شهد القلوب


* عزيزي الزائر *
اهلا و سهلا بك
كم اسعدتنا بهذه الزيارة و شرفتنا
و يزيدنا شرف بتسجيلك معنا و تصبح قلب من قلوب
* شهد القلوب *


عينك امانه

استعرض الموضوع السابق استعرض الموضوع التالي اذهب الى الأسفل

عينك امانه

مُساهمة من طرف حلم الربيع في الثلاثاء 08 نوفمبر 2011, 10:51 am







لو عاوز أحلى صور و أجمل أفلام
هتشوفها في حياتك
طبعا كتير بيبحث في مواقع البحث عن كلمات
من أمثال :
أجمل - أحلى - صور - بنات - أفلام - تعارف - للكبار فقط - .....
إحنا بقى وفرنا عليك البحث في كل دة و جبنا
من الآخر
كمل معايا وهاتشوف حاجات جديدة عمرك
ما شوفتها
هاقولك إدخل ومش هتندم

خلي بالك من عينيك لأن عينك أمانة
و معايا مش هتقدر تغمض عينيك



وقبل كل حاجة تعالى معاى نعيش فى عالم تانى عالم من الخيال

طوف بقلبك معايا
و
تخيل



تخيل نفسك كل أعمالك مسجلة فيديو
و كل الناس شايفاك هل كنت هتنظر نظرة
حرام لصورة عارية أو فيلم أو غيره ؟


أو تخيل
إنك شفت النبي صلى الله عليه و سلم
و جريت تسلم عليه هل هيقولك مرحبا
و أهلا بمن أطاع الله ورسوله و أحبهما ؟
و لا هيقولك سحقا سحقا لإنك كنت
بتعصي ربنا و رسوله و بتنظر للحرام ؟؟

تخيل نفسك
فاضل لك خمس دقايق بس و هتموت
هل كنت هتنظر نظرة حرام ؟


أو تخيل نفسك
جالك ملك الموت وواقف أمامك و إنت شايفه حالا
هل هتقوله إتفضل أنا طول عمري في طاعة ربنا
و لا هتقوله ثواني لما أقفل
اللي بتفرج عليه ؟




أو تخيل
إنك واقف يوم القيامة أمام ربنا و بيسألك
عن كل أعمالك في الدنيا و سألك
عن نظراتك الحرام للصور و الأفلام
هتقول كنت عاوز أتفرج يا رب ؟
مقدرتش أصبر على أمرك و طاعتك يا رب ؟


أو تخيل
نفسك إتحاسبت على كل أعمالك و تساوت الحسنات
و السيئات و فاضل لك عمل واحد فقط
لم تحاسب عليه و هيحدد مصيرك للجنة و لا للنار
و إذا بالمفاجأة أنه كان نظرة ل....
هل يسرك أنها تكون نظرة لصورة أو فيلم إباحي
و لا نظرة في كتاب الله ؟




و في المقابل تخيل
نفسك تبت من النظرات الحرام دي و ربنا غفر لك
ما مضي من ذنبك بتوبتك التوبة النصوح
بشروطها الخمسة و أصبحت ممن مثواهم
الفردوس الأعلى من الجنة مع الأنبياء


الباب لسة مفتوح لازم تلحق تآخد فرصتك
و ترجع لربنا قبل ما الباب يتقفل
لازم تلحق نفسك قبل ما تكون سبب في عذاب
نفسك بنار أكبر من نار الدنيا
بسبعين مرة
عينك و إيديك و رجليك هيشهدوا عليك
أمام الله على ذنوبك




تخيل ..... و حدد مصيرك .... و اختار طريقك

عــــــيـــــــــــــــــــــــــــنـــــــــــــــــــــــــــــــــــــــــــــــك أمــــــــــــــــــــــــــــــــــــــــانـــــــــــــــــــــــــــــــــــــــــــــــة


و الموضوع و إن كان طويل لكن كله فوايد
و مهم جدا جدا لكل الشباب و البنات
مع عينك أمانة نوعدك انك مش هتندم على دخولك



الموضوع فيه حلقات من شباب لشباب
و ناس بتحس بيك
و فيها تصميمات روووووعة
توقيعات هتعجبك و خلفيات جميلة جدا
و صور شخصية
و فيها فيديوهات و حاجات تشوفها بقلبك
و فيها قصص لناس لحقت نفسها في آآآآآخر لحظة
و ناس تانية مقدرتش
و فيها فلاشات و فيديوهات مؤثرة و رااائعة
و مقاطع تخلي القلب القاسي يرق لها
و تلاوات قرآنية راااائعة

و كمان سجلت لكم مقاطع فيديو حصرية
و مش هتلاقيها في أي حتة تانية




هتبقى أقوى هدايه إزاي ؟
لما ننشرها أنا و إنت و إنتي و الكل يساعدنا في نشرها
و لك مني هدية حصرية و مش هتلاقيها
في أي مكان تاني


اضغط هنا

العد التنازلي


3


2


1
خليييييييييييييك معـــــــــانا



إنتظرونـــــــــــــــــــا
لكن

بعد الفاصل





avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف حلم الربيع في الثلاثاء 08 نوفمبر 2011, 10:52 am

الحلقة الاولى

تخيل

لو إنت بتتفرج على الإباحيات دي و دخل عليك
والدك أو صديقك و إنت تختفي عن أعين الناس
و تفعل هذه المعصية
ماذا سيكون حالك وقتها ؟




و لو إنك دخل عليك إبنك و أنت بتشاهد الإباحيات دي
و قال لك ماذا تفعل يا أبي ؟؟
؟ يا ترى هتكون إجابتك ايه ؟؟؟


و لو زارك زائر لا يأتي لك إلا قليلا و رآك تفعل هذا
ماذا سيكون حالك ؟


وهبك الله نظرك لتستعمله في الحلال و إنت صممت تستخدمه في الحرام مش خايف إن ربنا يسلبك نعمة البصر ؟؟ ساعتها هتفرح ؟؟؟ ساعتها هتتمنى إنك كنت تشوف صور إباحية أكتر و لا هتتمنى تكون بصيت في كتاب ربنا ؟؟؟



لو علمت أن الله ينظر إليك و أنه يراك في كل حال فهل يسرك أن ينظر الله إليك نظرة غضب ؟؟؟

تخيل أن والدك قالك مستحيل تلبس الطاقية دي فإنت ساعتها لو بتحب والدك مش هتلبسها أبدا حتى لو كانت مفضلة عندك
و لو إنت مبتحبش والدك هتستنى الفرصة اللي والدك ميشوفكش فيها و هتلبس الطاقية تاني


ولله المثل الأعلى
ربنا قالك إوعى تبص للحرام بس هنا ربنا بيشوفك في كل تحركاتك و مفيش لحظة بيغفل عنك يا ترى لسة عاوز تعصيه ؟



و لو زارك زائر من نوع آخر لا يأتيك إلا مرة واحدة في عمرك و بعدها ينتهي عمرك "" ملك الموت "" و أنت تقول له إنتظر ثواني قليلة لأفعل شيئا آخر فيقول لك لا ..... هتفرح برضه ساعتها؟؟



لو علمت أن من عاش على شيء مات عليه و من مات على شيء بعث عليه هتفرح إنك بتنظر للحرام ؟؟؟
معنى كدة إنك لو مت و إنت بتشوف صورة أو فيلم إباحي ربنا هيبعثك يوم القيامة و إنت بتعمل نفس العمل
إنت متخيل إنك وسط الأهوال دي كلها و مش عارف هتروح جنة و لا نار و إنت بتعمل كدة ؟؟؟


لو علمت أنك هتموت يقينا بعد دقائق معدودة هل تنظر في هذه الدقائق إلى هذه الإباحية ؟؟ و إذا علمت أنك لا تعلم متى تموت فهل تدخل إلى هذه المواقع الإباحية ؟؟

لو أنك وقفت للحساب بين يدي الله الواحد القهار و سألك ألم تعلم أني حرمت هذا ؟؟ فلماذا شاهدت هذه العورات و هذه الإباحية ؟؟ هل ستفرح بهذا ؟؟ و بماذا ستجيب ؟؟ هل هتقدر تقوله مقدرتش أطيعك يا رب !!!! هل هتقوله أصل الصور كانت عاجباني يا رب !!!!



إنت عارف إنك لو حطيت صورة من الصور دي على النت او إديتها لصاحبك بالبلوتوث أو في رسالة ميل أو أي طريقة إنت كدة بتأخد سيئات زي السيئات اللي بيأخدها هو بالظبط ؟
و عارف لو 100 واحد أخدها عن طريقك بأي وسيلة هتاخد سيئات عن ال100 ؟
لأن الدال على الخير كفاعله و الدال على الشر برضه كفاعله




إنت عارف أنك تسأل عن كل كبيرة و صغيرة يوم القيامة ؟
كل لحظة في عمرك ربنا هيسألك عنها هل حضرت إجابة لكل أعمالك ؟



لو تساوت حسناتك و سيئاتك يوم القيامة و بقي لك عمل واحد لم تحاسب عليه يا ترى هل تحب أن يكون نظرة إلى العراة الزناة و الأفلام الإباحية أم تحب أن تكون نظرة طاهرة في كتاب الله ؟



والنبي -صلى الله عليه وسلم- حذَّر من ذلك في حديث ثوبان -رضي الله عنه- المشهور، فقال -صلى الله عليه وسلم-:
(لأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ تِهَامَةَ بِيضًا فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا).
قَالَ ثَوْبَانُ: يَا رَسُولَ اللَّهِ صِفْهُمْ لَنَا جَلِّهِمْ لَنَا أَنْ لا نَكُونَ مِنْهُمْ وَنَحْنُ لا نَعْلَمُ. قَالَ:
(أَمَا إِنَّهُمْ إِخْوَانُكُمْ وَمِنْ جِلْدَتِكُمْ وَيَأْخُذُونَ مِنْ اللَّيْلِ كَمَا تَأْخُذُونَ وَلَكِنَّهُمْ أَقْوَامٌ إِذَا خَلَوْا بِمَحَارِمِ اللَّهِ انْتَهَكُوهَا)
(رواه ابن ماجه، وصححه الألباني)




لو افترضنا إن شخصا يحب الطب فأكيد يحب الأطباء
أو يحب الهندسة فأكيد يحب المهندسين
أو الكيمياء فأكيد يحب الكيميائين

طيب اللي بيحب الصور و الأفلام الإباحية التي يمثلها الزناة فأكيد أكيد يحب الزناة و الزانيات

و إيه المشكلة ؟؟؟

قال رسول الله صلى الله عليه و سلم :
" من أحب قوما حشر معهم "

إنت ترضى أن تحشر يوم القيامة مع الزناة و الزانيات ؟
و لا ترضى إنك تعذب بعذابهم ؟؟؟
إنت عارف إيه هو عذابهم ؟


كما صح عن رسول الله صلى الله عليه و سلم أنه رأى رؤيا و رأى فيها ثقبا مثل التنور ، أعلاه ضيق وأسفله واسع ، يتوقد تحته نارا ، فإذا اقترب ارتفعوا ، حتى كادوا أن يخرجوا ، فإذا خمدت رجعوا فيها ، وفيها رجال ونساء عراة ، فقلت : من هذا ؟ قيل له : هم الزناة ،
رواه البخاري


التنور = الفرن و شكله كما يتضح من الحديث أنه على شكل مخروطي فلا يستطيعون الخروج منه و النار من تحتهم

طيب و الحل ؟؟؟؟

هل لي من توبة ؟؟؟

أكيد
بس تابع معانا الحوار الشباب


خلييييييييييييييييييك معانــــــــــا




للموضوع بقيه
والهدايه مستنيه للقلوب المؤمنه
القويه
أنتظـــــــــــــــــــــــــوني

avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف حلم الربيع في الثلاثاء 08 نوفمبر 2011, 10:52 am

الحلقـة الثانيـة

أحمد ومحمود صديقان من زمان
من فترة كبيرة مشفوش بعض
ياللا نشوف هيحصل إيه لما يتقابلوا



أحمد : مين ؟؟ محمود ؟؟
فينك من زمان يا راجل

محمود : أحمد يا عم قول السلام عليكم الأول


أحمد : سلام عليكم يا عمنا
إنت فين من زمان وعامل فى نفسك كده ليه
إيه الذقن دى والهدوم القصيره دى
إنت عامل فى نفسك كده ليه

محمود : عليكم السلام ورحمة الله وبركاته
أخبارك إيه يا أحمد
أحمد : الحمد لله تمام
محمود : إنت جاى منين دلوقتى

أحمد : كنت فى حتة سهرة بس إيه على مزاجك
حاجه كده من سهرات زمان بتاعتنا
أفلام وحركات ما إنت عارف كل حاجه
محمود : يااااااااا إنت لسه يا بنى بتشوف الحاجات دى حراااااااااااام


أحمد : طب وإيه الحرام في المواقع والأفلام والمسلسلات يعني ؟
إحنا بنتفرج بس هو إحنا بنطبق عملي يعني ؟

محمود : إزاي يا أحمد طبعا حرام
ربنا حرمها يا احمد ليه نعصيه ؟

أحمد : بس على فكرة أنا عمري مبمارس أي حاجة بشوفها وبتفرج عليها في الواقع , دي مجرد تقضية شهوة , يعني عادي محدش بيشوفني . ما إنت عارف






محمود :أنا عارف والله
بس سمعت الحديث دا قبل كدة ؟ :
عن ثوبان رضي الله عنه :عن النبي صلى الله عليه وسلم قال:
"لأعلمنّ أقوام من أمتي يأتون يوم القيامة بحسنات أمثال جبال تهامة بيضاً فيجعلها الله عز وجل هباء منثورا ."
قال ثوبان رضي الله عنه:يا رسول الله
صفهم لنا جلّهم لنا أن لا نكون منهم ونحن لا نعلم.
فقال عليه الصلاة والسلا
أما إنهم إخوانكم ومن جلدتكمم:
ويأخذون من الليل كما تأخذون. ولكنهم أقوام إذا خلوا بمحارم الله إنتهكوها .
يعني إنت بتستني لحد ما الناس تنام وبتقفل عليك كل الابواب وبتبدأ في معصية الله ولكن إلا باب واحد عمرك مهتقدر تقفله هو " باب الله " , ربنا اللي شايفنى وشايفك في كل مكان وزمان وهو سبحانه أقرب واحد ليك و ليا أقرب من دمك اللي بيجري في عروقك

"وَلَقَدْ خَلَقْنَا الإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ "
ق - 16






, وتأمل معايا كدة عتاب ربنا :
" عبدي لِما جعلتني أهون الناظرين إليك ؟ "
يااااااااا
يعني ليه خفنا من بابا وماما وكل الناس و مخفناش من ربنا
ليه عملنا حساب الناس والدنيا كلها و معملناش حساب لربنا
ليه أهم حاجة عندنا نظر الناس ونظر ربنا مهمناش
ليه رغم إن ربنا اللي خلقنا بيديه الكريمة بعد ما كنا عدم !
ربنا اللي خلي الملائكة كلها تسجد لنا إكراماً لنا !
ربنا اللي سخر السموات والارض لخدمتنا !
ربنا خلقنا بمعجزات × معجزات !
ليــــــــــــــــه جعلناه أهون الناظرين إلينا ؟؟
أحمد : والله يا محمود أنا بحب ربنا .
محمود : ايه اللي يثبت انك بتحبه يا أحمد ؟
عشان بنحبه لازم نعمل اللى يرضيه





أحمد :طيب أنا عايز أسأل سؤال بقي ؟
محمود : إتفضل
أحمد : ليه ربنا خلي جوانا شهوة ممكن نعصيه بيها ؟ وليه خلانا نعصاه طالما دا بيغضبه ؟
محمود : ما شاء الله سؤال جميل جدااا .
عشان ربنا بيربينا لاننا لو كل حياتنا
طاعة هنصاب بالعجب ورؤية الذات والكِبر كما حدث مع إبليس فكفر، فالله سبحانه وتعالى برحمته لم يعصمك من الذنوب

مش نفسك تقرب من ربنا ؟ مش نفسك في لقاء مع الله ؟ بقالنا اد ايه مقاطعينه ؟
أحمد : نفسي أتوب والله بس خايف من شيطاني .
محمود : مش لازم نخاف منه فإبليس اللعين لما رفض أن يسجد لآدم وطرد من الجنة قال: وعزتك وجلالك لأغوينهم مادامت أرواحهم في أجسادهم،
فقال له الله :
( وعزتي وجلالي لأغفرن لهم ما داموا يستغفرونني ).
وقال ابن الجوزي : قال إبليس : أهلكت ابن ءادم بالذنوب , وأهلكوني بالإستغفار .


فالإستغفار - الإستغفار - الإستغفار .

محمود : لااااااااااااااااازم نتوب يا أحمد
إسمع كده الأحاديث دى
يقول الله تعالى لداود :
(يا داود لو يعلم المدبرون عني شوقي لعودتهم ورغبتي في توبتهم لذابوا شوقاً إلي،
يا داود هذه رغبتي بالمدبرين عني فكيف محبتي للمقبلين علي )


قلبك معايا ؟

يقول النبي صلى الله عليه وسلم في حديث جميل جداً:
(إن الله يفرح بتوبة عبده )، ثم يضرب النبي مثلاً على هذه الفر حة فهي أكثر من فرحة رجل يمشي في الصحراء ومعه ناقته عليها طعامه وشرابه وفي وسط الصحراء جرت منه، فأيقن الرجل بالهلاك والموت، و بينما هو كذلك حفر لنفسه حفرة وقرر أن ينام فيها من شدة اليأس، تخيل حالة اليأس التي هو فيها ؟ ، حالة اليأس التي يكون فيها العاصي والذنوب قد ملأت حياته، فبينما هو كذلك إذا بالناقة فوق رأسه عليها طعامه وشرابه ، فمن شدة فرحته يريد أن يشكر الله فقال: اللهم أنت عبدي وأنا ربك! فقد أخطأ من شدة الفرح، يقول النبي صلى الله عليه وسلم :
(فالله أفرح بتوبة أحدكم إذا تاب من هذا الرجل )،
إن فرحة الله بتوبتك هي أكبر من فرحتك أنت بتوبتك، ولله المثل الأعلى لأنك عندما تتصدق بمال تكون فرحتك أكثر من فرحة من تصدقت عليه لإنشغاله بما أخذ منك ولا يدرك فرحتك أنت به ،


ويقول النبي عليه الصلاة والسلام :
(إن الله يبسط يده بالليل ليتوب مسيء النهار ويبسط يده بالنهار ليتوب مسيء الليل ) 24 ساعة يقبل التوبة،


ويقول الله عز وجل في الحديث القدسي :
( ياابن آدم إنك ما دعوتني ورجوتني غفرت لك على ما كان منك ولا أبالي ، يا ابن آدم لو بلغت ذنوبك عنان السماء ثم إستغفرتني غفرت لك ، يا ابن آدم لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة ، أشكر اليسير من العمل وأغفر الكثير من الزلل ، رحمتي سبقت غضبي وحلمي سبق عقوبتي ، وأنا أرحم بكم من الأم الشفيقة بولدها، يا عبادي إنكم تخطئون بالليل والنهار وأنا أغفر الذنوب جميعا فاستغفروني أغفر لكم )



يقول النبي صلى الله عليه وسلم :
( يتنزل ربنا تبارك وتعالى إلى السماء الدنيا في الثلث الأخير من الليل كل ليلة ينادي من يدعوني فأستجب له؟ من يستغفرني فأغفر له؟ هل من تائب فأتوب عليه؟ هل من مستغفر فأغفر له؟ )


محمود : ها يا احمد؟ لسه مُصِّر علي عدم التوبة ؟؟

أحمد في دمووووووع : ....................

محمود : ياللا نتوب قبل فوات الأوان
تأمل عتاب ربك لك، حين قال جل فى علاه ..

{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ}
[الحديد: 16]





ما أصعبه من عتاب على القلوب ..

ألم يأن الآوان؟؟

وها هو آن الآوان
إحنا في صراعات بين الحق والباطل ومحاربة الإسلام من كل الجهات لازم نفوق من الغيبوبة اللى إحنا فيها,
ونبدأ خطوة تلو الأخرى عشان نوصل ..
فقد قال الرسول صلى الله عليه وسلم

"إن هذا الدين متين فأوغلوا فيه برفق"
[صحيح الجامع رقم (2246)]




فمن سوف يُلبى نداء الله ؟ ..


{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ..} [ الحديد: 16]


هى دى لحظة التغيير فى حياتنا كلها .. اغرس هذه المعاني في قلبك وتعايشها واصرخ من داخلك

وقل: آن الأوان يـــــــا رب ..

آن يـــــــارب


آن يــــــــارب


جايلك يارب

راجعلك يارب

قبل ان تأتي لحظة الندم بتقول فيها
( ربي ارجعون لعلي اعمل صالحا )

فيرد عليك الله بـ ( كلا )

يااااااااا كلمة كلا معناها إنسي ..إنت بتحلم .. خلاص .. فاتك القطر.. العمر خلص .. مهما عملت ومهما قلت لا يمكن هترجع لحظة واحدة حتي تقول فيها ( لاإله الا الله ) ..

( كلا ) !!!!!!!!!

يا تري هنستني ايــــــــــه؟؟؟؟؟؟؟



اللحظة اللي فيها لا تملك أي شيء حتي أعضائك لا تملك أن تحركها , لسانك دا اللي من شوية كنت بتتكلم عادي وبتهزر بيه , دلوقتي عايز تحركه عشان يقول (لاإله إلا الله ) أسهل كلمة على وجه الارض .
سبحان الله لا يستطيع أن يتحرك وينطق بكلمة الحق لأن مش هو اللي بينطق لالالا دا عملك طول حياتك هو اللي هينطق هو اللي هينجدك في اللحظة الرهيبة دي .




أحمد: هتووووووووووووووووب


محمود :طيب بس لازم تعرف ايه هى شروط التوبة علشان ربنا يقبلها

للتوبة بينك وبين ربك خمسة شروط وممكن تعملهم وأنت جالس بقلبك:

(1) الندم:
يقول النبي : (التوبة الندم )، فبدون الندم لا تقبل التوبة. فالتوبة هي إحساس بالألم في القلب، ودمعة عين , وحزن في القلب، وعمرة من أجل الأسف وإستغفار كثير و لو لم يأتي الندم فلا توبة.




(2) التوقف عن الذنب .

(3) العزم على عدم العودة.


يروى في الأثر عن موسى عليه السلام أنه ظل سبعون ألفا من بني إسرائيل في القحط الشديد ولا ينزل المطر ويكادون أن يموتو ا من العطش والبهائم كذلك، فوقف موسى يدعو وقال لهم نخرج للإستسقاء وصلوا صلاة
الإستسقا ء، وظل يدعو ويدعو والمطر لا ينز ل، فقا ل: يا رب عودتني الإجابة فلم ينزل المطر، فأوحى إليه الله: يا موسى لن ينزل المطر

لأن بينكم عبد يعصاني منذ أربعين سنة فبشؤم معصيته منعتم المطر من السماء، هل عرفتم مصائبنا وأحوال بلادنا ما سببها؟؟؟

فقال موسى: يا رب فماذا نفعل؟
قال:
أخرجوه من بينكم لينزل المطر،
فقال موسى
لبني إسرائيل: بيننا رجل يعصي الله أربعين سنة، فأخرجوه من بينكم لينزل المطر. إن الرجل يعرف نفسه
فقال يا ر ب:
أنا إن خرجت فضحت وإن بقيت منعنا من المطر ومتنا، ماذا أفعل؟ ليس لدي غير أني أتوب إليك وأعاهدك ألا أعود فاسترني وأنزل المطر، فنزل المطر من السماء،
فقال موسى:
يا رب نزل المطر ولم يخرج أحد !
فأوحى إليه الله:
يا موسى نزل المطر لفرحتي بتوبة عبدي الذي يعصاني منذ أربعين سنة،
فقال موسى: يا رب دلني عليه لأفرح به ،


فقال له الله تبارك وتعالى: يا موسى يعصاني أربعين سنة وأستره، أيوم يتوب إليّ أفضحه؟!.

وهناك شرط رابع للتوبة:


وهو إن كنت قد أخذت حقاً من حقوق الناس فلابد أن ُتعيده، ومهما تبكي فلابد من إعادة حقوق الناس .
و شرط كمان قبل كل دة :
الإخلاص لله وحده وانك تتوب لربنا علشان بتحبربنا و عاوز جنته و عاوز ترضيه و عاوز تعمل اللي يدخلك الجنة و علشان خايف من عذابه
أحمد : طيب و أعرف منين إن ربنا تاب عليا

محمود:والله يا أحمد الواحد بيحس بحلاوة وطمأنينة فى الجسم كله عامة وقلبه خاصة ويشعر بإنشراح في صدره ورضا وسعادة وتفاؤل وأمل وحب للحياة ونور في الوجه .

وكيف لا ؟


و إنت قد أرضيت ربك حبييك خالقك مولاك ,

وأرضيت روحك التي كانت تصرخ من داخلك عندما تعصي الله بأي فعل .

أحمد طيب لو رجعنا تانى

محمود:يقبلك التواب إن تبت مرة أخرى وثانية وثالثة ، (أذنب عبد ذنبا فقال: يا رب أذنبت ذنبا فاغفره لي ، فقال الله: علم عبدي أن له رباً يغفر الذنب ويأخذ بالذنب قد غفرت لعبدي ، ثم عاد فأذنب ذنباً فقال الله: علم عبدي أن له رباً يغفر الذنب ويأخذ بالذنب قد غفرت لعبدي ،
ثم عاد فأذنب ذنبًا فقال الله تبارك وتعالى فليفعل عبدي ما شاء مادام يستغفرني ويتوب إلي ).

ولكن أحياناً عندما تذنب مرات عديدة تشعر بحاجز عن التوبة وتشعر بالخجل، فيقول لك التواب إعمل حسنة كي تكسر حاجز الخجل .

و في الحديث : ( و أتبع السيئة الحسنة تمحها).
(إِن الْحسنَاتِ يذْهِبن السيئَات . ) هود :14

ولازم نعرف حاجة مهمة جداااااااااااا


بتوبتنا دي نصرة لديننا , آه والله نصرة لديننا وكأننا ماسكين رشاش وبنضرب به رؤوس الكفر , عارف ليه ؟؟

لان القنوات والمواقع الإباحية دي مين اللي عاملها وبيمثلها ؟؟ الكفرة صح ؟

طيب عاملينها ليه ولمين؟

عشان يدمرونا

عشان هم خايفين مننا مرعوبين مننا لو إحنا فُقنا لنفسنا ولدينا ولحياتنا بكدة يتم تدميرهم وتحطيمهم ,
فهم عايزين يقضوا علينا ,
عايزين الشاب المسلم بلا معني - بلا قيمة- بلا لازمة - بلا مبدأ - بلا ديـــن .
هنسمحلهم يدمرونا ويدمروا اُمتنا كلها ؟
لا وألف لا إ حنا عمود الأمة - صلب الأمة -
خرسانة الأمة - أمل الأمة - ريحانة الأمة ,
فبتدميرنا هو دمار للأمة كلها , كما تري الحال الآن ,
فافتكر دايما إن إحنا السبب في نصر الأمة او دمار الأمة ؟

هتختار ايه؟؟
أحمد : تبنا إليك يارب وندمنا علي ما فعلنا ودلوقتى نبدأ بتشفير كل القنوات الإباحية وكل المواقع الإباحية , ونتجه الي كل ما هو نافع لنا ولأمتنا وسننصر أمتنا بإذن الله .


محمود :الحمد لله ربنا يتوب علينا

فى النهاية
وأدعوكم

.:: مدمن على مشاهدة الصور الجنسية ::.

لسه مخلصناش كلامنا
خليييييييييكم معــــــايـــــا
انتظـــرونـــــــــي
طولت عليكم ولكن التوبه ورضاء الله
تحتاج للمزيد
احبكن في الله


avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف حلم الربيع في الثلاثاء 08 نوفمبر 2011, 10:53 am

الحلقة الثالثة
بعد الحوار مع الشباب نشوف واقع الأمة
مؤامرة تدور على الشباب ...ليعرض عن معانقة الحراب
مؤامرة تدور بكل بيت ...لتجعله ركاما من تراب
مؤامرة تقول لهم تعالوا ...إلى الشهوات فى ظل الشراب
مؤامرة مراميها عظام... تدبرها شياطين الخراب
تفرق شملهم إلا علينا *** فصرنا كالفريسة للكلاب





لا يخفى علينا أن الأمة الإسلامية مستهدفه من دول الشرك والفجور
ونعلم أن لا هم يشغلهم سوى التنكيل بالإسلام والمسلمين ولا يألوا جهدا لتدميرها بكل الوسائل الممكنة لديهم





من هذه الوسائل إغراق الأمة وخصوصا شبابنا فى بحر الشهوات
وتيسير كل السبل للوقوع بهم فى هذا البحر العفن النتن
من هذه الوسائل تيسير المواقع الإباحيه الفاضحه بكل سهولة ويسر سواء فى الشبكة العنكبوتيه أو الفضائيات
أى أصبح الدخول على هذه المواقع أيسر وأسهل مما يتخيل بشر
وفى نفس الوقت
يزداد الغلاء وتأخر سن زواج الفتيات وتنتشر البطالة والركود فى البلاد الإسلاميه
وظهور الموضات الغربيه التى تغزو عالمنا الإسلامى من ملابس ضيقه تظهر أكثر مما تخفى ومحاربة الحجاب والعفاف وتشبيهه بالتخلف والرجعيه
وإتهام كل من يتمسك بدينه بالإرهاب
ولا حول ولا قوة إلا بالله
فعلا بكل صراحه هى مؤامرة على شبابنا
البطالة ....الفراغ.... المخدرات......البعد عن مبادئ ديننا الحنيف
كل هذه أسلحة الغرب لمحاربتنا به
وللأسف الشديد إستسلمن وبكل سهولة لهذه المغريات ولم نقف إلى هذا الحد لا لكن أصبحنا نسوق كل المبررات لاقتراف هذه الفواحش




ومن هذه المبررات
اللى مش بيشتغل وبيضيع وقته
اللى قاعد طول النهار فى الشوارع يشاهد البنات والنساء فى الشوارع فبيطلع رغباته المكبوته فى هذه المواقع الإباحيه
اللى بتهرب من مشاكلها مع أبويها للنت وغرف الشات بنية البحث عن حد يحس بيها
كل دى مبررات مختلقه للوقوع فى هذه الفاحشه
لكل دول بنقول لهم
أن الله عز وجل أمرنا بغض البصر
لما بعدنا عن مبادئ ديننا أطلقنا البصر فى الشوارع ومنه لهذه القنوات والمواقع
حيث أن هذه الذنوب ما هى إلا درجات
إطلاق للبصر .... وبعدين يقول بتفرج بنية العلم بالشئ .. ومن ثم يصل لمرحلة الإدمان
ولا حول ولا قوة إلا بالله
إنتظرونا مع غض البصر
لكن بعد الفاصل
خليييييييييييييييكم معــــــــايــــــا

avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف حلم الربيع في الثلاثاء 08 نوفمبر 2011, 10:54 am

الحلقة الرابعــــــة

غض البصر وعواقبه




كلنا عارفين مشكلة إطلاق البصر
دلوقتى الشباب ما شاء الله واقفين على النواصى التيشرتات والبنطلونات الضيقة متعرفش تفرق الأولاد من البنات
والبنات ماشيه بالباضيهات والبنطلونات الضيقة المحددة لتفاصيل جسمهم


المهم الشباب واقف مش وراهم حاجه تشغلهم غير معاكسة البنات الحلوين مش سايبين ولا بنت فى حالها يتفرجوا على دى ويتريقوا على دى وفى الأخر يروحوا بيوتهم يناموا
طيب سؤال يطرح نفسه
إستفدت ايه
؟
؟
؟
فتحت عنيك واتفرجت على حاجه مش من حقك
كل اللى كسبته ذنوب بالملايين بالإضافة
إنك مبقتش قادر تتحكم فى نفسك ولا فى شهوتك
فتعمل إيه

؟
؟
؟





أول حاجه بتعملها بتروح بيتك وكام فيلم حلوين كده من اللى قلبك يحبهم
ولا كام مقطع إباحى وتعيش يا معلم
بس أهم حاجه لازم تتأكد منها إنك قفلت الباب عليك كويس
يعنى لا بابا ولا ماما و لا إخواتك شايفينك
بس ياريت هتعرف تتأكد
إن ربنا مش هيشوفك؟
لا حول ولا قوة إلا بالله




شوفت معايا بقى بتبتدى بإيه وتنتهى على إيه
بتتفرج على البنات وتعاكسهم وتنتهى بفيلم إباحى أو العادة السيئه
أو المصيبة الكبرى تقع فى الزنا
عرفت ليه بقى ربنا أمرنا بغض البصر



1-طاعة لله وتقرب ليه وطاعه لرسول الله
واللى بيحب ربنا يطيع أوامره
كما ثبت فى الصحيحين قال صلى الله عليه وسلم "إياكم والجلوس فى الطرقات قالوا مالنا بد,إنما هى مجالسنا نتحدث فيها,قال رسول الله صلى الله عليه وسلم فإن أبيتم إلا المجالس فأعطوا الطريق حقها, قالوا وما حق الطريق قال :غض البصر ,وكف الأذى, ورد السلام والأمر بالمعروف والنهى عن المنكر

2- أزكى للنفس

*قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ *

3- لأن إطلاق البصر وراء كل الفواحش من أفلام وعادة سيئة وزنا مما يفعل من إستثارة جنسية

قال رسول الله صلى الله عليه وسلم"إن الله كتب على ابن آدم نصيبه من الزنا مدرك ذلك لامحاله فزنا العين النظر وزنا اللسان النطق والنفس تتمنى وتشتهى والفرج يصدق ذلك أو يكذبه
الشاهد قوله صلى الله عليه وسلم أن كل من أطلق بصره إلى الحرام زانيا ,
شوفت يا عمنا كل اللى بيبص على الحرام زااااااااااااااانى
لا حول ولا قوة إ لابالله







وفى النهاية
ضيعت نفسك دنيا وأخرة

يا راميا بسـهام اللحظ مجتهدا *** أنت القتيل بما ترمي فـلا تصب
وباعث الطرف يرتاد الشفاء له *** إحبس رسولك لا يأتيك بالعطب
عشان ده كله
ربنا أمرنا بغض البصر
عشان يحمينا من ده كله
تعالى نشوف حال السلف زمان

كان السلف بيبالغوا فى غض البصر عشان خايفين من فتنته والخوف من الوقوع فى عقوبته

قال الله تعالى: " قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنّ) سورة النور( 30-31)

قال ابن مسعود رضي الله عنه: ما كان من نظرة فإن للشيطان فيها مطمعا.

وكان الربيع بن خثيم رحمه الله يغض بصره، فمر به نسوة، فأطرق - أي أمال رأسه إلى صدره - حتى ظن النسوة أنه أعمى، فتعوذن بالله من العمى!!

قال ابن عباس في قوله تعالى: (يعلم خائنة الأعين) [غافر:19]، قال:

الرجل يكون في القوم فتمر بهم المرأة، فيريهم أنه يغض بصره عنها، فإن رأى منهم غفلة نظر إليها، فإن خاف أن يفطنوا إليه غض بصره، وقد إطلع الله عز وجل من قلبه أنه يود لو نظر إلى عورتها!!


وقال عيسى ابن مريم: النظر يزرع في القلب الشهوة، وكفى بها خطيئة.

شوفت كانوا بيخافوا من إطلاق البصر إزاى
لكن إحنا سايبين الحبل على الغارب
طيب هتقولى ماشى أنا مصدقك بس عاوز
الدليل على إن غض البصر ده فرض وواجب
ما شى يا سيدى






خد الادلة دى
أدلة وجوب غض البصر
أولاً: قال تعالى { قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ } النور 30 ،







وده طبعا أمرصريح بوجوب غض البصر للنساء والرجال،

ثانيا: قال رسول صلى الله الله عليه وسلم ( إن الله كتب على ابن آدم حظه من الزنا أدرك ذلك لامحالة ، فالعين تزني وزناها النظر واللسان يزني وزناه النطق والِرجلُ تزني وزناها الخطا، واليد تزني وزناها البطش والقلب يهوي ويتمنى، والفرج يصدق ذلك أو يكذبه) متفق عليه

>قال ابن القيم: فبدأ بزني العين لأنه أصل زنى اليد والرجل والقلب والفرج، ونبّه بزنى اللسان بالكلام علي زنى الفم بالقبل، وجعل الفرج مصدقاً لذلك ان حقق الفعل مكذباً له ان لم يحققه، وهذا الحديث من أبين الأشياء على العين تعصي بالنظر وإن ذلك زناها ففيه رد على ما أباح النظر مطلقاً .أهـ





ثالثاً: قال صلى الله عليه وسلم لعلي ابن أبي طالب رضي الله عنه ( ياعلي إن لك كنزاً في الجنة وإنك ذو قرينها فلاتتبعن النظرة النظرة، فإن لك الأولى وليست لك الآخرة) رواه أحمد.
ويفسره حديث جرير البجلي رضي الله عنه قال ( سألت النبي صلى الله عليه وسلم عن نظر الفجأة فأمرني أن أصرف بصري ) رواه مسلم.
>قال ابن القيم: ونظرالفجأة هي النظرة الأولى التي تقع بغير قصد من الناظر فما لم يتعمده القلب لا يعاقب عليه ، فإذا نظر الثانية تعمدا أثم... والتكرار كالاستدامة.أهـ



رابعا: قال رسول صلى الله الله عليه وسلم: ( إياكم والجلوس في الطرقات فقالوا: يارسول الله مالنا من مجالسنا بد نتحدث فيها؟؟؟ فقال: إذا أبيتم إلا المجلس فأعطوا الطريق حقه قالوا: ماحق الطريق يارسول الله؟ قال : غض البصر..) رواه البخاري وأحمد وأبو داوود
أهى دى أدلة وجوب غض البصر

طيب ياللا نعرف أضرار إطلاق البصر

1-بص يا سيدى اللى بيطلق نظره ده بيضر نفسه وبيضر المجتمع كله
أول حاجه: بيبقى زى الحيوان عفانا الله وإياكم
طيب بس بالراحه متزعلش كده
إنت لما بتبص على البنات بتبقى عبد لشهواتك وكل تفكيرك إزاى تفرغها صح ولا لأ
ثانى حاجه:اللى بيطلق بصره ربنا ورسوله بيبغضوه
تخيل إن ربنا بيكره ذكرك ويسيبك لنفسك ولشيطانك ويغضب عليك ولا يوفقك فى دراسه ولا فى شغل
يعنى فى الآخر هتضيع
وكمان رسول الله يوم القيامه تيجى على الحوض يقولك سحقا سحقا إنت اللى كنت بتعاكس البنات وليل ونهار أمام الأفلام الإباحية
تخيل الرسول بيسألك هترد تقوله إيه يا مسكين
ثالث حاجه:اطلاق البصر هيخلى قلبك مظلم ولك أن تتخيل إيه اللى هيحصل لك إذا أظلم قلبك خلاص هتلاقى الكرب والبلاء هتعيش على طول فى إكتئاب وتفكيرك مشغول فى تفاهات
رابع حاجه :هتتأخر فى الدراسه أو فى شغلك لأنك مش مركز غير فى شهواتك بس

خامس حاجه:إطلاق البصر هيتعب عينك ويخليها دايما مجهدة
تأكد بالدراسة أن من يطلق البصر للجنس الأخر يصاب جهازه التناسلى باحتقان وممكن يصاب بالهوس الجنسى ده غير الإكتئاب

سادس حاجه:اللى بيطلق بصره إلي الحرام هيبقى ضعيف الإرادة مش بيقدر يتحكم فى نفسه لإن اللى بيكتر من النظر للحرام بيوصل إلي مرحلة ضعف التحكم في النفس وعشان كده بتوديه نفسه للمهالك والأخطر من كده أنه بيوصل صاحبه إلي ضعف فى الدين وبالتالي يفرط فى الفروض ويبتدى طريق الهلاك

سابع حاجه :كثرة المشاكل الزوجيه من كتر البنات اللى فى الشارع بيروح الراجل يشوف مراته مع الأولاد وطبعا مش مهتمه بنفسها زى البنات يطلقها


ثامن حاجه .إنتشار الفواحش فى المجتمع وكثرة حوادث الإغتصاب مفيش أمان فى الشوارع وكمان إنتشار الزنا وزنا المحارم


تاسع حاجه:دخول الأزواج على المواقع الإباحيه ممكن تخليه يكتفى بالعادة السيئة ويترك زوجته مما يؤدى بها إلى الوقوع فى الزنا عن طريق النت أو غيره



أخر حاجه :إنشغلنا بالقضايا الجنسية ونسينا قضايا الأمة الهامة








طيب يلا نشوف العلاج من الإبتلاء ده

علاج من أبتلي بالنظر

1-راقب ربنا واستحضر عظمته وأنت تستحى تعمل الحرام






2- طبق الوصية النبوية ( إذا رأى أحدكم إمرأة أعجبته فوقعت في قلبه فليعمد إلى إمرأته فإن ذلك رد نفسه) رواه أبوداود
وفي لفظ مسلم ( كان معها مثل الذي معها)
>قال ابن القيم: فإن في ذلك التسلي عن المطلوب بجنسه والثاني: إن النظر يثير قوة الشهوة فأمر بتنقيصها بإتيان أهله ففتنة النظر أصل كل فتنة.
3-اعرف أن غض البصر هو عين الشجاعة وقهر النفس وإثبات للرجولة وأن إطلاقه وراء النساء مهانة وحقارة ونقص في الرجولة والشهامة.

4- خليك دايما فاكر مساوئها: قا ل إ براهيم:إذا أعجب أحدكم المرأة فليذكر مناتنها.رواه ابن شيبة

5-إفتكر جمال الحور العين وحسنهن وأن المرأة مهما وصل درجة جمالها لا تساوي معها شيئاً ومن ترك شيئاً لله عوضه الله خيراً منه ، قال تعالى { وَلَهُمْ فِيهَا أَزْوَاجٌ مُّطَهَّرَةٌ }البقرة 25 { حُورٌ مَّقْصُورَاتٌ فِي الْخِيَامِ }الرحمن 72 { وَكَوَاعِبَ أَتْرَاباً } النبأ 33 ، وقدجاء وصفها في الحديث ( يرى مخ سوقها من وراء اللحم ) متفق عليه





6- إعرف إن النظر بريد الزنى ، اللى بيكتر من النظر إلى جمال المرأة هيتمكن بسببه حبها من قلبه تمكن يكون سبب هلاكه ووقوعه في الزنى.

يلا نعالج أنفسنا ونفوق



ونعرف فوائد غض البصر

فوائد غض البصر
ذكر ابن القيم عشر فوائد منها:
1- تخلص وتنضف قلبك من الحسرة اللى بيسببها إطلاق البصر
>قال الأصمعي: رأيت جارية في الطواف كأنها مهاة فجعلت أنظر إليها وأملأ عيني من محاسنها ، فقالت لي: يا هذا ما شأنك؟ قلت: وما عليك من النظر ؟ فأنشأت تقول :
وكنت متى أرسلت طرفك رائدا ** لقلبك يوما أتعبتك المناظر
رأيت الذي لا كله أنت قادر ** عليه ولا عن بعضه أنت صابر

والنظرة تفعل في القلب ما يفعل السهم في الرمية ، فإن لم تقتله جرحته ، وهي بمنزلة الشرارة من النار ترمي في الحشيش اليابس فإن لم تحرقه كله أحرقت بعضه.

2- أنه بيورث القلب نورا وإشراقا يظهر في العين وفي الوجه وفي الجوارح كما إن إطلاق البصر يورثه ظلمة تظهر في وجهه وجوارحه ولهذا - والله اعلم - ذكر الله تعالى آية النور في قوله { اللَّهُ نُورُ السَّمَاوَاتِ وَالْأَرْضِ }عقب قوله
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ } النور 30






3- أنه بيورث صحة الفراسة، فإنها من النور وثمراته عشان لما بنغض البصر القلب بينور ولما بيطلق العبد نظره بيطمس القلب وبيظلم قال شجاع الكرماني: من عمر ظاهره باتباع السنة وباطنه بدوام المراقبة وغض بصره عن المحارم وكف نفسه عن الشهوات وأكل من الحلال لم تخطىء فراسته.
وكان شجاع لا تخطىء فراسته ، والله تعالى يجزي العبد على عمله بما هو من جنسه فمن غض بصره عن المحارم عوضه الله سبحانه وتعالى إطلاق نور بصيرته ، فلما حبس بصره لله أطلق الله نور بصيرته ، ومن أطلق بصره في المحارم حبس الله عنه بصيرته.

4- أنه بيفتح له طرق العلم أبوابه ويسهل عليه أسبابه وذلك بسبب نور القلب فإذا إستنار قلبه ظهرت فيه حقائق المعلومات وانكشفت له بسرعة ونفذ من بعضها ، ومن أرسل بصره تكدر عليه قلبه وأظلم وانسد عليه باب العلم وطرقه

5- أنه بيورث القلب سرورا وفرحة وانشراحا أعظم من اللذة والسرور الحاصل بالنظر ده عشان بيقهر عدوه وبيخالفه وبيخالف نفسه وهواه ، وكمان لما كف لذته وحبس شهوته وخالف نفسه الأمارة بالسوء عوضه الله سبحانه وتعالى مسرة ولذة أكمل منها .
> قال بعضهم: ( والله للذة العفة أعظم من لذة الذنب ) ولا ريب أن النفس إذا خالفت هواها أعقبها ذلك فرحا وسرورا ولذة أكمل من لذة موافقة الهوى بما لا نسبة بينهما وهاهنا يمتاز العقل من الهوى .

6- أنه بيخلص القلب من أسر الشهوة فإن الأسير هو أسير شهوته وهواه ومتى أسرت الشهوة والهوى القلب تمكن منه عدوه وسامه سوء العذاب، فهو إذن يفرح بالنظر ولا يدري أنه يهلك نفسه ويعرضها للعذاب !!!
7- أنه بيسد عليه باب من أبواب جهنم ، فإن النظر باب الشهوة اللى بتخليه يقع فى الحرام ، وربنا حرمه ومنعه واللى يغضب ربنا وبيستجيب لشهوته ورغبته هيستمر ينزل من غلط إلى غلط ومن معصية لمعصية
8- أنه يدل على قوة العقل عشان مبيطلقش بصره إلا من خف عقله وزاد طيشه وعدم النظر في العواقب ، لكن صاحب العقل القوي بيعرف إيه هى عواقب إطلاق البصر


9- أنه بيخلص القلب من سكرة الشهوة ولذة الغفلة ، فإن إطلاق البصر هيخليك دايما فى غفلة عن الآخرة
ويوقع في سكرة العشق ، كما قال تعالى عن عشاق الثور قوم لوط { لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ } الحجر 72
فالنظرة كأس من خمرة والعشق هو السكر ذلك الشراب وسكر العشق أعظم من سكر الخمر فإن سكران الخمر يفيق وسكران العشق قلما يفيق إلا وهو فى عسكر الأموات .
10- أنه سبب لدخول الجنة لحديث ( اكفلوا إلي بست اكفل لكم الجنة إذا حدث أحدكم فلا يكذب وإذا أؤتمن فلا يخن وإذا وعد فلا يخلف ، غضوا أبصاركم وكفواأيديكم واحفظوا فروجكم )
رواه الطبراني

إنتظرونا مع اللقاء القادم
مع عواقب العادة السيئة
خليييييكم معـــايــــــا

avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف قلب الحب في الثلاثاء 08 نوفمبر 2011, 11:06 am


جزاكي الله خيرا

وجعله في ميزان حسناتك





avatar
قلب الحب
VIP
VIP

empty empty empty الاداري المميز وسام الحضور المميز empty empty
empty empty empty empty empty انثى

عدد المساهمات : 31739

نقاط : 130177

تاريخ التسجيل : 24/03/2011

الموقع الموقع : قلب حبيبي

empty sms

إذا كـــان الغــــرور طبعـــــك
فإن الكبــــــرياء إمضــــائي

قلب الحب empty

الرجوع الى أعلى الصفحة اذهب الى الأسفل

رد: عينك امانه

مُساهمة من طرف حلم الربيع في الجمعة 18 نوفمبر 2011, 1:09 pm

امين يارب العالمين

جزانا الله واياكم كل خير
avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف توته الشقيه في السبت 26 نوفمبر 2011, 3:33 am

avatar
توته الشقيه
VIP
VIP

empty empty empty empty انثى

عدد المساهمات : 2900

نقاط : 26239

تاريخ التسجيل : 16/09/2009

sms منتدى شهد القلوب
empty

الرجوع الى أعلى الصفحة اذهب الى الأسفل

رد: عينك امانه

مُساهمة من طرف نبض القلوب في السبت 26 نوفمبر 2011, 12:45 pm

avatar
نبض القلوب
VIP
VIP

empty وسام التشجيع empty انثى

عدد المساهمات : 368

نقاط : 7667

تاريخ التسجيل : 13/11/2011

المشرف المميز sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف عبير الروح في السبت 26 نوفمبر 2011, 8:51 pm

avatar
عبير الروح
عضو ماسي
عضو ماسي

empty empty empty empty empty
empty empty empty empty empty empty empty empty empty انثى

عدد المساهمات : 29839

نقاط : 107537

تاريخ التسجيل : 09/02/2010

empty empty empty empty

الرجوع الى أعلى الصفحة اذهب الى الأسفل

رد: عينك امانه

مُساهمة من طرف خاطفة القلب في الأحد 27 نوفمبر 2011, 4:42 pm


حلم الربيع
جزاكى الله كل خيرا

وجعله فى ميزان حسناتك
كل الود والتقدير
دمتى برضى من الرحــمن
لكى خالص احترامى
ودعواتى


خاطفة القلب


avatar
خاطفة القلب
عضو مميز
عضو مميز

empty empty empty انثى

عدد المساهمات : 121

نقاط : 6981

تاريخ التسجيل : 18/10/2011

sms ولــدت رغمــآ عنــي ,, وســأمــوت رغمــآ عنــي ,, لكنــي ســأعــيش كمــآ أريد
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف حلم الربيع في الأربعاء 07 ديسمبر 2011, 9:26 am

جزانا الله واياكم كل خير
avatar
حلم الربيع
VIP
VIP

empty empty empty المصممة وسام  شكر من الادارة
empty empty empty empty empty empty انثى

عدد المساهمات : 6657

نقاط : 31592

تاريخ التسجيل : 15/09/2010

empty sms منتدى شهد القلوب
mms

الرجوع الى أعلى الصفحة اذهب الى الأسفل

رد: عينك امانه

مُساهمة من طرف محمد نادر في الأربعاء 07 ديسمبر 2011, 9:47 am

مشاركاتك هادفة


حلم الربيع

محمد نادر
VIP
VIP

empty وسام النشاط empty اوفياء المنتدى ذكر

عدد المساهمات : 1168

نقاط : 10681

تاريخ التسجيل : 22/08/2011

sms منتدى شهد القلوب
mms

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى