاكي حق هيكلف كتير جدا .. دا عاوز شغل ليل ونهار

طيب وبعدين ؟؟

ايه ولا قبلين؟ وبعدين ايه ؟

وبعدين بعد ماتشتغل كتير وتجييب فلوس وتغير البيت وتعيش فيه كام سنة

هيرجع قديم تاني وترجع تغيره وبعدين بعد كل دا هتروح فين ؟؟

هروح فين ازاي ؟

نهاية كل دا ايه ؟

اه قصدك نهاية التعب والجري دا ايه للاسف هنموت

ايوة الله يفتح عليك .. ولما تموت هتاخد البيت دا معاك ؟؟

ايه السؤال العجيب دا .. اكيد لا .

طيب اومال هتعيش فين بعد كدا ... ؟

عويصة دي . عندك بيت؟ Smiley7

. في القبر طبعا ..

وبعد القبر ؟

ابقى ادخل الجنة برحمة ربنا ان شاء الله ...

اه الجنة ياترى جهزت بيتك اللي في الجنة ؟؟؟

اجهزه ؟ اجهزه ازاي
بالظبط كدا ... هو دا السؤال ...

كلنا عندنا بيوت في الدنيا بس ياترى جهزنا بيوتنا اللي في الجنة ؟؟؟

ياترى تخيلنا شكلها ورسمنا التخطيط بتاعها ؟

ياترى اهتمينا بيها قد مابنهتم ببيوتنا اللي هنا ؟

الموضوع دا هقولكم ازاي نبني بيوتنا في الجنة ..

وازاي هنفرشها

وازاي هنحط فيها نوافير ..

ومن حواليها حدائق وانهار وانواع الفاكهة ...

بلاطها ايه وسقفها ايه وجدرانها ايه ؟...

وكل واحد يدخل يوصف شكل البيت اللي عايزه وعنوانه في الجنة

وازاي نبني البيت دا واحنا هنا ...

الادوات بسيطة جدا جدا ...

تعالو نتخيل بيوتنا في الجنة .. تعالو نعيش في الجنة شوية

نعيش في المكان اللي هيكون لينا للابد ...

يلا بينا عالجنة ...

احنا دخلنا في العشرة الاواخر .. والجنة بتنادينا مين هيجي يلبي ...

مستنياكم نوصف بيوتنا في الجنة .